មានដឹងអត់ហ្នឹង? នៅលើភ្នំក្បាលដំរីក៏មានទឹកធ្លាក់ដែរណា៎!!

2018-03-19 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្នូរទឹកហូររហឹមៗពីដំណាក់មួយទៅដំណាក់មួយ លាយឡំនឹងសំឡេងបក្សាបក្សី រណ្ដំត្រចៀក ប្រៀបបាននឹងកំពុងស្ដាប់ភ្លេងបែបធម្មជាតិរុញច្រានទុក្ខកង្វល់ឲ្យរសាត់បាត់ទៅឆ្ងាយ។ ការស្រូបខ្យល់យកអាកាសបរិសុទ្ធពីព្រៃភ្នំ រួមជាមួយនឹង ការដើរទស្សនាទិដ្ឋភាព នៃការរស់នៅរបស់អ្នកភូមិ និងដើមឈើហូបផ្លែ រួមទាំង ដំណាំផ្សេងៗ ដូចជា ដំឡូងមី ចម្ការទុរេន ចម្ការស្វាយ តាង៉ែន ចេក ជាដើម។

បើចាប់អារម្មណ៍ចង់ផ្លាស់ប្ដូរបរិយាកាសមកកម្សាន្តជាមួយនឹងធម្មជាតិពិតៗនោះ កុំភ្លេចណា! «ទឹកធ្លាក់៣២ជាន់» ស្ថិតនៅលើភ្នំក្បាលដំរី ក្នុងភូមិថ្មី ឃុំទួលល្វា ស្រុកប៉ៃលិន ខេត្តប៉ៃលិន ដែលមានចម្ងាយប្រមាណជា ៧គីឡូម៉ែត្រ ពីទីរួមខេត្ត។

ដើម្បីចូលទៅកាន់តំបន់ទឹកធ្លាក់ធម្មជាតិមួយនេះលោកអ្នកត្រូវធ្វើដំណើរដោយថ្មើរជើងផ្ទាល់ប្រហែលជា២ម៉ោង ក្នុងចម្ងាយផ្លូវ ៣ គីឡូម៉ែត្រ ទើបដល់។

រៀងរាល់ថ្ងៃចុងសប្ដាហ៍ ឬ ថ្ងៃបុណ្យទានធំៗ គឺតែងតែមានភ្ញៀវមកទស្សនាកម្សាន្តនៅទីនេះ ដែលភាគច្រើនគឺក្រុមនិស្សិត ឬ ភ្ញៀវបរទេស ដែលចូលចិត្តមកទស្សនាបែបផ្សងព្រេងជាមួយធម្មជាតិ។

សម្រាប់ព័ត៌មានបន្ថែមសូមទស្សនាវីដេអូខាងក្រោម៖