"Mission: Impossible Fallout” ខ្សែភាពយន្តបាញ់ប្រហារផ្សងពេ្រងដ៏អស្ចារ្យ
- 2018-07-30 01:45:00
- ចំនួនមតិ 0 | ចំនួនចែករំលែក 0
"Mission: Impossible Fallout” ខ្សែភាពយន្តបាញ់ប្រហារផ្សងពេ្រងដ៏អស្ចារ្យ
ចន្លោះមិនឃើញ
ខ្សែភាពយន្ត "Mission: Impossible Fallout” ដែលជាប្រភេទរឿងវាយប្រហារនិងសើុបអង្កេតដ៏ល្បីល្បាញរបស់លោក Ethan Hunt ដែលមនុស្សភាគច្រើនស្គាល់ថាជាលោក (Tom Cruise) ពេលនេះបានចាប់ផ្តើមចាក់បញ្ចាំងនៅរោងភាពយន្តក្នុងប្រទេសកម្ពុជាហើយ។ ខ្សែភាពយន្តនេះនិយាយអំពីបេសកកម្មរបស់មនុស្សមួយក្រុម ក្នុងការការពារពិភពលោកពីការគំរាមដោយអាវុធនុយក្លេអ៊ែរ ហើយវាជាបេសកកម្មដ៏អស្ចារ្យមួយដែលមានត្រឹមតែមនុស្ស ៣ ទៅ៤ នាក់ប៉ុណ្ណោះ។
ឈុតឆាកនៅក្នុងរឿងនេះបានបង្ហាញពីសមត្ថភាពរបស់លោក Tom ក្នុងការសម្រេចចិត្ត និងការគ្រប់គ្រងពេលវេលាបានយ៉ាងល្អ។ មិនត្រឹមតែប៉ុណ្ណោះ វាក៏បានបង្ហាញពីការហ៊ានប្រថុយជីវិត ដោយមិនខ្លាចបាត់បង់ជីវិត ដើម្បីបំពេញភារៈកិច្ចរបស់ខ្លួនឡើយ។
លោក Tom មិនរអែងក្នុងការលោតពីលើអាគារខ្ពស់ និង តោងខ្សែពួរ ឡើងឧទ្ធមាគចក្រ ដើម្បីប្រជែងជាមួយគូរបដិបក្សឡើយ ហើយលោកបានប្រថុយជីវិតក្នុងការតោង ឡើងលើជ្រលងភ្នំដែលមានកំពស់រាប់រយម៉ែត្រថែមទៀត។ មិនតែប៉ុណ្ណោះ វាក៏បានបង្ហាញពីការហ៊ានលះបង់សេចក្តីស្នេហា ដើម្បីបញ្ចប់បេសកកម្មមួយអោយចប់សព្វគ្រប់។
នៅមានឈុតឆាកប្លែកៗជាច្រើនទៀត ដែលធានាថាទស្សនិកជននឹងមិនស្តាយក្រោយ បន្ទាប់ពីទស្សនាខ្សែភាពយន្តដ៏អស្ចារ្យមួយនេះ។ ដើម្បីចង់ដឹងថារាល់ឈុតឆាករន្ធត់ប៉ុណ្ណា អ៊ីចឹងកុំភ្លេចទៅចូលរួមតាមដានបេសកកម្មរបស់ក្រុមលោក Tom Cruise ទាំងអស់គ្នា ដែលមានចាក់បញ្ចាំងនៅគ្រប់រោងភាពយន្តចាប់ពីថ្ងៃទី ២៧ខែកក្កដានេះតទៅ ។
អត្ថបទ៖ Nita