ទៅដល់​ កូរ៉េ បើមិនបានទៅ៨​កន្លែងនេះដឹងតែស្ដាយក្រោយហ្មង!

  • 2018-07-11 07:59:12
  • ចំនួនមតិ 0 | ចំនួនចែករំលែក 336

ចន្លោះមិនឃើញ

តើ​នរណា​ខ្លះ​មាន​គម្រោង​ធ្វើ​ដំណើរ​ទៅ​ទីក្រុង​សេអ៊ូល​របស់​ប្រទេស​កូរ៉េ​ខាង​ត្បូង? វា​ជា​ទិសដៅ​គួរ​អោយ​ចាប់​អារម្មណ៍​មួយ​ផ្សេង​ទៀត​ដែល​សប្បាយ​ដើរ​ចង់​ណែនាំ។ នៅ​ទីនោះ​មាន​កន្លែង​ទេសចរណ៍​ច្រើន​ណាស់​ដូចជា បរម​រាជ​វាំង សារមន្ទីរ សួន​កម្សាន្ត ហាង​កាហ្វេ​ស្អាតៗ​ក៏​ដូច​ជា​កន្លែង​ដើរ​ទិញ​ឥវ៉ាន់​ជាដើម។ អ្វី​ដែល​កាន់​តែ​ពិសេស​នោះ​គឺ​សម្បូរ​ទៅ​ដោយ​អាហារ​ឆ្ងាញ់​ៗ​ទៀត​ផង។

១. Saemaeul Restaurant

ពី​តំបន់​មួយ​ទៅ​តំបន់​មួយ​នៅ​ប្រទេស​កូរ៉េ​តែង​តែ​មាន​ហាង​ខុសៗ​គ្នា ហើយ​តំបន់​មួយ​នៅ​ក្នុង​ចំណោម​នោះ​គឺ​តំបន់ Hongdae។ តំបន់​នេះ​គឺ​ល្បី​ទៅ​លើ​ខាង​ម៉ូត​សំលៀកបំពាក់​ និង​ជា​តំបន់​មួយ​ដែល​ពោរពេញ​ទៅ​ដោយ​ភោជនីយដ្ឋាន។ ហាង​មួយ​ដែល​ល្បី​នៅ​ក្នុង​ចំណោម​នោះ​គឺ Saemaeul Restaurant​​​ ដែល​ជា​​ហាង​សាច់​អាំង​កូរ៉េ​២៤ម៉ោង។

​ធ្វើ​ដំណើរ​តាម Hongik Station MRT (Line 2) Exit8

២. Tia Pol

បើ​សិន​ជា​អ្នក​បាន​ទៅ​លេង​នៅ​ភូមិ​បុរាណ Chun Hanok កុំ​ភ្លេច​ទៅ​សាក​ភេសជ្ជៈ​នៅ​ហាង Tia Pol បើ​ទោះ​បី​ជា​វា​គ្រាន់​តែ​ជា​ហាង​តូច​មួយ​ក៏​ដោយ។ ភេសជ្ជៈ​នេះ​មាន​លក្ខណៈ​ពិសេស​ដោយ​សារ​តែ​មាន​ស្ករ​សំឡី​នៅ​ពី​លើ។ ភាគ​ច្រើន​គេ​និយម​កុម្ម៉ង់ Hot Green Tea Latte (5,500 won) + Cotton Candy (500 won) ជាមួយ​នឹង​នំ​ពុម្ព​ប្រចាំ​ហាង​ដែល​មាន​ដាក់​គ្រីម​និង​ទឹក​ស្ត្របឺរី។

