អត្ថប្រយោជន៍៦យ៉ាងពីការញ៉ាំជើងមាន់អ្នកអាចនឹងមិនធ្លាប់ដឹង
- 2016-07-04 08:50:29
- ចំនួនមតិ 0 | ចំនួនចែករំលែក 0
អត្ថប្រយោជន៍៦យ៉ាងពីការញ៉ាំជើងមាន់អ្នកអាចនឹងមិនធ្លាប់ដឹង
ចន្លោះមិនឃើញ
ជើងមាន់គឺជាប្រភេទអាហារដែលមានរសជាតិឆ្ងាញ់ ប៉ុន្តែទន្ទឹមនឹងនេះក៏មានចំណុចអវិជ្ជមានជាច្រើនពាក់ព័ន្ធអាហារនេះដោយសារតែការប្រើសារធាតុគីមីដើម្បីរក្សាទុក និងកត្តាផ្សេងៗដែលធ្វើឲ្យវាខូចគុណភាព។ ប៉ុន្តែទោះជាយ៉ាងណាក៏ដោយ ក៏ជើងមាន់មានគុណប្រយោជន៍ជាច្រើនដែលយើងមិនធ្លាប់គិតដល់ផងដែរ។ ថ្ងៃនេះ Sabay ដើរសូមបង្ហាញជូនអត្ថប្រយោជន៍នៃការញ៉ាំជើងមាន់បែបធម្មជាតិទាំង ៦ យ៉ាង៖
១. ជើងមាន់សំបូរទៅដោយសារធាតុខូលេជិន៖ យោងទៅតាមការស្រាវជ្រាវរបស់សកលវិទ្យាល័យឆុងសីងផ្នែកបសុពេទ្យតៃវ៉ាន់បានឲ្យដឹងថា ជើងមាន់ផ្ទុកសារធាតុខូលេជិនកម្រិតខ្ពស់ដែលជួយដល់សុខភាពស្បែក និងធ្វើឲ្យស្បែកតឹងណែន។
២. កាត់បន្ថយហានិភ័យនៃជំងឺពុកឆ្អឹង៖ ជើងមាន់ផ្ទុកនូវសារធាតុកាល់ស្យូម ខូលេជិន និងប្រូតេអ៊ីនខ្ពស់ ដែលជាសារធាតុជួយទ្រទ្រង់ភាពរឹងមាំនៃឆ្អឹង។
៣. ជួយឲ្យរបួសឆាប់ជា៖ វាជួយឲ្យរបួសដែលកើតឡើងដោយប្រការណាមួយឆាប់ជាសះស្បើយ ដោយសារតែវាសំបូរទៅដោយជាតិកាល់ស្យូម និងប្រូតេអ៊ីន ដែលសារធាតុទាំងពីរនេះមានសារៈសំខាន់បំផុតក្នុងការជួយជំរុញសរសៃប្រសាទ សាច់ដុំ និងឆ្អឹង។
៤. សម្រួលប្រព័ន្ធរំលាយអាហារ៖ ជាធម្មតាយើងក៏អាចរម្ងាស់វាធ្វើស៊ុបផងដែរ ហើយសារធាតុបំប៉នដែលសំបូរបែបនៅក្នុងស៊ុបនេះនឹងជួយសម្រួលដល់ការរំលាយអាហារ។
៥. ជួយធ្វើឲ្យក្រចក និងមាត់ធ្មេញមានសុខភាពល្អ៖ ដោយសារវាមានផ្ទុកសារធាតុចិញ្ចឹមសំបូរបែប បូករួមជាមួយកាល់ស្យូមដែលជួយធ្វើឲ្យក្រចកលូតលាស់ និងមានសុខភាពល្អ និងជួយកម្ចាត់មេរោគដែលមាននៅក្នុងមាត់ធ្មេញផងដែរ។
៦. ជួយធ្វើឲ្យប្រព័ន្ធការពាររាងកាយរឹងមាំ៖ ជើងមាន់មានភាពពេញនិយមដោយសារសារធាតុបំប៉នចាំបាច់របស់វាដូចជា៖ ខូលេជិន ហ្គាលេទីន បូករួមជាមួយស័ង្កសី ម៉ាញេស្យ៉ូម និងផូស្វ័រជាដើម។ សារធាតុទាំងនេះមានភាពចាំបាច់សម្រាប់រាងកាយជាខ្លាំងដើម្បីការពារប្រឆាំងនឹងជំងឺផ្សេងៗ។
អត្ថបទ៖ វិសាល
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
