៩ ចំណុចដែលបង្ហាញថាមនុស្សអាចបង្កើនការចងចាំឲ្យបានកាន់តែល្អ

2018-01-11 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខួរក្បាលមានភាពស្មុគស្មាញនិងមានអាថ៌កំបាំងជាច្រើនដែលមកទល់នឹងពេលនេះអ្នកវិទ្យាសាស្ត្រនៅតែខំសិក្សាពីដំណើរការនៃខួរក្បាលថាតើវាធ្វើការយ៉ាងដូចម្ដេច។ យ៉ាងណាក៏ដោយយើងអាចបង្កើននូវការចងចាំក៏ដូចជាសមត្ថភាពរបស់ខួរក្បាល, ហើយវានឹងធ្វើឱ្យអ្នកមានការភ្ញាក់ផ្អើល។

១. គេងឱ្យបានគ្រប់គ្រាន់: ការគេងនៅពេលយប់គឺជាឱកាសដែលកោសិកាខួរក្បាលបញ្ចេញចោលនូវ Toxic compounds ដែលគ្រោះថ្នាក់ដល់ខួរក្បាល។ ការសម្រាកមិនបានគ្រប់គ្រាន់ធ្វើឱ្យការចងចាំចុះខ្សោយនិងប្រឈមនឹងជំងឺវង្វេងវង្វាន់ពេលចូលដល់វ័យចំណាស់។

២. ភាពតានតឹង: សមត្ថភាពការចងចាំចុះខ្សោយអាចបណ្ដាលមកពីភាពតានតឹងដែលខួរក្បាលឧស្សាហ៍ធ្វើការប្រឈមជាមួយ។

៣. ការស្រឡាញ់និងស្អប់: អារម្មណ៍ទាំងពីរនេះកើតឡើងនៅកន្លែងតែមួយនៅលើខួរក្បាល។ ទោះជាយ៉ាងណាក៏ដោយ, អារម្មណ៍ស្រឡាញ់កាត់បន្ថយសកម្មភាពខ្លះដែលទទួលខុសត្រូវលើការកាត់សេចក្ដី, និងការពិចារណារកហេតុផល។

៤. ញ៉ាំទឹកឱ្យបានច្រើន: ខួរក្បាលមានបរិមាណទឹក៨០%ដូចនេះសូម្បីតែខ្វះទឹក២%ក៏អាចធ្វើឱ្យខួរក្បាលបាត់បង់ការផ្ចង់អារម្មណ៍និងការចងចាំមានរយៈពេលខ្លី។

៥. ពេលមានផ្ទៃពោះ: កំឡុងពេលមានផ្ទៃពោះខួរក្បាលកាត់បន្ថយជាតិពណ៌ប្រផេះដែលមានមុខងារឆ្លើយតបនឹងទំនាក់ទំនងសង្គម។ ហេតុផលទាំងអស់នេះមានការចាំបាច់ព្រោះផ្ទុយទៅវិញវាធ្វើឱ្យការផ្សាភ្ជាប់ទំនាក់ទំនងរវាងម្ដាយនិងទារកក្នុងផ្ទៃកាន់តែមានភាពល្អប្រសើរនិងអាចដឹងពីគ្រោះថ្នាក់ដែលអាចប៉ះពាល់ដល់ទារក។

៦. ការបរិភោគជាតិស្ករច្រើនហួស: ជាតិស្ករដែលសេសសល់ពីការប្រើប្រាស់ទៅបំផ្លាញការផ្សាភ្ជាប់ក្នុងខួរក្បាល។ ទោះជាយ៉ាងណាក៏ដោយ, អាហារដែលមានជាតិ Omega 3 fatty acid ដូចជា ត្រី, សណ្ដែកដី, ខ្លាញ់ត្រីជាដើមនោះនឹងជួយដោះស្រាយបញ្ហានេះ។

៧. ក្ដីស្រឡាញ់: ក្ដីស្រឡាញ់មានពីរដែលទី១គឺបែបប្ដីប្រពន្ធនិងបែបមេត្តាធម៌រវាងម្ដាយនិងកូនឬសាច់ញាតិជាដើម។ ទោះជាអារម្មណ៍ទាំងពីរនេះមានលក្ខណៈស្រដៀងគ្នាតែក៏មានភាពខុសដែរ។ អារម្មណ៍ស្រឡាញ់បែបស្នេហាធ្វើឱ្យតំបន់ដែលទទួលខុសត្រូវផ្នែកចំណង់ផ្លូវភេទរបស់ខួរក្បាលដំណើរការ។

៨. ការគូរគំនូរ: ការសិក្សាបង្ហាញថាការគូរគំនូរធ្វើឱ្យខួរក្បាលមានភាពរស់រវើកនិងពន្យាភាពចាស់ជរា។

៩. ការអាន: ពេលអានធ្វើឱ្យឈាមមានដំណើរការនៅកន្លែងដែលមានទំនួលខុសត្រូវលើការផ្ចង់អារម្មណ៍របស់ខួរក្បាល។ តែវាមិនកើតឡើងនៅពេលដែលអ្នកលេង Video Game ឬ មើលទូរទស្សន៍នោះទេ។

ប្រភព៖ Brightside ប្រែសម្រួល៖ Sin Sovannleakhena