ចង់ដឹងទេ ? សួនកម្សាន្តDisneyland ដែលល្បីជាងគេមាននៅប្រទេសណាខ្លះ?

2018-07-18 05:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Disneyland ត្រូវបានគេទទួលស្គាល់ថាជាកន្លែងដែលសប្បាយជាងគេនៅលើលោកនេះ ប៉ុន្តែដើម្បីឲ្យកាន់តែមានភាពទាក់ទាញនៅទូទាំងពិភពលោកសួនកម្សាន្តនីមួយៗត្រូវបានកែសម្រួលដើម្បីតម្រូវតាមវប្បធម៌និងចំណង់ចំណូលចិត្តក្នុងតំបន់។

១. Disneyland រដ្ឋកាលីហ្វញ៉ា

Disneyland នេះជាកន្លែងដំបូងគេក្នុងចំណោម Disneyland ទាំងអស់នៅជុំវិញពិភពលោក។ Disneyland នេះបានបើកសម្ពោធនៅថ្ងៃទី ១៧ ខែកក្កដា ឆ្នាំ ១៩៥៥ ត្រូវបានសាងសង់ក្រោមការត្រួតពិនិត្យដោយផ្ទាល់ពី Walt Disney។

សួនកម្សាន្តនេះមានចំនួនអ្នកទេសចរកើនឡើងខ្ពស់ជាងសួនកម្សាន្តដទៃទៀតនៅក្នុងពិភពលោក។

២. Disneyland រដ្ឋ Florida

ត្រូវបានគេហៅថា Walt Disney World ដែលបានបើកនៅថ្ងៃទី ១ ខែតុលា ឆ្នាំ ១៩៧១។

នៅទីនោះចែកចេញជាសូនកម្សាន្តតូចៗ៤ សួនទឹក២ សណ្ឋាគារនិងរីហ្សតចំនួន២៧កន្លែង កន្លែងវាយកូនហ្គោល កន្លែងបោះតង់ និង កន្លែងកម្សាន្តផ្សេងៗជាច្រើនទៀត។

៣. Disneyland ជប៉ុន

ប្រទេសជប៉ុនបានបង្កើតសួនកម្សាន្ត Disneyland នេះជា២គឺ Disneyland តូក្យូ និង DisneySea។

បន្ទាប់បានបើកជាផ្លូវការនៅថ្ងៃទី១៥ ខែមេសា ឆ្នាំ ១៩៨៣ នេះគឺជា Disneyland ទី១ដែលបានបើកនៅតំបន់អាស៊ី។

៤. Disneyland ប៉ារីស

នេះគ្មានអ្វីគួរឲ្យភ្ញាក់ផ្អើលទេនៅពេលដែល Disneyland ប៉ារីសគឺជាសួនកម្សាន្តដែលមានអ្នកចូលលេងច្រើនជាងគេនៅទ្វីបអឺរ៉ុប។ កន្លែងតែមួយដែលអ្នកអាចរីករាយជាមួយនឹងការជិះកម្សាន្តនៅឧបករណ៍រន្ធត់ៗ ខ្ពស់ៗ អាហារ និងវាយកូនហ្គោល។

៥. Disneyland ហុងកុង

Disneyland ហុងកុងរួមបញ្ចូលគ្នានូវភាពដ៏អស្ចារ្យរបស់ Disney និង វប្បធម៌ Feng Shui របស់ជនជាតិចិន ហើយក៏ដូចជា Disneyland ដទៃទៀតដែលមានកន្លែងលេងច្រើនធ្វើឲ្យអ្នកហាក់បីដូចជាកំពុងស្ថិតនៅក្នុងពិភពព្រេងនិទានរបស់ Walt Disney អញ្ចឹង។