ប្លែកអារម្មណ៍ទេសភាពស្អាតដូចនៅអឺរ៉ុបតែតាមពិត "ភូមិបារាំង" នៅ វៀតណាម សោះ!

2018-07-25 06:53:16
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រហែលជាធ្លាប់តែទៅដើរលេងនៅប្រទេសវៀតណាមដើម្បីមើលទេសភាពស្អាតៗនិងដើរញ៉ាំអាហាររបស់ជនជាតិវៀតណាមតែប៉ុណ្ណោះ។ ចុះអ្នកមានដឹងអត់ថានៅទីនោះមានតំបន់មួយដែលរៀបចំដូចនៅប្រទេសបារាំងមានអគារប្រវត្តិសាស្ត្រស្អាតៗជាច្រើន។

មិនតែប៉ុណ្ណោះនៅតំបន់ភូមិបារាំងនោះក៏មានភ្នំមួយដែលមានទេសភាពស្រស់បំព្រងជាមួយនឹងខ្យល់អាកាសបរិសុទ្ធសម្រាប់អ្នកលំហែកាយបានទៀតផង។ ភ្នំនោះមានឈ្មោះថា កូនភ្នំ Ba Na។

បើអ្នកជិះឡានចេញពី Da Nang មកគឺចំណាយពេលប្រហែល ៤៥នាទី។ កូនភ្នំ Ba Na នេះស្ថិតនៅភ្នំ Truong Son ភាគខាងលិចនៃ Da Nang។ តំបន់នេះបានរកឃើញនៅក្នុងសម័យអាណានិគមបារាំងឆ្នាំ ១៩១៩ រហូតដល់៤ឆ្នាំមុនមានអ្នកវិនិយោគជាច្រើនមកដាក់ទុននៅតំបន់នោះហើយក៏បានផ្លាស់ប្ដូរតំបន់នោះឲ្យទៅជាកន្លែងមួយយ៉ាងស្អាតដែលទាក់ទាញភ្ញៀវទេសចរណ៍ជាច្រើន។

ដើម្បីធ្វើដំណើរទៅភូមិបារាំងនោះអ្នកត្រូវជិះខ្សែរ៉កដែលមានប្រវែង ៥គីឡូម៉ែត ពីចំណុចចាប់ផ្ដើមទៅភូមិបារាំងនោះ។ អ្នកនឹងរីករាយជាមួយទេសភាពធម្មជាតិតាមជ្រលងភ្នំជាក់ជាមិនខាន។

ភូមិបារាំងគឺជាភូមិតូចមួយដែលស្អាតហើយស្ទើរតែគ្រប់អគារទាំងអស់ត្រូវបានសាងសង់ឡើងតាមម៉ូតរបស់ប្រទេសបារាំងមានទាំងវិហារសាសនាគ្រិស្ត ហាង ភោជនីយដ្ឋាន និង សណ្ឋាគារ។

ដោយសារតែទីនោះគឺជាតំបន់ភ្នំហេតុដូច្នេះហើយទើបទីនោះមានអាកាសធាតុត្រជាក់បូកផ្សំទៅនឹងអាគារដែលធ្វើឲ្យអ្នកមានអារម្មណ៍ហាក់បីដូចជាអ្នកកំពុងតែស្ថិតនៅប្រទេសបារាំងអីចឹង។ អ្វីដែលកាន់តែដូចទៀតនោះគឺមានការសម្ដែងនៅតាមដងផ្លូវដែលធ្វើឲ្យអ្នកពិតជាប្លែកភ្នែកនិងធ្វើឲ្យដំណើរកម្សាន្តរបស់អ្នកកាន់តែមានអស្ចារ្យ៕