ម៉ូតហ៊ីបហបកូនកាត់ច្នៃដោយកូនខ្មែរ

2016-08-23 05:02:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមនិស្សិតមួយក្រុមមានគ្នា៣នាក់នៃសកលវិទ្យាល័យលីមកុកវីងបានចាប់ដៃគ្នាស្វែងរកគំនិតថ្មីមួយដោយច្នៃម៉ូតខោអាវបែបហ៊ីបហបរូមបញ្ចូលគំនិតតាមបែបខោអាវប្រពៃណីខ្មែរ ឲ្យចេញជាម៉ូតថ្មីមួយមើលទៅពិតជាគួរឲ្យទាក់ភ្នែកមែនទែន។ កញ្ញាសេងសុខឡេង អ្នកច្នៃម៉ូតមួយរូបក្នុងក្រុមនេះបានលើកឡើងថា ការហូរចូលនៃសម្លៀកបំពាក់បរទេសកាន់តែច្រើនឡើងៗ ហើយការស្លៀកពាក់ទៀតសោត រឹតតែធ្វើឲ្យភ្នែកមហាជន គិតថាម៉ូតសម្លៀកបំពាក់បែបខ្មែរសម័យទំនើបមានតិចលើទីផ្សារបច្ចុប្បន្ន។

យុវតីរូបនេះបន្ថែមថា៖« ទោះតិចឬច្រើន ពួកយើងគ្រាន់តែចង់ឲ្យយុវវ័យខ្មែរងាកមករកម៉ូតសម្លៀកបំពាក់បែបខ្មែរតែក្នុងបរិបទមួយ គឺខ្មែរសម័យទំនើប»។ ង៉ែតវិទ្យាលោកក៏បានបន្តទៀតថាការច្នៃម៉ូតសម្លៀកបំពាក់និមួយៗពិតជាមិនងាយស្រួលទេដែលយើងត្រូវធ្វើអោយមើលទៅមានភាពទាក់ទាញហើយប្លែកពីDesignerផ្សេងៗ។

ក្នុងនោះកញ្ញាស៊ុនសុម៉ាលីតា បានបញ្ជាក់ដែលថាក្នុងមួយ Collection ដែលមាន ៦ ឈុតនេះប្រើអស់រយៈពេលដល់ទៅដល់៤ខែឯណោះ។កញ្ញាបន្តទៀតថាផលវិបាកនៃការធ្វើសម្លៀកបំពាក់ទាំងអស់នេះឡើងគឺនៅលើការជ្រើសរើសកំណាត់សម្រាប់កាត់។

“ KHMER BEAT “ ជា Collection មួយរចនាឡើងដោយក្រុមនិស្សិតលីមកុកវីង៣រូបមានដូចជា៖កញ្ញាសេងសុខឡេង កញ្ញា ស៊ុន សុម៉ាលីតា និងលោក ង៉ែត វិទ្យា។ ក្រុមច្នៃម៉ូតសម្លៀកបំពាក់នេះបានដាក់ ឈ្មោះក្រុមថា « ច្នៃ » សរសេរជាភាសាអង់គ្លេស “ CHANAI “ ។