ក្ដៅៗ! ដឹងទីតាំងបុណ្យភូមិឆ្នាំ ២០១៨ហើយ

2018-03-09 02:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បុណ្យភូមិប្រកាសរៀបចំឡើងជាលើកទី៥ សម្រាប់ឆ្នាំ២០១៨ ដែលនឹងធ្វើនៅវត្តគោកអំពិល ផ្លូវ ៦០ម៉ែត្រ ភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ ចាប់ផ្ដើមពីថ្ងៃទី០៦ ដល់ទី០៨ ខែមេសា។ នេះបើតាមការអះអាងរបស់ក្រុមការងារបុណ្យភូមិបញ្ជាក់ប្រាប់ Sabay។

កាលពីបុណ្យភូមិឆ្នាំកន្លងទៅបានរៀបចំនៅវត្តទួលក្រសាំង ស្ថិតក្នុងស្រុកស្អាង ខេត្តកណ្តាល ដែលបានស្រូបយុវជនយ៉ាងច្រើនកុះករចូលរួមលេងកម្សាន្ត។ បើតាមការឲ្យដឹងពី លោក ថៃ ឈៀងម៉េង ជាអ្នកសម្របសម្រួលផ្នែកព័ត៌មានរបស់កម្មវិធីបុណ្យភូមិ ២០១៧ បានឲ្យដឹងថា តាមប៉ាន់ប្រមាណ គឺមានអ្នកចូលរួមទស្សនា និង លេងកម្សាន្ត សរុបជាង ៣ម៉ឺននាក់ឯណោះ គិតក្នុងរយៈពេល៣ថ្ងៃកន្លងមកនេះ។ ក្នុងមួយថ្ងៃៗមានមនុស្សប្រមាណជាងមួយម៉ឺននាក់ ហើយកកកុញខ្លាំង នៅថ្ងៃទី ២ និង ទី៣ ព្រោះចំថ្ងៃចុងសប្ដាហ៍។ ក្រៅពីនេះគឺមានអ្នកស្ម័គ្រចិត្តចូលរួមជួយក្នុងកម្មវិធីប្រមាណជាង១៣០នាក់ទៀត។

សូមទស្សនាវីដេអូខាងក្រោម៖

ប្រភព៖ sabaynews អត្ថបទ៖ ស៊ិន សាវ៉េត