ចំណុចសំខាន់ ៦យ៉ាងដើម្បីក្លាយជានិសិត្សឆ្នើមបំផុត
- 2016-09-15 01:32:51
- ចំនួនមតិ 0 | ចំនួនចែករំលែក 0
ចំណុចសំខាន់ ៦យ៉ាងដើម្បីក្លាយជានិសិត្សឆ្នើមបំផុត
ចន្លោះមិនឃើញ
លទ្ធផលប្រលងបាក់ឌុបទើបតែចេញក្តៅៗ ប្អូនៗភាគច្រើនកំពុងតែរំភើបលាយជាមួយអារម្មណ៍ភ័យអរ ដោយសារវាជាចំណុចចាប់ថ្មីនៃជីវិតប្រឡូកនៅសកលវិទ្យាល័យ។ ទាំងនេះជាដំបូន្មានទាំង ៦ ដែលអ្នកអាចស្វែងយល់ដើម្បីក្លាយជានិសិត្សឆ្នាំទីមួយដ៏ក្លៀវក្លាពោរពេញដោយថាមពល៖
១. ត្រៀមខ្លួនចូលសង្វៀន ៖ ត្រៀមខ្លួនឲ្យស្រេច ថាត្រូវសិក្សាមុខជំនាញអ្វី។ តើមានសម្ភារៈគ្រប់គ្រាន់ដើម្បីចូលសិក្សាឬនៅ។ ការយកចិត្តទុកដាក់លើចំណុចទាំងនេះនឹងធ្វើឲ្យអ្នកមានអារម្មណ៍កក់ក្តៅ និងជឿជាក់ក្នុងការចាប់ផ្តើមជីវិតថ្មី។
២. ចូលរួមសកម្មភាពស្ម័គ្រចិត្ត៖ ក្រៅពីសកម្មភាពសិក្សាក្នុងថ្នាក់ អ្នកគួរតែសកម្មក្នុងការចូលរួមស្ម័គ្រចិត្ត ក្លឹបសិក្សា សិក្ខាសាលា និងសកម្មភាពសង្គមផ្សេងៗទៀត។ វាមិនត្រឹមតែផ្តល់ចំណេះដឹងទូលំទូលាយប៉ុណ្ណោះទេ តែវាក៏ផ្តល់ឱកាសឲ្យអ្នកស្វែងយល់ពីការទំនាក់ទំនងក្នុងសង្គមផងដែរ។
៣. ស្វ័យសិក្សា៖ នេះជាពេលវេលាដែលសាស្ត្រចារ្យមានតួនាទីគ្រាន់តែជាតួរងតែប៉ុណ្ណោះ តែអ្នកត្រូវតែចេះសិក្សា និងស្រាវជ្រាវដោយខ្លួនឯង ទើបអាចទទួលបានចំណេះដឹងទូលំទូលាយ និងពិតប្រាកដ។ ម្យ៉ាងវិញទៀត អ្នកគួរតែស្រាវជ្រាវឲ្យបានច្រើនលើសពីសៀវភៅសិក្សា និងអ្វីដែលសាស្ត្រដាក់ឲ្យ និយាយរួមរៀនធ្វើជាអ្នកស្រាវជ្រាវដោយខ្លួនឯង។
៤. រៀនរស់ដោយឯករាជ្យ៖ អ្នកអាចជានិសិត្សមកពីតាមខេត្ត ហើយអ្នកអាចនឹងរស់នៅជាមួយបងប្អូន ឬមិត្តភក្តិ ដូច្នេះអ្នកអាចនឹងជួបការលំបាកច្រើនក្នុងជីវិតរស់នៅដែលពឹងលើខ្លួនឯងនេះ។ ពេលខ្លះដាច់លុយអត់អីញ៉ាំ ពេលខ្លះមិនសូវពេញចិត្តនឹងមិត្តរួមបន្ទប់ ពេលខ្លះមានអារម្មណ៍ថាឯកា ពេលខ្លះជួបបញ្ហាមិនដឹងថាត្រូវដោះយ៉ាងណា ឬទៅពឹងពាក់អ្នកណា ទាំងនេះបទពិសោធន៍ដែលនិសិត្សភាគច្រើនធ្លាប់ជួបប្រទះ។ តែទោះបីជាយ៉ាងក៏ដោយ វាក៏ជាបទពិសោធន៍ដ៏ល្អបំផុតដែលបង្រៀនឲ្យអ្នកមានម្ចាស់ការលើខ្លួនឯង និងហានប្រឈមនឹងបញ្ហា។
៥. កុំធ្វើដូចអស្ចារ្យតែឯង៖ បើទោះបីអ្នកជាសិស្សពូកែ ឬមានជីវភាពធូរធារក៏ដោយ អ្នកគួរតែរៀនសម្របខ្លួនជាមួយមិត្តភក្តិ កុំគិតថាខ្លួនឯងជាមនុស្សអស្ចារ្យផុតលេខ។ សូមចងចាំថាមនុស្សដែលពូកែ និងមានអនាគតជាអ្នកដឹកនាំគឺជាមនុស្សដែលរៀនស្វែងយល់ពីមនុស្សគ្រប់ប្រភេទនៅជុំវិញខ្លួន ដូច្នេះអ្នកគួររៀនស្វែងយល់ពីមនុស្សគ្រប់ៗគ្នាមិនថានរណាក៏ដោយ កុំប្រកាន់ខ្លួន។
៦. ចេះមើលថែខ្លួនឯង៖ បើទោះបីការជាការសិក្សា និងពិន្ទុមានសារៈសំខាន់ខ្លាំងក៏ដោយ ក៏អ្នកមិនគួរមើលរំលងសុខភាពរបស់អ្នកដែរ។ ត្រូវចេះមើលថែខ្លួនឯងឲ្យបានល្អទាំងសុខភាពផ្លូវកាយ និងផ្លូវចិត្ត ព្រោះថាអ្នករស់នៅឆ្ងាយពីក្រុមគ្រួសារ។ ត្រូវចាត់ទុកសុខភាពជាអាទិភាពចម្បង ទើបអាចសម្រេចកិច្ចការផ្សេងទៀតបាន។
អត្ថបទ៖ Sam
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