ធ្វើ​ដំណើរ​តាម MRT Station Anguk Station (line 3) Exit 2

៣. Café Onion

ហាង​កាហ្វេ​នេះ​បាន​សាងសង់​តាំង​ពី​ឆ្នាំ ១៩៧០ មក​ម្ល៉េះ ហើយ​ជនជាតិ​កូរ៉េ​ភាគច្រើន​ទៅ​ទី​នោះ​ជា​ក្រុម​ដើម្បី​ជជែក​កម្សាន្ត​ជាមួយ​មិត្តភ័ក្ដិ​ឬក៏​ធ្វើ​ការងារ​សាលា​ផ្សេងៗ​ជាដើម។ អ្នក​អាច​ឡើង​ទៅ​អង្គុយ​នៅ​លើ​ដំបូល​ដើម្បី​គយគន់​ទេសភាព​ដ៏​ស្រស់​ស្អាត​ជាមួយ​នឹង​បង្អែម​ឆ្ងាញ់​នៅ​ទីនោះ។

ធ្វើ​ដំណើរ​តាម Seongsu Station MRT (line 2) Exit 2 ចាប់​បើក​ពី​ថ្ងៃ​ច័ន្ទ​ដល់​ថ្ងៃ​សុក្រ ពី​ម៉ោង​៨​ព្រឹក​ដល់​ម៉ោង​១០​យប់ និង​ថ្ងៃ​សៅរ៍​ដល់​ថ្ងៃ​អាទិត្យ​ពី​ម៉ោង​១០​ព្រឹក​ដល់​១០​យប់។

៤. Manufact Coffe

បរិយាកាស​ហាង​ដ៏​ល្អ​ប្រណិត​ជាមួយ​នឹង​កាហ្វេ​ដែល​ត្រូវ​បាន​ឆុង​ដោយ​Baristaដ៏​ជំនាញ។

ប្រសិន​បើ​អ្នក​ពិសា​កាហ្វេ​ជា​លើក​ដំបូង​នោះ​វា​នឹង​មាន​រសជាតិ​ល្វីង​បន្ដិច ប៉ុន្ដែ​វា​នឹង​ប្ដូរ​រសជាតិ​ទៅ​ជា​សូកូឡា និង​ជាតិ​អាកុល Nicaragua ដែល​មាន​រសជាតិ​ប្លែក​ឆ្ងាញ់​ខុស​ពី​កាហ្វេ​ធម្មតា។

អាសយដ្ឋាន៖ 50 Apgujeong-ro 46-gil, Gangnam-gu, Seoul 4F ចាប់​បើក​ពី​ថ្ងៃ​អង្គារ ដល់ ថ្ងៃ​សៅរ៍ ពី​ម៉ោង១០:៣០នាទី​ព្រឹក ដល់ ម៉ោង ៨យប់ និង​ថ្ងៃ​អាទិត្យ​ចាប់​ពី​ម៉ោង១២​ថ្ងៃ​ត្រង់ ដល់ ម៉ោង ៨​យប់ (បិទ​រៀងរាល់​ថ្ងៃ​ច័ន្ទ)

៥. Dongdaemun Design Plaza (DDP)

DDP គឺ​ជា​អាគារ​ដ៏​ចម្លែក​និង​ស្អាត​ដែល​បាន​ច្នៃ​ដោយ​អ្នក​គូរ​ប្លង់​ស្រី​ឈ្មោះ Zana Hadid និង Samoo។ DDP ត្រូវ​បាន​គេ​សង់​ឡើង​ក្នុង​គោល​បំណង​សម្រាប់​ធ្វើ​ជា​កន្លែង​រៀប​ពិធី​តាំង​ពិព័រណ៍ ហើយ​នៅ​ទី​នោះ​មាន​ទំហំ ៩០,០០០ ម៉ែត្រ​ការ៉េ ចែក​ចេញ​ជា​ ៥​ច្រក៖ Art Hall, សារមន្ទីរ, Design Lab, ឧទ្យាន​ប្រវត្តិសាស្ត្រ​និង​វប្បធម៌ Dongdaemun, Oullim Sqaure និង Design Market។

Dongdaemun Design Plaza (DDP) ទីតាំង៖ D281, Eulji-ro, Jung-gu, Seoul 100-197

ធ្វើ​ដំណើរ​តាម Dongdaemun MRT Station (line 2,4,5) Exit 1 បើ​ជា​រៀង​រាល់​ថ្ងៃ​ពី​ម៉ោង ៩​ព្រឹក​ដល់​ម៉ោង​៧​យប់

