៤ចំណុចរបស់ប្រទេសថៃជំរុញថាមពលនៃដំណើរផ្សងព្រេងរបស់ខ្ញុំ
- 2018-08-03 00:40:00
- ចំនួនមតិ 0 | ចំនួនចែករំលែក 0
៤ចំណុចរបស់ប្រទេសថៃជំរុញថាមពលនៃដំណើរផ្សងព្រេងរបស់ខ្ញុំ
ចន្លោះមិនឃើញ
ប្រទេសថៃជាប្រទេសមួយក្នុងចំណោមប្រទេសដែលខ្ញុំចូលចិត្តជុំវិញពិភពលោក។ ថៃប្រៀបដូចជាទីជម្រកដ៏កក់ក្ដៅសម្រាប់ខ្ញុំពេលបានទៅដល់ និងជាចំណែកដែលជំរុញថាមពលក្នុងដំណើរផ្សងព្រេងរបស់ខ្ញុំ។ អស់រយៈពេលជាង១០ឆ្នាំមកហើយដែលខ្ញុំបានចាប់ផ្ដើមការផ្សងព្រេងពីប្រទេសមួយទៅប្រទេសមួយជុំវិញពិភពលោកហើយប្រទេសថៃជាទីកន្លែងមួយដែលខ្ញុំចំណាយពេលវេលារស់នៅយូរជាងគេ។ មិនថាខ្ញុំបានចំណាយពេលយូរប៉ុណ្ណានៅក្នុងប្រទេសមួយនេះទេខ្ញុំនៅតែមានអារម្មណ៍សប្បាយរីករាយជាមួយនឹងអ្វីៗគ្រប់យ៉ាងដែលធ្វើឱ្យខ្ញុំគិតថាភាពអស្ចារ្យមួយនេះនៅតែមានជារៀងដ៏រាបមិនចេះរីងស្ងួត។ ខ្ញុំចង់ចែករំលែកនូវអ្វីដែលធ្វើឱ្យខ្ញុំមានភាពត្រេកត្រអាលនឹងទឹកដីដ៏ផូរផង់មួយនេះដែលហាក់ដូចជាគ្មានទីបញ្ចប់។
១. បទពិសោធន៍ដែលបាងកកផ្ដល់ឱ្យ
ពេលដែលខ្ញុំមកដល់ទីក្រុងបាងកកជាលើកដំបូងខ្ញុំមិនចូលចិត្តទីក្រុងនេះទេពីព្រោះមានសំឡេងរំខាន, អាកាសធាតុក្ដៅខ្លាំង, ភាពអ៊ូអរ, ភាពកង្វក់ដូចជាផ្សេងពីយានយន្ត, និងមនុស្សជាច្រើនដើរទៅមកមិនឈប់ឈរ។ ប៉ុន្តែបន្ទាប់ពីការរស់នៅអស់មួយរយៈពីមួយថ្ងៃទៅមួយថ្ងៃខ្ញុំយល់ថាទីក្រុងនេះពិតជាស្រស់ស្អាត និងមានអាថ៌កំបាំងជាច្រើនរង់ចាំអ្នកចង់ដឹងឮអំពីវា។ ទីក្រុងបាងកកប្រៀបដូចជាស្រទាប់នៃខ្ទឹមបារាំងអញ្ចឹង។ មានកន្លែងជាច្រើនដែលអ្នកទេសចរណ៍ស្នាក់នៅរយៈពេលខ្លីអាចនឹងទៅមិនដល់។ នៅបាងកកមានកម្មវិធីសប្បាយៗជាច្រើនត្រូវបានគេរៀបចំឡើង, មានអាហារឆ្ងាញ់ៗជាច្រើនទោះបីជាវាត្រូវបានគេលក់ និងចម្អិននៅតាមដងផ្លូវក៏ដោយ។ មនុស្សជាច្រើនចេញមកលំហែកាយបណ្ដើរញាំអាហារបណ្ដើរជាមួយសំឡេងអ៊ូអរពេញទីសាធារណៈរួមទាំងស្នាមញញឹមដែលមាននៅលើផ្ទៃមុខមនុស្សម្នាក់ៗហាក់មានភាពរីករាយនឹងអាហារដែលពួកគេកំពុងញាំនិងបរិយាកាសជុំវិញជាខ្លាំង។
២. ញាំម្ហូបថៃឆ្ងាញ់ៗ
ម្ហូបថៃត្រូវបានគេស្គាល់ជុំវិញពិភពលោកថាវាមានរសជាតិឆ្ងាញ់។ ហើយមិនបាច់សង្ស័យទេថាវារឹតតែឆ្ងាញ់ថែមទៀតនៅប្រទេសថៃតែម្ដង។ ប្រភេទអាហារដែលឆ្ងាញ់បំផុតគឺត្រូវបានគេលក់នៅតាមតូបលើដងផ្លូវដែលមានលក់ម្ហូបមានរស់ជាតិឆ្ងាញ់បំផុតនិងហិលបំផុត។ គ្រាន់តែរកមើលតូបណាដែលមានភាពអ៊ូអរនោះអ្នកនឹងអាចបានរសជាតិក្នុងក្ដីស្រមៃបានហើយ។ ម្ហូបដែលខ្ញុំគិតថាឆ្ងាញ់បំផុតហើយអ្នកគួរតែសាកមានដូចជា Khao Soi, Pad Kra Pao, Som Tam, Laab។
៣. រៀនធ្វើម្ហូបថៃ
អ្នកអាចរកកន្លែងរៀនធ្វើម្ហូបនៅទូទាំងប្រទេសថៃ។ ប៉ុន្តែឈៀងម៉ៃជាទីកន្លែងដ៏ល្បីសម្រាប់អ្នកចង់រៀនធ្វើម្ហូបថៃ។
៤. ទៅមើលត្រីនៅបាតសមុទ្រ
នៅប្រទេសថៃមានកន្លែងសម្រាប់មុជចុះទៅបាតសមុទ្រមើលធម្មជាតិដ៏ស្រស់បំព្រងនៅទីជម្រៅនៃបាតសមុទ្រនោះ។ ហើយការមុជចុះទៅបាតសមុទ្រលេងកម្សាន្តមានតម្លៃសមរម្យ។ កន្លែងទាំងនោះមានដូចជា Ko Tao, កោះ Similan, កោះ Surin ជាកន្លែងពេញនិយម និងជាតំបន់សំបូរទៅដោយផ្កាថ្មមានសម្រស់ស្រស់ឆើតឆាយ លម្អទៅដោយពពួកត្រីប្លែកៗមានពណ៌ស្រស់ៗស្អាតៗហែលលេងយ៉ាងរីករាយទាំងហ្វូងៗ។ វាជាអ្វីដែលប្លែកសម្រាប់មនុស្សទូទៅមិនងាយបានឃើញទេ។ បានឃើញហើយនឹងធ្វើឱ្យយើងមានអារម្មណ៍ថាធម្មជាតិមានសម្រស់មានសម្រស់ដែលមិនអាចកាត់ថ្លៃបាន។ ហើយវាមាននៅទីកន្លែងអាថ៌កំបាំងជាច្រើននៅលើលោកនេះ។ យើងគួរតែសាកល្បងអ្វីដែលប្លែកនិងអ្វីដែលមនុស្សទូទៅមិនងាយមានឱកាសធ្វើវា។
អត្ថបទ៖ Sin Sovannleakhena
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
