មិនធ្លាប់មើលរឿង The Purge កាលពីវគ្គមុនៗក៏អាចទៅមើលវគ្គនេះបានដែរ!

2018-09-09 19:06:05
ចំនួនមតិ 0 | ចំនួនចែករំលែក 0

ចន្លោះមិនឃើញ

មានអ្នកខ្លះឆ្ងល់មែនទេថាអ្វីទៅជា The Purge? ជាមនុស្សឬជាបិសាចដែលចូលចិត្តប្រើអំពើហិង្សា យកកាំបិតឬកាំភ្លើងសម្លាប់គេឯង? សម្រាប់អ្នកដែលមិនធ្លាប់មើលរឿង The Purge កាលពីវគ្គមុនៗប្រហែលជាគិតថាបុរសម្នាក់នៅក្នុង Official Poster ខាងក្រោមនេះគឺជា The Purge ហើយមែនទេ? តាមពិតទៅ The Purge គឺជាយប់ដ៏ឃោរឃៅនិងព្រៃផ្សៃមួយនៅសហរដ្ឋអាមេរិកដែលអនុញ្ញាតឲ្យមនុស្សសម្លាប់គ្នាដើម្បីបញ្ចេញកំហឹង។

The First Purge គឺជារឿងដែលកើតឡើងមុនរឿង The Purge Anarchyនិង The Purge, Election Year។ រឿងនេះនិយាយពីការកើតមាន The Purge ដំបូងគេបង្អស់ដែលជាយប់ដ៏ព្រៃផ្សៃ។ដំបូងឡើយរដ្ឋាភិបាលអាមេរិកបានធ្វើតេស្តសាកល្បង The Purge នៅក្នុងកោះមួយនៅសហរដ្ឋអាមេរិកប៉ុណ្ណោះ បន្ទាប់មកការសាកល្បងនេះក៏ទទួលបានជោគជ័យដោយមានមនុស្សជាច្រើនបានចូលរួមនិងបញ្ចេញកំហឹងនៅក្នុងយប់នោះរហូតធ្វើឲ្យមាន The Purge ជារៀងរាល់ឆ្នាំទូទាំងសហរដ្ឋអាមេរិក។ ដោយសារតែរឿងនេះជារឿង The Purge ដំបូងគេដូច្នេះហើយអ្នកដែលមិនធ្លាប់មើលវគ្គមុនៗក៏អាចទៅមើលវគ្គនេះយល់បានដែរ។

ដោយសារតែនៅក្នុងប្រទេសមានឧក្រិដ្ឋកម្មកើនឡើងច្រើន សហរដ្ឋអាមេរិកក៏សម្រេចចិត្តបង្កើត The Purge នេះឡើងឲ្យមនុស្សបានបញ្ចេញកំហឹងដើម្បីកាត់បន្ថយឧក្រិដ្ឋកម្ម។ ប៉ុន្តែអ្នកដែលបរិសុទ្ធមួយចំនួនបានស្លាប់នៅក្នុងយប់ដ៏សាហាវនោះ។ បើចង់ដឹងច្បាស់ កុំ ភ្លេចទៅមើល The First Purge ណា៎៕