លង់ហើយឆ្នេរតាបារាំង! វាលខ្សាច់សក្បុស សូម្បីទេសភាពតាមផ្លូវក៏ស្អាត ចង់ទៅលេងភ្លាមៗ

  • 2019-05-08 04:44:55
  • ចំនួនមតិ 0 | ចំនួនចែករំលែក 6

ចន្លោះមិនឃើញ

​ឆ្នេរ​តា​បារាំង ​តំបន់​ទេសចរណ៍​ក្នុង​ខេត្ត​ព្រះ​សី​ហ​នុ ​ពិត​ជា​មាន​ទេសភាព​ស្អាត​ខ្លាំង ​មិន​ចាញ់​កោះ​រ៉ុង​ប៉ុន្មាន​នោះ​ទេ។ ​ឆ្នេរ​នេះ​មាន​ខ្សាច់​​សក្បុស ​ទឹក​រាក់​​ស្រួល​លេង និង​មាន​ខ្យល់​បរិសុទ្ធ​​ធម្មជាតិ​ត្រជាក់​កាយ​តែ​ម្ដង ស្ងប់ស្ងាត់​ ជាមួយ​ទេសភាព​ស្រស់​ត្រកាល។ ​​​

​កុំ​ថា​ឡើយ​​ទេសភាព​ទាក់​ចិត្ត​មិន​ធម្មតា​របស់​ឆ្នេរ​តា​បា​រាំង ​សូម្បី​​ទេសភាព​នៅ​តាម​​ផ្លូវ​ទៅ​តំបន់​ទេសចរណ៍​នេះ ​ក៏​ស្អាត​ខ្លាំង​ មិនធម្មតាដែរ។ ​លោក​អ្នក​អាច​ចុះ​ថត​រូប​លេង ជាមួយ​វាល​ស្មៅ​ខ្ពស់​ទាប​យ៉ាង​ក្រាស់​ដេលដាស មើល​ទៅ​ដូច​នៅ​បរទេស​អ៊ី​ចឹង។ ​យ៉ាង​ណាៗ ​ខែ​ឧសភា​នេះ ​សម្បូរ​ថ្ងៃ​ឈប់​សម្រាក​ច្រើន ​កុំ​ភ្លេច​នាំ​គ្នា​ទៅ​លេង​កម្សាន្ត​នៅ​តំបន់​នេះ​ទាំង​អស់​គ្នា។ ​លោក​អ្នក​អាច​យក​នំ​ចំណី​សម្រាប់​ទៅ​ញ៉ាំ​ទី​នោះ​បាន ​ព្រោះ​ការ​លក់​ដូរ​មិន​ទាន់​សំបូរ​នោះ​ឡើយ។​​

ឆ្នេរ​នេះ​នៅ ភូមិ​រិទ្ធី 2 ឃុំ​កែវ​ផុស ស្រុក​ស្ទឹង​ហាវ ខេត្ត​ព្រះ​សី​ហនុ ផ្លូវ​ចូល​តាម​ចំការ​ដូង​ប្រេង ម៉ុង​រិទ្ធី កែវ​ផុស មាន​ចម្ងាយ​ត្រឹម​តែ190KM ពី​ភ្នំពេញ ​៕

រូបភាព៖ PH Travel & Travel Around the world


អត្ថបទ៖ លឹម សុនា