គ្រឿងអេឡិចត្រូនិកក្រោម ២០$ ដែលអ្នកគួរតែមាន
- 2017-04-26 10:00:00
- ចំនួនមតិ 0 | ចំនួនចែករំលែក 0
គ្រឿងអេឡិចត្រូនិកក្រោម ២០$ ដែលអ្នកគួរតែមាន
ចន្លោះមិនឃើញ
អោយតែលឺពាក្យថាគ្រឿងអេឡិចត្រូនិកមិនដែលសូវថោកទេ ត្រូវអត់? ហើយបើនិយាយទៅ សម័យនេះក៏ជាសម័យអេឡិចត្រូនិកដែលទាមទារអោយយើងត្រូវតែមានវាដើម្បីអោយការរស់នៅរបស់យើងកាន់តែងាយស្រួលបន្ថែមទៀត។ ដូច្នេះថ្ងៃនេះសប្បាយដើរ នឹងបង្ហាញពី គ្រឿងអេឡិចត្រូនិកមួយចំនួនដែលអ្នកចាំបាច់ត្រូវតែមាន ហើយតម្លៃគឺស្ថិតនៅក្រោម២០ដុល្លារតែប៉ុណ្ណោះ។
១ USB/Flash Drive
USB គឺជារបស់ចាំបាច់សម្រាប់សិស្សនិស្សិត និងអ្នកធ្វើការ ព្រោះថាពួកគេត្រូវការវាដើម្បីផ្ទុកទិន្នន័យ ឬឯកសារសំខាន់បន្ថែម ឬ ក៏ផ្ទេរទិន្នន័យអោយទៅអ្នកផ្សេងដោយមិនចាំបាច់ប្រើអ៊ីនធឺណិតដោយប្រើUSBនេះ។ USBដែលមានតម្លៃក្រោម២០ដុល្លារនេះគឺមានទំហំ ដល់ទៅ ៦៤GB និងផ្ទេរទិន្នន័យក្នុងល្បឿនដល់ទៅ៣.០MB ផងដែរ។
២.Power Bank
ប្រាកដណាស់ថាការមាន Power Bank ជាប់តាមខ្លួនគឺជារឿងចាំបាច់មួយដែរដោយសារតែម្នាក់ៗប្រើប្រាស់ទូរស័ព្ទដៃ និង iPad ជាញឹកញាប់ក្នុងមួយថ្ងៃៗ ហើយ Power Bankអាចអោយយើងសាកថ្មដោយមិនបាច់ដើររករន្ធភ្លើង។ វាកាន់តែមានអត្ថប្រយោជន៍នៅពេលដែលអ្នកត្រូវដើរលេងកម្សាន្តតាមតំបន់ដាច់ស្រយាល ឬចុះបេសកកម្មផ្សេងៗដែលគ្មានអគ្គីសនីគ្រប់គ្រាន់។
៣ ឧបករណ៍កាន់ទូរស័ព្ទលើកញ្ចក់ឡាន
ឧបករណ៍នេះមានអត្ថប្រយោជន៍មែនទែនសម្រាប់អ្នកដែលតែងតែបើកមើលgoogle map ពេលបើកបរដើម្បីស្វែងរកគោលដៅ។ វាជៀសវាងនូវគ្រោះថ្នាក់ចរាចរណ៏ដែលអាចកើតមានឡើងដោយសារតែអ្នកបើកបរត្រូវការកាន់ និងឱនមើលទូរស័ព្ទញឹកញាប់ពេក។ ឧបករណ៍នេះមាន ២ប្រភេទសម្រាប់ជ្រើសរើស គឺមួយអាចដាក់តោងជាប់នឹងកញ្ចក់ឡាន និងមួយទៀតដាក់កិបនឹងស្លាបម៉ាស៊ីនត្រជាក់។
៤ កាសត្រចៀក
ប្រាកដណាស់កាសដាក់ត្រចៀកគឺជាវត្ថុដែលចាំបាច់មួយ ដែលអ្នកអាចប្រើស្ដាប់ចម្រៀងដើម្បីបន្ធូរអារម្មណ៍តានតឹង និងអាចប្រើសម្រាប់និយាយទូរស័ព្ទពេលបើកយានយន្តផងដែរ។
៥ Mouse អត់ខ្សែ
ការប្រើ Mouse ដែលអត់ខ្សែនេះ គឺមានភាពងាយស្រួលជាង Mouseធម្មតា ដែល តែងតែមានខ្សែរញ៉េរញ៉ៃ ដោយសារតែអ្នកមិនចាំបាច់ត្រូវមូលវាទុកចុះឡើងនាំតែខាតពេល ហើយសល់កន្លែងទូលាយសម្រាប់ដាក់សម្ភារៈផ្សេងៗទៀតផង។
៦ ស្រោមទូរស័ព្ទ និងកុំព្យូទ័រ
ទូរស័ព្ទ និងកុំព្យូទ័រដែលអ្នកមានសុទ្ធតែត្រូវចំណាយលុយជាច្រើនដើម្បីបានវាមក ដូច្នេះអ្នកត្រូវចេះថែទាំវាអោយបានល្អដោយការដាក់ស្រោមការពារអោយបានត្រឹមត្រូវ ជៀសវាងការធ្លាក់ និងបុកទង្គិចនានា។
គ្រឿងអេឡិចត្រូនិកខាងលើសុទ្ធសឹងតែជារបស់ដែលចាំបាច់ និងមានប្រយោជន៍ ដូច្នេះទិញហើយ ដឹងតែអត់ស្ដាយលុយសោះហ្មង!
អត្ថបទ៖ ដេមី
អត្ថបទ៖ ដេមី