តំបន់ស្អាតៗទាំង៨របស់ប្រទេសកូរ៉េខាងត្បូងគ្រាន់តែឃើញហើយចង់ទៅភ្លាម

2018-01-25 13:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកណាៗ ក៏មានក្ដីស្រមៃចង់ទៅកម្សាន្តនៅក្នុងទីក្រុងមួយនេះដែរ ព្រោះថាទាំងទីកន្លែងកម្សាន្ត បរិយាកាស នៅទីនោះ គឺថាស្រស់ស្រាយមែនទែន ជាពិសេសទៅទៀតនោះគឺបានទៅភ្លក់នូវរសជាតិម្ហូបអាហារដ៏ឆ្ងាញ់ៗ ។ តោះ ថ្ងៃនេះសប្បាយដើរចង់ណែនាំកន្លែងពិសេសដែលមាននៅក្នុងប្រទេសកូរ៉េដល់អ្នកទាំងអស់គ្នាឲ្យស្គាល់ក្រែងល៍បានទៅលេងនៅថ្ងៃណាមួយ ហើយមិនដឹងមានកន្លែងណាខ្លះដែលត្រូវ អញ្ចឹងយើងទៅទស្សនាទាំងអស់គ្នា៖

១. Damyang

ទីក្រុងនេះមានទីតាំងស្ថិតនៅទិសទក្សិណនៃប្រទេសកូរ៉េនិងជាស្រុកមួយដែលមានទីប្រជុំជនតូចៗជាច្រើន។ អ្នកទេសចរប្រមូលផ្ដុំគ្នាទៅទីក្រុង Damyang ដោយសារតែទីនោះសម្បូរទៅដោយឫស្សីដូចជាឧទ្យានឫស្សីនិងសារមន្ទីរឫស្សីជាដើម។ អ្នកទេសចរអាចរកបាននូវសម្ភារៈផ្ទះបាយដែលធ្វើឡើងដោយឫស្សី, វត្ថុអនុស្សាវរីយ៍ផ្សេងៗក៏ដូចជាសាករសជាតិស្រាឫស្សីឬការ៉េម។

២. Deokjeokdo

នៅឆ្នេរសមុទ្រភាគខាងជើងឆៀងខាងលិចនៃប្រទេសកូរ៉េខាងត្បូងការធ្វើដំណើរតាមទូករយៈពេល២ម៉ោងគឺ Deokjeokdo ដែលជាកោះតូចមួយដែលល្បីល្បាញសម្រាប់ការសម្រាកកម្សាន្តនៅតាមឆ្នេរសមុទ្រនិងការឡើងភ្នំផងដែរ។ កោះនេះស្ថិតនៅដាច់ដោយឡែកពីគេប៉ុន្តែនៅទីនោះមានជម្រើសសណ្ឋាគារល្អៗ, ផ្ទះសំណាក់, និងភោជនីយដ្ឋានជាច្រើន។ នៅទីនោះមានទាំងឆ្នេរខ្សាច់និងព្រៃស្រល់ដ៏ស្រស់ស្អាតដែលអ្នកទេសចរអាចរីករាយជាមួយនឹងការដើរតាមមាត់ឆ្នេរ។

៣. Busan

ទីក្រុងនេះជាទិសដៅដ៏ពេញនិយមមួយសម្រាប់អ្នកទេសចរព្រោះនៅទីនោះមានឆ្នេរសមុទ្រដ៏ស្រស់ស្អាតនិងកន្លែងប្រវត្តិសាស្ត្រជាច្រើន។ ទីក្រុងនេះគឺជាទីក្រុងធំលំដាប់លេខ២របស់ប្រទេសកូរ៉េ។ ឆ្នេរHaeundae គឺមានជាឆ្នេរដែលល្បីមិនថាជនជាតិកូរ៉េឬជនជាតិបរទេសទេតែងតែមកលែងកម្សាន្ត។

៤. Jinhae

Jinhae ត្រូវបានគេទៅទស្សនាសម្រាប់ពិធីបុណ្យផ្កាឈើរីកំឡុងពេលរដូវផ្ការីកប្រចាំឆ្នាំរបស់ខ្លួននៅពេលដែលផ្ការីកដុះដាលរយៈពេល១០ថ្ងៃមុនពេលដែលផ្កានេះចាប់ផ្ដើមធ្លាក់ចុះ។ កន្លែងដែលល្អបំផុតសម្រាប់មើលផ្ការីកទាំងនោះគឺនៅស្ថានីយ Gyeonghwa ដែលជាកន្លែងមានដើមឈើឈើរីជាច្រើន។ ពិធីបុណ្យនេះក៏មានការសម្ដែងទាក់ទងទៅនឹងសិល្បៈវប្បធម៌និងក្បួនដង្ហែផងដែរ។

