ប្រហិតឆាសៀងនៅចំហៀងថ្មដាជិះកាត់ម្តងណាក៏ត្រូវឈប់ទិញ

2018-01-04 10:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលដែលជិះកាត់ដល់ផ្លូវចំហៀងភោជនីយដ្ឋានថ្មដាមានដែលចាប់អារម្មណ៍អត់ថានៅផ្លូវម្ខាងទៀតនឹងមានរទេះលក់ប្រហិតចៀនមួយ ឲ្យតែជិះកាត់គឺលឺសំឡេងឆាឈីវៗនិងឈ្ងុយកាត់ច្រមុះហើយ។

នៅរទេះប្រហិតចៀនលក់ដោយអ៊ុំប្រុសអ៊ុំស្រីពីរនាក់ហ្នឹង មានជម្រើសប្រហិតចៀនជាច្រើនប្រភេទ និងមានត្រចៀកជ្រូកញ៉ាំជាមួយនឹងជ្រក់ នំប៉័ងចៀន ចៃយ៉ និងគាវបំពងទៀតផង។

អ្វីដែលជាចំណុចទាក់ទាញនៅកន្លែងលក់ប្រហិតរបស់ពួកគាត់គឺរាល់ប្រហិតចៀនដែលបានអ្នករើសរួច ត្រូវបានគាត់ឆាត្រលប់ជាមួយនឹងទឹកសៀងហើយដាក់ជីពងទាកូនដែលគ្រាន់តែឃើញហើយគឺស្រក់ទឹកមាត់តែម្តង។ ជាពិសេសកាលណាដែលបានចូលសាកហើយកុំភ្លេចសាកគាវបំពងខ្ចប់សាច់ជ្រូកធំៗរបស់គាត់ប្រាកដជាត្រូវមាត់ជក់ចិត្តហ្មងពេលក្តៅៗស្រួយស្រោកពេលទំពា។