៦. Leeum: Samsung Musuem of Art

Samsung Musuem of Art ចាប់​ផ្ដើម​បើក​ដំណើរ​ការ​ក្នុង​ឆ្នាំ​២០០៤​ក្រោម​ការ​គ្រប់គ្រង​ពី​ Samsung Foundation of Culture (១៩៦៥) ក្នុង​គោលបំណង​លើក​តម្កើង​មរតក​វប្បធម៌ និង​សិល្បៈ​ផ្សេងៗ របស់​ជនជាតិ​កូរ៉េ​តាំង​ពី​ជំនាន់​បុរាណ​រហូត​ដល់​សម័យ​ទំនើប។

Leeum: Samsung Musuem of Art ទីតាំង៖ 60-16 Iltaewon-ro, Yongsan-gu, Seoul 04348

ធ្វើ​ដំណើរ​តាម MRT Station, Hangangjin Station (line 6) Exit 1

៧. Changdeokgung Palace

ក្រឡេក​មក​មើល​អគារ​បុរាណ​វិញ​ម្ដង Changdeokgung Palace គឺ​ជា​វាំង​ដែល​ត្រូវ​បាន​កសាង​បន្ទាប់​ពី​វាំង Kung Kung (Gyeongbukgung Palace) ដែល​ធ្លាប់​ជា​វាំង​របស់​ស្ដេច Joseon។ នៅ​ទី​នោះ​មាន​សួន​មួយ​ដែល​មាន​ឈ្មោះ​ថា Biwon Garden ឬHuwon Park​ដែល​ជា​សួន​ពោរពេញ​ទៅ​ដោយ​ដើមឈើ​ដែល​មាន​អាយុ​៣០០​ឆ្នាំ។ អ្វី​ដែល​កាន់​តែ​ធ្វើ​ឲ្យ​ទី​នោះ​កាន់​តែ​ពិសេស​នោះ​គឺ​អ្នក​អាច​ជួល​សំលៀកបំពាក់​បុរាណ Hanbok របស់​ជនជាតិ​កូរ៉េ​ដើម្បី​ថត​រូប​ទុក​ជា​អនុស្សាវរីយ៍​បាន​ទៀត​ផង។

Changdeokgung Palace ទីតាំង៖ 99 Yulgok-ro, Waryong-dong, Jongno-gu, Seoul

ធ្វើ​ដំណើរ​តាម MRT Station Anguk Station Exit 3

៨. Myeong Dong

ប្រហែល​ជា​អ្នក​អាច​នឹង​ធ្លាប់​លឺ​ពី​ Myeong Dong ខ្លះៗ​ហើយ​ព្រោះ​ទី​នោះ​គឺ​ជា​តំបន់​ដែល​ល្បី​សម្រាប់​អ្នក​ដែល​ចូលចិត្ត​ដើរ​ទិញ​ឥវ៉ាន់។ នៅ​ទីនោះ​មាន​ទាំង​ហាង​តូច​និង​ធំ​គ្រប់​ប្រភេទ ហើយ​ក៏​មាន​ផ្សារ​ទំនើប​ជា​ច្រើន​ទៀត​ផង។ នៅ​តាម​ដង​ផ្លូវ​មាន​លក់​អាហារ​ឆ្ងាញ់ៗ និង​ម៉ាក​គ្រឿង​សម្អាង​ល្បីៗ​សម្រាប់​មិត្ត​នារី​គឺ​ដឹង​តែ​ត្រូវ​ចិត្ត​តែ​ម្តង៕

Myeong Dong ទីតាំង៖ Myeong-dong, Jung-gu, Seoul

ធ្វើ​ដំណើរ​តាម Myeongdong Station MRT Station Exit 6

សូមទស្សនាវីដេអូ​ខាងក្រោម៖


ប្រភព៖ bkkmenu ប្រែ​សម្រួល៖ Sey