ហេតុផលនៅពីក្រោយជំងឺប្រេះកែងជើង

2017-12-28 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បញ្ហាប្រេះកែងជើងគឺជាបញ្ហាដែលមនុស្សភាគច្រើនកំពុងជួបប្រទះនិងបង្កជាការឈឺចាប់និងការរមាស់ម៉្យាងទៀតវាធ្វើឱ្យកែងជើងមិនស្អាត។ តើអ្នកចង់ដឹងថាទង្វើអ្វីខ្លះដែលធ្វើឱ្យមានការប្រេះកែងជើងនេះទេ?

បញ្ហាប្រេះកែងជើងបណ្ដាលមកពីកោសិកាចាស់នៃស្បែកដែលងាប់និងស្ងួត។ នៅមានមូលហេតុច្រើនទៀតដូចជា៖

១.ជើងសើម

អ្នកឧស្សាហ៍បណ្ដោយឱ្យជើងត្រូវទឹកក្នុងរយៈពេលមួយយូរពេក។ កាលណាសកម្មភាពនេះចេះតែកើតឡើងជាញឹកញាប់វាមានផលប៉ះពាល់ដល់ស្បែកកែងជើង។ ដូចនេះអ្នកគួរពាក់ស្បែកជើងការពារជើងរបស់អ្នកពីជាតិទឹកចៀសវាងការនៅត្រាំទឹកយូរ។

២.ការបែកញើស

ការបែកញើសកែងជើងជាប់ជាប្រចាំក៏មានផលប៉ះពាល់បណ្ដាលឱ្យមានការប្រេះកែងជើងដែរ។

៣.ដើរជើងទទេ

ការដើរដោយមិនពាក់ស្បែកជើងញឹកញាប់ធ្វើឱ្យផ្ទៃបាតជើងជាពិសេសកែងជើងតែម្ដងកកិតនឹងភាពគ្រើមផ្សេងនិងភាពកខ្វក់នៃដីបង្កជាការប្រេះ។

៤.កោសិកាចាស់ៗនៃកែងជើងឡើងក្រាស់

កាលណាស្បែកនៃជើងក្រាស់បូករួមនឹងសម្ពាធពេលដើរ, ធ្វើឱ្យស្បែកនោះមានការញែកចេញពីគ្នា។

៥.កង្វះសារជាតិវីតាមីន

អ្នកគួរតែមានការយកចិត្តទុកដាក់ទៅលើចំណីអាហារប្រចាំថ្ងៃរបស់អ្នក។ ព្រោះជំងឺប្រេះកែងជើងនេះអាចបណ្ដាលមកពីការបរិភោគអាហារដែលខ្វះនូវសារធាតុចិញ្ចឹមគ្រប់គ្រាន់។

៦.ពាក់ស្បែកជើងដែលខុសទំហំជើង

ការពាក់ស្បែកជើងដែលធំជាងជើងឬតូចចង្អៀតពេកនោះអ្នកអាចនឹងប្រឈមនឹងការប្រេះកែងជើង។

ប្រភព៖ Fixcrackedheels ប្រែសម្រួល៖ Sin Sovannleakhena