កុំភ្លេចសប្ដាហ៍នេះ ចូលរួមជាកម្លាំងចិត្តដល់សិល្បៈល្ខោនបុរាណក្នុងកម្មវិធី «ស្នាដៃ និងអនាគតលើកទី៥»
- 2017-08-31 07:19:55
- ចំនួនមតិ 0 | ចំនួនចែករំលែក 0
កុំភ្លេចសប្ដាហ៍នេះ ចូលរួមជាកម្លាំងចិត្តដល់សិល្បៈល្ខោនបុរាណក្នុងកម្មវិធី «ស្នាដៃ និងអនាគតលើកទី៥»
ចន្លោះមិនឃើញ
នៅថ្ងៃអាទិត្យ ទី៣ ខែកញ្ញា ខាងមុខនេះនឹងមានកម្មវិធីសិល្បៈល្ខោនបុរាណដែលមានឈ្មោះថា «ស្នាដៃ និងអនាគតលើកទី៥ » ដែលការសម្ដែងលើកនេះមានភាពពិសេសជាឆ្នាំមុន ដោយការសម្ដែង៣តំបន់ផ្សេងគ្នា។ ការចូលរួមក្នុងកម្មវិធីនេះ នឹងនាំឲ្យយើងទទួលបាននូវចំណេះដឹងជាច្រើន ដូចជាសិក្ខាសាលាអំពីទម្រង់ល្ខោនខោល៣ តំបន់ផ្សេង គ្នា , ការតាំងពិព័រណ៍ សិល្បៈខ្មែរ, ធ្នូខ្មែរ និងល្បុក្កតោ ហើយជាពិសេសពេលល្ងាចអាចទស្សនាល្ខោនខោលយ៉ាងអស្ចារ្យទៀតផង។ ដែលនឹងប្រារព្ធឡើងនៅសាលសន្និសីទ ចតុម្មុខ ។
សម្រាប់កម្មវិធីនេះគឺមានរយៈពេលពេញមួយថ្ងៃ មានកម្មវិធីសំខាន់ដូចជា៖
• សិក្ខាសាលា ៩:០០ព្រឹក ដល់ ១១:៤៥ថ្ងៃត្រង់ ដែលអាច ចូលរួមដោយសេរី
• ពិព័រណ៍សិល្បៈខ្មែរ, ធ្នូ ខ្មែរ និង ល្បុក្កតោ ១:០០រសៀល ដល់ ៥:០០ល្ងាច ដែលអាចចូលរួមដោយសេរី
• ទស្សនីយភាពល្ខោនខោល ៥:០០ល្ងាច ដល់ ៩:០០ល្ងាច ជាវជាសំបុត្រចូលរួមដែលតម្លៃសំបុត្រពិសេស (VIP) ៦០ ០០០៛ និងសំបុត្រធម្មតា ៤០ ០០០៛
ទំនាក់ទំនងជាវសំបុត្រ ០៩២ ៤៣១ ៥២១ និង ០៧០ ៧១១ ៩២៧ និងមានដាក់លក់នៅសាលសន្និសីទ ចតុម្មុខ ពីថ្ងៃ ពុធ តទៅ។
កុំភ្លេចចូលរួមជាកម្លាំងចិត្តនិងលើកស្ទួយដល់សិល្បៈ បុរាណខ្មែរយើងទាំងអស់គ្នា នៅសប្ដាហ៍នេះហើយ។
ប្រភព៖ facebook ប្រែសម្រួល៖ chanvutha yin