មានដែលឆ្ងល់អត់ថា ហេតុអ្វីបានជាអ្នកដំណើរតែងតែឡើងយន្តហោះខាងទ្វាឆ្វេងជានិច្ច?

2017-12-29 02:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

វាគឺជាទម្លាប់ដែលមានតាំងពីពេលដំបូងនៃការកកើតឡើងនៃអាកាសចរណ៍។កាលពីមុន យន្តហោះតែងតែរំកិលយឺតៗនៅជិតច្រកទ្វារដើម្បីឲ្យអ្នកដំណើរឡើង និងចុះ។ ហើយបើតាមទម្លាប់ពីឡុត (អ្នកបើកយន្តហោះ) គឺអង្គុយនៅខាងឆ្វេងនៃយន្តហោះ ព្រោះវាងាយស្រួលដើម្បីឲ្យគាត់ធ្វើការត្រួតពិនិត្យស្លាបយន្តហោះថាវាប៉ះនឹងច្រកទ្វារឬក៏អត់។ហេតុនេះហើយទ្វារខាងឆ្វេងគឺធ្វើឡើងដើម្បីឲ្យអ្នកដំណើរធ្វើការឆ្លងកាត់ពីច្រកទ្វារចូលមកក្នុងយន្តហោះ ហើយវាក៏មានសុវត្ថិភាពជាងការដែលត្រូវដើរព័ទ្ធជុំវិញយន្តហោះដែរ។

ហើយមូលហេតុសំខាន់មួយទៀតគឺការដែលបញ្ជូនសម្ភារៈ វ៉ាលីស៍របស់អ្នកដំណើរ ម្ហូបអាហារលើយន្តហោះ ការចាក់សាំង និង ខ្យល់ ព្រមទាំងការត្រួតពិនិត្យផ្សេងៗទៀតនោះគឺធ្វើឡើងនៅខាងស្ដាំទាំងអស់។ ហេតុនេះការឡើងយន្តហោះនៅខាងឆ្វេងអនុញ្ញាតឲ្យការឡើងយន្តហោះរបស់អ្នកដំណើរមានការដាច់ដោយឡែកពីការងារទាំងអស់នោះហើយវាក៏អាចឲ្យពីឡុតអាចធ្វើការបញ្ឆេះម៉ាស៊ីនខាងស្ដាំក្នុងករណីចាំបាច់បានផងដែរ។