សម្រកទម្ងន់មិនបានសម្រេចដោយសារមូលហេតុអ្វី?

2018-01-16 06:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តើអ្នកមានឆ្ងល់ទេថាហេតុអ្វីបានជាកាន់តែសម្រកកាន់តែឡើង? ទម្លាប់ទាំងអស់នេះគឺជាអ្វីដែលមនុស្សភាគច្រើនគិតថានឹងជួយសម្រេចបំណងសម្រកទម្ងន់របស់ពួកគេតែផ្ទុយទៅវិញវាបែរជាដាក់សម្ពាធទៅលើខ្លួនឯងហើយលិទ្ធផលនោះគឺបរាជ័យ។

១. មិនញ៉ាំជាតិ "ធាត់" ទាល់តែសោះ

មនុស្សភាគច្រើនគិតថាការសម្រកទម្ងន់គឺទាល់តែមិនប៉ះជាតិធាត់ទាល់តែសោះ។ ការពិតនោះគឺជាតិធាត់ដែលមាននៅក្នុងសណ្ដែកដី, ត្រី, ប័រ, ជាដើមនោះជួយរក្សារាងរបស់អ្នកទៅវិញទេ។ សារពាង្គកាយរបស់មនុស្សត្រូវការជាតិធាត់ទាំងនោះដើម្បីការលូតលាស់និងបន្សាបជាតិកូលេស្តេរ៉លអាក្រក់ (Bad Cholesterol) ដែលបណ្ដាលឱ្យដុះក្បាលពោះ។ ជាតិធាត់មានប្រយោជន៍សម្រាប់រាងកាយនោះមាននៅក្នុងសណ្ដែកអាល់ម៉ន់ (Almonds), ប្រេងអូលីវ (Olive oil), ប័រសណ្ដែកដីជាដើម។

២. អ្នកដកសារជាតិចាំបាច់ចំពោះរាងកាយពីចំណី

ភាគច្រើនអ្នកចង់សម្រកទម្ងន់គិតថាការដកចេញនូវជាតិនំប៉័ង, ជាតិស្ករជាដើមនោះហើយបន្ថែមមកវិញនូវជាតិប្រូតេអ៊ីនគឺផ្លូវទៅកាន់ការសម្រកគីឡូ។ តែក្រៅពីមិនបានញ៉ាំអ្វីដែលខ្លួនចង់ញ៉ាំនោះ, ការធ្វើបែបនេះវាមិនជួយអ្វីទេ។ ដើម្បីសម្រេចបាននូវគោលដៅសម្រកគីឡូគឺត្រូវញ៉ាំអាហារគ្រប់ប្រភេទដែលរាងកាយត្រូវការជាចាំបាច់។ ព្រោះការផ្ដល់សារជាតិចិញ្ចឹមទៅដល់រាងកាយបានគ្រប់គ្រាន់គឺជួយកាត់បន្ថយភាពស្រេចឃ្លានមិនឈប់ឈរនិងធ្វើឱ្យអ្នកនឹកឃើញតែអាហារផ្អែមៗ, បឺហ្គើ, ជាដើម។

៣. អ្នកបោះបង់ Cardio Exercises រួចចាប់យក Workout

នៅក្នុងការគិតដើម្បីសម្រេចបានការសម្រកគីឡូអ្នកអាចនឹងគិតថាការ Workout ជួយបានច្រើនជាងលំហាត់ប្រាណស្រាលៗធម្មតា។ Workout ពិតជាជួយបានមែនតែសម្រាប់អ្នកចង់ពង្រឹងសាច់ដុំ, តែបើចង់សម្រកទម្ងន់វិញនោះគឺអ្នកត្រូវការលំហាត់ប្រាណបែប Cardio Exercises ដើម្បីការប្រើប្រាស់ជាតិកាឡូរីអាក្រក់ឱ្យអស់ពីក្នុងខ្លួន និងរក្សាសុខភាពបេះដូងឱ្យមានសុខភាពល្អ។