តើទេវតាឆ្នាំនេះ ព្រះនាមអ្វី ហើយទ្រង់សោយអ្វីជាអាហារ?

2018-04-02 06:15:32
ចំនួនមតិ 0 | ចំនួនចែករំលែក 0

ចន្លោះមិនឃើញ

មហាសង្ក្រាន្តឆ្នាំចសំរឹទ្ធិស័ក ព.ស ២៥៦២ គ.ស ២០១៨ នឹងចូលមកដល់នៅ ថ្ងៃសៅរ៍ ១៤រោច ខែចែត្រ ត្រូវនឹងទី ១៤ ខែមេសា ឆ្នាំ ២០១៨ វេលាម៉ោង ៩ និង ១២ នាទីព្រឹក។ កាលណាថ្ងៃសង្ក្រាន្តត្រូវនឹងថ្ងៃសៅរ៍ ទេពធីតា ដែលនឹងយាងចុះមកបន្តវេនរក្សាមនុស្សលោកក្នុងឆ្នាំនេះ គឺព្រះនាងមហោធរៈទេវី បុត្រីទី ៧ នៃកបិលមហាព្រហ្ម ទ្រង់អម្ពរពណ៌ខៀវ មានផ្កាត្រកៀត សៀតនៅព្រះកាណ៌ សោយ សាច់ទ្រាយ (ជាសត្វព្រៃពពួកឈ្លូស តែតូចជាងឈ្លូស) ជាភក្សាហារ ព្រះហស្តស្តាំកាន់កងចក្រ ព្រះហស្តឆ្វេងកាន់ត្រីសូល៍ គង់លើមយូរ៉ា ឬស្ដេចក្ងោក ជាពាហនៈ។

ថ្ងៃចូលឆ្នាំថ្ងៃទី១ គឺថ្ងៃវារៈមហាសង្ក្រាន្ត ត្រូវនឹងថ្ងៃសៅរ៍ ១៤ រោច ខែចេត្រ ត្រូវនឹងថ្ងៃ ១៤ ខែមេសា គ.ស ២០១៨ វេលាម៉ោង ៩ និង ១២ នាទីព្រឹក ជាថ្ងៃចូលឆ្នាំច សំរឹទ្ធស័ក។
ថ្ងៃទី ២ គឺថ្ងៃ វារៈវ័នបត ត្រូវនឹងថ្ងៃអាទិត្យ ១ កើត ខែពិសាខ ត្រូវនឹងថ្ងៃទី ១៥ ខែមេសា គ.ស ២០១៨ ។
ថ្ងៃទី៣ គឺថ្ងៃវារៈឡើងស័ក ត្រូវនឹងថ្ងៃច័ន្ទ ២ កើត ខែពិសាខ ត្រូវនឹងថ្ងៃទី ១៦ ខែមេសា គ.ស ២០១៨ វេលាម៉ោង ១២ និង ៥៩ នាទី និង២៤ វិនាទី គម្រប់ជាសង្ក្រាន្ត ៣ ថ្ងៃ៕

ដកស្រង់ពីសៀវភៅមហាសង្ក្រាន្ត ឯកឧត្ដម អឺុម បូរិន្ទ

ពាក្យទាក់ទង

ចូលឆ្នាំខ្មែរ

ភ្ជាប់ទំនាក់ទំនងជាមួយ Sabay Der

អត្ថបទថ្មី

តោះ! មកដឹងពីប្រវត្តិ និងរឿងរ៉ាវខ្លះៗអំពីនំបញ្ចុកខ្មែរ

ទៅដើរលេងជាមួយ Best friend កុំរំលងស្ទីលស្លៀកពាក់អស់ទាំងនេះណា៎

គ្រឿងអលង្ការស្អាតដូចដួងខែ លើកសម្រស់ឥតខ្ចោះ

ម៉ូតសក់សម្រាប់មិត្តនារីសក់ខ្លីពេលចូលរួមកម្មវិធី

ប្លែកតែសប្បាយ! ហាត់រ៉កនឹកឃើញនាំភ្ញៀវស្លៀកឈុតដេកយប់ជប់លៀង អបអរខួប ២ឆ្នាំនៅភ្នំពេញ

ខោខូវប៊យជាមួយអាវរលុងធំៗដឹងតែស័ក្ដិសមត្រូវម៉ាច់សម្រាប់ខែរងារ