ចង់ជប់លៀងបងប្អូនចូលឆ្នាំចិន ឲ្យសប្បាយផ្អើលណាណី សាកធ្វើតាមនេះទៅ

2018-02-06 11:03:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្រៀមសែនផ្អើលទឹកផ្អើលដីនៅ អ្នកកាត់ចិន? សល់តែប៉ុន្មានថ្ងៃទៀត ឆ្នាំចិន នឹងមកដល់ ហើយជាឱកាសពិសេសបានជួបជុំបងប្អូនសាច់ញាតិ ញ៉ាំបាយជុំគ្នា ចែកអាំងប៉ាវគ្នាដែរ។

អ៊ីចឹង ចង់ឲ្យការជប់លៀងជួបជុំបងប្អូនសាច់ញាតិសប្បាយជាងឆ្នាំមុនៗអត់? បើចង់ សាកធ្វើតាមវិធីខាងក្រោមនេះទៅ៖

១. កក់បងប្អូនទុកមុនឲ្យហើយ

ត្រូវប្រាប់ម៉ោងពេលដល់បងប្អូនឲ្យមកជុំគ្នានៅពេលណាឲ្យច្បាស់ បង្ការក្រែងលោ ពួកគាត់ត្រូវរវល់ទៅណាទៅណាណីនៅថ្ងៃបុណ្យទាន នាំឲ្យគ្រួសារធំអត់ជុំគ្នា។

២. ដេគ័រផ្ទះឲ្យស្អាតប្លែកម្ដង

រៀបចំបោសសម្អាតផ្ទះឲ្យស្អាតជាពិសេសនៅថ្ងៃហ្នឹង កុំឲ្យដូចរាល់ដង ផ្ទះឡើងណែនអត់ស្រឡះ។ រៀបចំតុបតែងគោម ភ្លើងពណ៌ មើលទៅឲ្យស្អាតប្លែកខុសពីឆ្នាំមុនៗ។

៣. ត្រៀមម្ហូប និងផ្លែឈើនាំសំណាង

ក្នុងជំនឿចិន ផ្លែក្រូចលឿង នាំសំណាង កុំភ្លេចត្រៀមទុកចែកបងប្អូន។ ឯម្ហូបវិញ ក្រៅពីចាប់ឆាយ គួរមានម្ហូបផ្សេងៗដែលចិនមានជំនឿថា មានសំណាងល្អ ដូចជា មីអាយុវែង គាវ ត្រីចំហុយ ជាដើម។

ឯបងប្អូនដែលត្រូវគេអញ្ជើញមកជុំគ្នា ក៏ត្រូវឆ្លៀតពេលមកជួបធ្វើម្ហូបជាមួយផ្ទះកម្មវិធីដែរ ដើម្បីបង្ហាញពីសន្ដានចិត្តបងប្អូនចេះជួយគ្នាទៅវិញទៅមក។

៤. ត្រៀមកាដូ និងអាំងប៉ាវ

ឆ្នាំថ្មី ផ្ដើមដោយភាពរីករាយ និងចែកលាភសំណាងឲ្យគ្នាទៅវិញទៅមក។ យកល្អ គួរត្រៀមកាដូតិចតួច (ផ្លែឈើ តែ ទៀនក្រអូប...) ឬអាំងប៉ាវឲ្យបងប្អូន ដើម្បីនាំលាភសំណាង។

៥. ហ្គេម និងការកម្សាន្ត

ច្រៀងខារ៉ាអូខេ និយាយរឿងកំប្លែងពីនេះពីនោះ ហ្គេមកម្សាន្ត/ល្បងប្រាជ្ញាឆ្លើយយកអាំងប៉ាវបន្ថែម ជាដើម។

៦. ភ្លេង

រឿងនេះ អាចថាសំខាន់បំផុតដើម្បីឲ្យបរិយាកាសបាយ និងជជែកជុំគ្នាកាន់តែរីករាយ ជាជាងស្ងាត់ជ្រងំ។ កុំភ្លេចត្រៀមភ្លេងពីរោះៗ។

៧. ម៉ាស៊ីនថត

មិនងាយទេ ដែលបងប្អូនមកជុំគ្នានៅផ្ទះ។ ទាន់ឱកាសរីករាយជុំគ្នា កុំភ្លេចត្រៀមកូនកាមេរ៉ា ឬទូរសព្ទថតរូបស្អាតៗ ហើយផុសលើហ្វេសប៊ុក ឬផ្ដិតឲ្យបងប្អូនទុកគ្រាន់អនុស្សាវរីយ៍។

និយាយអ៊ីចឹង ចាប់ពីម៉ោង ៤:៣០ ល្ងាចថ្ងៃសៅរ៍ ១០ កុម្ភៈ នឹងមានកម្មវិធី "អង្គររុងរឿង" ដំបូងបំផុត នៅកោះពេជ្រ ដែលរៀបចំដោយស្រាបៀរអង្គរ។ អ្នកចូលរួម មានឱកាសយ៉ាងច្រើនឈ្នះរង្វាន់ ក្នុងនោះមានចាប់រង្វាន់រាល់ម៉ោង និងមានចែកមីអាយុវែងដោយឥតគិតថ្លៃទៀតផង។ ព័ត៌មានលម្អិត សូមចូលផេក Angkor Beer ៕

អត្ថបទពាក់ព័ន្ធ៖ ការពិតប្លែកៗ ១០ យ៉ាង អ្នកមិនធ្លាប់ដឹងជុំវិញ មី

ដោយ៖ សុផាត