៥. Seoul

ទីក្រុងនេះគឺជាទីក្រុងទំនើបដែលពោរពេញទៅដោយភោជនីយដ្ឋាននិងBar ប៉ុន្តែក៏មានកន្លែងប្រវត្តិសាស្ត្រដូចជាGyeongbokgung និងវាំង Changdeokgung សម្រាប់អ្នកគាំទ្រនៃស្ថាបត្យកម្មបែបបុរាណ។

៦. Gyeongju

Bulguksa Temple

Royal Tombs

Gyeongju គឺជាទីក្រុងមួយក្នុងចំណោមទីក្រុងដ៏ល្អបំផុតរបស់ប្រទេសកូរ៉េដែលល្បីខាងស្ថាបត្យកម្មបែបបុរាណនិងប្រវត្តិសាស្រ្ត។ ទីក្រុងនេះបានដាក់ចូលជាបេតិកភណ្ឌពិភពលោករបស់អង្គការ UNESCO និងកន្លែងទាក់ទាញទេសចរជាច្រើនរួមមានប្រាសាទ Bulguksa, Royal Tombs, និងសារមន្ទីជាតិ Gyeongju ដែលមានវត្ថុបុរាណជាង១៦០០០។

៧. Bukchon Hanok Village

ភូមិនេះស្ថិតនៅក្នុងទីក្រុងសេអ៊ូលផ្ទាល់ដែលជាភូមិអភិរក្សយ៉ាងល្អឥតខ្ចោះហើយមានអាយុកាលប្រហែលជាង៦០០ឆ្នាំទៅហើយ។ លក្ខណៈពិសេសរបស់ភូមិនេះគឺមានផ្លូវតូចៗនិងមានផ្ទះបុរាណអមសងខាងផ្លូវ។ សព្វថ្ងៃនេះមានមនុស្សតិចតួចណាស់ដែលរស់នៅតំបន់នេះប៉ុន្តែអគារទាំងនោះត្រូវបានគេប្រើជាភោជនីយដ្ឋានបែបប្រពៃណី, ផ្ទះសំណាក់, ហាងតែ និងមជ្ឈមណ្ឌលវប្បធម៌ដែលជាកន្លែងដ៏ល្អឥតខ្ចោះសម្រាប់ភ្ញៀវទេសចរ។

៨. Jeju

Jeju គឺជាកោះធំបំផុតរបស់ប្រទេសកូរ៉េក៏ជាកន្លែងដែលមានភ្នំខ្ពស់ជាងគេរបស់ប្រទេសកូរ៉េផងដែរ។ នៅលើកំពូលភ្នំគឺជារណ្ដៅភ្នំភ្លើងដែលបានបាត់បង់ជាយូរណាស់មកហើយនៅពេលដែលតំបន់នេះពោរពេញទៅដោយកម្អែលភ្នំភ្លើងដែលបានផ្ទុះកាលពីសម័យបុរាណ។ ទឹកជ្រោះ Cheonjiyeon គឺជាកន្លែងទាក់ទាញធម្មជាតិមួយបូករួមជាមួយនឹងឆ្នេរដ៏សែនស្អាតនិងមានភាពស្ងប់ស្ងាត់សម្រាប់អ្នកដែលចង់មកសម្រាករំហែកាយ។

ប្រភព៖ theculturetrip ប្រែសម្រួល៖ Sey

ពាក្យទាក់ទង

travel

ភ្ជាប់ទំនាក់ទំនងជាមួយ Sabay Der

អត្ថបទថ្មី

តោះ! មកដឹងពីប្រវត្តិ និងរឿងរ៉ាវខ្លះៗអំពីនំបញ្ចុកខ្មែរ

ទៅដើរលេងជាមួយ Best friend កុំរំលងស្ទីលស្លៀកពាក់អស់ទាំងនេះណា៎

គ្រឿងអលង្ការស្អាតដូចដួងខែ លើកសម្រស់ឥតខ្ចោះ

ម៉ូតសក់សម្រាប់មិត្តនារីសក់ខ្លីពេលចូលរួមកម្មវិធី

ប្លែកតែសប្បាយ! ហាត់រ៉កនឹកឃើញនាំភ្ញៀវស្លៀកឈុតដេកយប់ជប់លៀង អបអរខួប ២ឆ្នាំនៅភ្នំពេញ

ខោខូវប៊យជាមួយអាវរលុងធំៗដឹងតែស័ក្ដិសមត្រូវម៉ាច់សម្រាប់ខែរងារ