កំហុសទាំង៧ដែលធ្វើឲ្យសក់របស់អ្នកឡើងប្រេង
- 2018-01-23 13:00:00
- ចំនួនមតិ 0 | ចំនួនចែករំលែក 0
កំហុសទាំង៧ដែលធ្វើឲ្យសក់របស់អ្នកឡើងប្រេង
ចន្លោះមិនឃើញ
សក់រលាស់និងភ្លឺរលោងគឺជាអ្វីដែលស្រ្តីនិងបុរសតែងចង់បាន។ ទោះជាយ៉ាងណាក៏ដោយមនុស្សជាច្រើនតែងតែជួបប្រទះបញ្ហាសក់ជាច្រើនចាប់តាំងពីការបែកចុងសក់រហូតដល់ការជ្រុះសក់។ ការត្អូញត្អែរញឹកញាប់មួយទៀតគឺសក់មានជាតិប្រេងដែលជារឿយៗបណ្ដាលមកពីការកក់សក់ញឹកញាប់ព្រោះសាប៊ូកក់សក់កាត់ស្បែកក្បាលរបស់អ្នកហើយបង្កើនការផលិតប្រេង។ ប៉ុន្តែសក់មានជាតិប្រេងមិនត្រឹមតែបណ្ដាលមកពីការលាងសំអាតច្រើនទេ ប៉ុន្តែក៏បណ្ដាលមកពីមូលហេតុផ្សេងទៀតដែលជាទម្លាប់នឹកស្មានមិនដល់របស់អ្នក៖
១. អ្នកតែងតែចងសក់របស់អ្នកឡើង
នៅពេលដែលអ្នកចងសក់របស់អ្នកឡើង ជាតិប្រេងដែលត្រូវបានផលិតដោយស្បែកក្បាលរបស់អ្នកមិនអាចបែងចែកស្មើៗគ្នានៅលើសក់របស់អ្នកឡើយដែលបណ្ដាលឲ្យស្បែកក្បាលផលិតជាតិប្រេងច្រើនដែលមានន័យថាអ្នកមិនគួរចងសក់របស់អ្នកជាញឹកញាប់នោះទេប្រសិនបើអ្នកមិនចង់ឲ្យសក់របស់អ្នកឡើងប្រេងច្រើន។
២. អ្នកប៉ះសក់របស់អ្នកញឹកញាប់
ជាទូទៅអ្នកប្រហែលជាធ្លាប់ដឹងហើយថាការយកដៃទៅប៉ះមុខរបស់អ្នកជាញឹកញាប់អាចបណ្ដាលឲ្យឡើងខ្លាញ់និងមុន ហើយវាក៏មិនខុសគ្នាជាមួយនិងសក់ដែរ។ ដៃរបស់យើងត្រូវបានគ្របដណ្ដប់នៅភាពកខ្វក់និងសំណល់ពីឡេឬគ្រីមដែលអ្នកបានប្រើ។ នោះហើយជាមូលហេតុដែលអ្នកគួរតែកុំប៉ះសក់របស់អ្នកជាញឹកញាប់ពេកប្រសិនបើអ្នកមិនចង់ឲ្យវាក្លាយជាជាតិប្រេង។
៣. អ្នកកំពុងឆ្លងកាត់ការផ្លាស់ប្ដូរអ័រម៉ូន
ការផ្លាស់ប្ដូរអ័រម៉ូនអាចនាំឲ្យស្បែកក្បាលរបស់អ្នកផលិតជាតិប្រេងច្រើនពេក។ ឧទាហរណ៍អ្នកអាចឆ្លងកាត់ការពេញវ័យការមានផ្ទៃពោះឬការអស់រដូវ។ ក្រពេញទីរ៉ូអ៊ីតបញ្ចេញហួសហេតុឬចេញពីថ្នាំគ្រាប់ក៏ជាកត្តាដែលអាចបណ្ដាលឲ្យផលិតកម្មខ្លាញ់លើស។
៤. អ្នកសិតសក់ញឹកញាប់ពេក
នៅពេលដែលអ្នកសិតសក់របស់អ្នកញឹកញាប់ពេកវារីករាលដាលប្រេងនៅលើសក់របស់អ្នក, ធ្វើឲ្យមើលទៅឃើញភ្លឺប៉ុន្តែក៏មើលឃើញប្រេងផងដែរ។
៥. អ្នកបរិភោគអាហារដែលមិនល្អចំពោះសុខភាព
ប្រសិនបើអ្នកបរិភោគអាហារលឿនឬស្ករគ្រាប់ច្រើនពេកវាមិនមានអ្វីដែលគួរតែភ្ញាក់ផ្អើលទេដែលសក់របស់អ្នកមានជាតិប្រេង។ សម្រាប់ជាប្រយោជន៍នៃសក់របស់អ្នក(និងសុខភាពទូទៅរបស់អ្នក) វាល្អបំផុតក្នុងការជ្រើសរើសយកផ្លែឈើ, បន្លែនិងគ្រាប់ធញ្ញជាតិ។
៦. អ្នកកំពុងប្រើប្រាស់ផលិតផលថែរក្សាសក់របស់អ្នកមិនត្រឹមត្រូវ
ការធ្វើឲ្យសក់របស់អ្នកមើលទៅភ្លឺរលោងដោយការប្រើម៉ាស់សក់, សាប៊ូកក់សក់, និងការប្រើប្រេងលាបសក់ដើម្បីងាយស្រួលក្នុងការសិតសក់និងប៉ះទៅទន់រលាស់គឺពិតជាល្អណាស់។ទោះជាយ៉ាងណាក៏ដោយអ្នកមិនគួរប្រើផលិតផលទាំងនេះនៅលើផ្នែកខ្លះនៃសក់ដែលនៅជិតស្បែកក្បាលរបស់អ្នកនោះទេព្រោះវាអាចនាំឲ្យមានជាតិប្រេងនិងបណ្ដាលឲ្យជ្រុះសក់។
៧. ក្រាស់សិតសក់របស់អ្នកកខ្វក់
មនុស្សជាច្រើនភ្លេចពីសារៈសំខាន់នៃការសម្អាតក្រាស់សិតសក់របស់អ្នកឲ្យបានទៀងទាត់។ នោះដោយសារតែសក់របស់អ្នកជារឿយៗប្រមូលបានភាពកខ្វក់ដូចជាការបែកញើសនៅលើស្បែកក្បាលជាដើម។
ប្រភព៖ healthhacks ប្រែសម្រួល៖ Sey
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
