ហាងសៀវភៅប្រលោមលោកដែលអ្នកនឹងអានជក់ចិត្ត!!!

2018-04-24 07:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការអានសៀវភៅជាផ្នែកមួយបណ្ដុះគំនិត និងបញ្ញារបស់មនុស្សមិនងាយនឹងសាបសូន្យ។ សម្រាប់អ្នកចូលចិត្តការអានតែងតែស្វែងរកនូវសៀវភៅគ្រប់ប្រភេទមកចំណាយពេលអាននិងរៀនសូត្រពីវា។ ថ្ងៃនេះសប្បាយដើរមានហាងសៀវភៅ បរទេស ដែល មានទាំងសៀវភៅប្រលោមលោក សៀវភៅល្បីជាច្រើន ណែនាំអ្នកទាំងអស់គ្នាឱ្យបានស្គាល់៖

១. ហាង សៀវភៅ D’s Books

ហាង D’s Books មានលក់សៀវភៅមួយទឹក និងថ្មីបែបប្រលោមលោកមនោសញ្ចេតនា វិទ្យាសាស្ត្រ ផ្សងព្រេង រន្ធត់ រួមទាំងសៀវភៅកុមារ ជីវប្រវត្តិ ឯកសារ និងសៀវភៅល្បីៗមកពីជុំវិញពិភពលោកជាច្រើនទៀតផងដែរ។ ក្រៅពីនេះលោកអ្នកអាចញ៉ាំភេសជ្ជៈ ដូចជាកាហ្វេ និងតែនៅទីនោះបានផងដែរ ប្រសិនបើអ្នកចង់អានសៀវភៅនៅទីនោះផ្ទាល់តែម្ដង។

អាសយដ្ឋាន៖ #៧៩ ផ្លូវលេខ២៤០ ទូរស័ព្ទ៖ ០៩២ ៥២៧ ០២៩

២. ហាងសៀវភៅសេដ្ឋគុណ

នៅក្នុងហាងនេះមិនត្រឹមតែមានលក់សៀវភៅថ្មីៗជាភាសាអង់គ្លេសប៉ុណ្ណោះទេ តែអ្នកអាចទិញសៀវភៅមួយទឹក ឬក៏អាចប្តូរសៀវភៅដែលអ្នកឈប់ចង់អានដើម្បីយកសៀវភៅថ្មី ឬក៏លក់យកលុយមកវិញតែម្តងក៏បាន។

ទីតំាងផ្លូវលេខ១៤៨B ផ្លូវលេខ១២២ ក្រោយមន្ទីរពេទ្យកុមារជាតិ

៣.Royal bookstore

ហាងសៀវភៅ royal bookstore ដែលមានលក់សៀវភៅបរទេសជាច្រើនមានតម្លៃសមរម្យហើយព្រមទាំងមាន Cover សៀវភៅ ស្អាតៗ មកពីប្រទេសគេស្រាប់ អ្នកដែលចូលចិត្តអានរឿងប្រលោមលោកបែបស្នេហា ចំណេះដឹងទូទៅ និងលក្ខណៈអក្សរសិល្ប៍ជាច្រើននៅ royal bookstore !!! ពិសេសជាងនេះទៅហាងសៀវភៅ royal bookstore ក៏មានលក់ស្នាដៃនិពន្ធរបស់តារាចម្រៀងដែលល្បីប្រចាំផលិតកម្មហង្សមានគឺ លោក manith Jupiter មានដូចជារឿងបេសកកម្មនិងរឿងផ្ទះកណ្ដាលបឹងដូចគ្នា។