ពេលល្អបំផុតដែលគួរញ៉ាំភេសជ្ជៈប៉ូវកម្លាំង
- 2016-03-19 11:00:33
- ចំនួនមតិ 0 | ចំនួនចែករំលែក 0
ពេលល្អបំផុតដែលគួរញ៉ាំភេសជ្ជៈប៉ូវកម្លាំង
ចន្លោះមិនឃើញ
ធ្លាប់មានអារម្មណ៍ថាដូចជា Superman ដែរទេនៅពេលដែលញ៉ាំភេសជ្ជៈប៉ូវកម្លាំងម្តងៗ? ថ្ងៃនេះ Sabay ដើរសូមណែនាំនូវដំបូន្មានមួយចំនួនទាក់ទងនឹងពេលវេលាដែលគួរញ៉ាំភេសជ្ជៈប៉ូវកម្លាំង និងកម្រិតសមស្របដែលគួរញ៉ាំវា៖
គួរញ៉ាំភេសជ្ជៈប៉ូវកម្លាំងនៅពេលដែលអ្នកបញ្ចេញកម្លាំងកាយខ្លាំង ដូចជានៅពេលដែលលេងកីឡា ហាត់ប្រាណ ធ្វើដំណើរផ្លូវឆ្ងាយ និងធ្វើសកម្មភាពផ្សេងៗដែលបញ្ចេញកម្លាំងកាយខ្លាំងជាងធម្មតា ដោយសារតែភេសជ្ជៈប៉ូវកម្លាំងនេះផ្តល់ឲ្យអ្នកនូវថាមពលបន្ថែម ដើម្បីកាត់បន្ថយភាពនឿយហត់។
ក្រៅពីនេះប្រសិនបើអ្នកសិក្សា ឬធ្វើការដល់យប់ ឬថែមម៉ោង លោកអ្នកក៏អាចញ៉ាំវាដើម្បីដាស់ស្មារតីបានផងដែរ ដោយសារតែវាមានផ្ទុកនូវសារធាតុកាហ្វេអ៊ីនខ្ពស់។ វាជួយឲ្យអ្នកអាចផ្ចង់អារម្មណ៍ក្នុងការគិតបានល្អ។
បើទោះបីជាការញ៉ាំភេសជ្ជៈប៉ូវកម្លាំងមានគុណភាពប្រយោជន៍មួយចំនួនក៏ដោយ ក៏វាអាចបង្កផលប៉ះពាល់ខ្លាំងប្រសិនបើអ្នកញ៉ាំវាជាប្រចាំ និងខុសកាលៈទេសៈ។ វាអាចបង្កផលប៉ះពាល់ផ្សេងៗដូចជាជម្ងឺទឹកនោមផ្អែម ឬអស់កម្លាំងខ្លាំងនៅពេលដែលសារធាតុបង្កើនកម្លាំងរបស់ភេសជ្ជៈនេះជ្រាបចេញពីខ្លួនរបស់អ្នក។ គួរចងចាំថាមិនគួរញ៉ាំវាម្តងទាំងអស់នោះទេ ត្រូវញ៉ាំវាម្តងបន្តិចៗដោយប្រើរយៈពេល ២ ម៉ោងពេលញ៉ាំមួយកំប៉ុង ដើម្បីជៀសវាងការបាក់កម្លាំងជ្រុល និងវិលមុខនៅពេលដែលអស់សារធាតុជំនួយកម្លាំងទាំងនោះ។ ម្យ៉ាងវិញទៀតគួរញ៉ាំវាចន្លោះពីម៉ោង ៩:៣០ ព្រឹកដល់ម៉ោង ៥:៣០ ល្ងាចបន្ទាប់ពីញ៉ាំអាហារទ្រាប់ពោះហើយ។
ប្រែសម្រួលដោយ៖ Sam
ប្រភព៖ http: wikihow