តើ​លោកអ្នក​មាន​ធ្លាប់​វិលមុខ ឈឺ​ក្នុង​ត្រចៀក​ឈឺ​មុខ ក្បាល ក ស្មា​និង​ខ្នង​ដែរ​ឬ​ទេ?

ការ​យល់​ដឹង​ពី​មូល​ហេតុ​និង​ការ​ព្យាបាលបញ្ហា​នៅ​នឹង​សន្លាក់​ឆ្អឹង​ថ្គាម​ ​ មនុស្ស​ជា​ច្រើន​ទទួល​រង​នូវ​អាការៈ​វិល​មុខ​ឈឺ​ត្រចៀក មុខ ក្បាល ក ស្មា​និង​ខ្នង​ដោយ​មិន​ដឹង​ពី​មូល​ហេតុ​នៃ​ការ​ឈឺ​ចាប់​ទាំង​នេះ​ឡើយ។ កាល​ពី​មុន​អ្នក​ជំងឺ​ជា​ច្រើន​ដែល​បាន​ទៅ​ជួប​គ្រូពេទ្យ​ដើម្បី​ព្យាបាល​បញ្ហា​ឈឺ​ចាប់​ទាំង​នេះ​ត្រូវ​បាន​ប្រាប់​ថា​វា​បណ្ដាល​មក​ពី​អារម្មណ៍​របស់​គាត់​ប៉ុណ្ណោះ​ហើយ​ពួក​គេ​ត្រូវ​ទៅ​ជួប​គ្រូពេទ្យ​ឯកទេស​ពី​ម្នាក់​ទៅ​ម្នាក់​ទៀត។​បន្ទាប់​ពី​ការ​ព្យាបាល​ប៉ុន្មាន​ឆ្នាំ​ដែល​មិន​ទទួល​បាន​ជោគជ័យ​អ្នក​ជំងឺ​ទាំង​នោះ​បាន​ស៊ាំ​នឹង​ការ​រស់​នៅ​ជា​មួយ​នឹង​ការ​ឈឺចាប់​របស់​ខ្លួន​ដោយ​ប្រើប្រាស់​ថ្នាំ​បំបាត់​ការ​ឈឺចាប់​ដែល​អាច​ទិញ​ដោយ​មិន​ត្រូវ​ការ​វេជ្ជ​បញ្ជា​ជា​ពិសេស​ថ្នាំ​អាស្ពីរីន (aspirin)។

ប៉ុន្តែ​សព្វ​ថ្ងៃ​នេះ គេ​បាន​ដឹង​ថា​បណ្ដុំ​រោគ​សញ្ញា​នៃ​ការ​ឈឺ​សន្លាក់​ឆ្អឹង​ថ្គាម ( TemperomandibularJointSyndrome) ​មាន​ទាក់​ទង​នឹង​រោគ​សញ្ញា​ដែល​មិន​អាច​ព្យាបាល​ខាង​លើ​និង​ជំងឺ​នៃ​ការ​ឈឺចាប់​ផ្សេងៗ។​ការ​ឈឺចាប់​ដែល​បាន​រៀប​រាប់​ខាង​លើ​គឺ​ជា​រោគសញ្ញា​នៃ​បណ្ដុំ​សញ្ញា​នៃ​ការ​ឈឺ​សន្លាក់​ឆ្អឹង​ថ្គាម។

ការ​ធ្វើ​រោគ​វិនិច្ឆ័យ​បញ្ហា( Diagnosing The Problem ): មុន​ពេល​ធ្វើ​ការ​សម្រេច​លើ​ការ​ព្យាបាល​បញ្ហា​របស់​អ្នក​ដំណើរ​ការ​នៃ​ការ​ធ្វើ​រោគ​វិនិច្ឆ័យ​ជា​ច្រើន​ត្រូវ​តែ​ធ្វើ​ជា​ចាំ​បាច់។ការ​ថត​កាំ​រស្មី X-Ray ត្រូវ​ធ្វើ​ដើម្បី​ថត​សន្លាក់​ថ្គាម។តេស្ត​នេះ​បង្ហាញ​នូវ​រូបភាព​ច្បាស់​ពី​ទ្រង់ទ្រាយ​នៃ​សន្លាក់​ឆ្អឹង​ថ្គាម​និង​ទីតាំង​នៃ​រចនាសម្ព័ន្ធ​ផ្សេងៗ​នៅ​ក្នុង​សន្លាក់​ថ្គាម​របស់​អ្នក។ការ​ថត​កាំ​រស្មី​ដែល​ផ្ដល់​រូបភាព​អាច​មើល​ឃើញ​ដោយ​ភ្នែក​ផ្ទាល់​ត្រូវ​បាន​គេ​ប្រើ​ជា​វិធី​សម្រាប់​រក​ជំងឺ​ដែល​កើត​នៅ​ក្នុង​សន្លាក់​ថ្គាម។

Jaw ​positioners​អាច​ត្រូវ​ប្រើ​ដោយ​ឧបករណ៍​ដែល​ហៅ​ថា​ SPLINT​ត្រូវ​បាន​ប្រើ​មួយ​រយៈ​រហូត​ដល់​បាត់​ការ​ឈឺចាប់។ការ​ព្យាបាល​ជា​អចិន្ត្រៃយ៍​ត្រូវ​ធ្វើ​បន្ត​ដោយ​ការ​តម្រឹម​ធ្មេញ​ការ​ពត់​ធ្មេញ ​និង​ការ​ដាក់​ធ្មេញ។ បែប​បទ​នៃ​ការ​ព្យាបាល បន្ទាប់​ពី​ធ្វើ​រោគ​វិនិច្ឆ័យ​បញ្ហា​នេះ​របៀប​ព្យាបាល​ផ្សេងៗ​គ្នា​អាច​នឹង​ត្រូវ​បាន​ណែនាំ​ឲ្យ​ធ្វើ។ដំណាក់​ការ​ដំបូង​នៃ​ការ​ព្យាបាល​មាន​បំណង​លុប​បំបាត់​ការ​ឈឺចាប់​នៃ​សន្លាក់​ឆ្អឹង​ថ្គាម​ដែល​ជា​រោគ​សញ្ញា​បណ្ដាល​ពី​បញ្ហា​ពិត​ប្រាកដ។​ក្នុង​ដំណាក់​ការ​ទី​ពីរ​ការ​ព្យាបាល​នឹង​ធ្វើ​ទៅ​

លើ​បញ្ហា​នៃ​ការ​ឈឺចាប់​នេះ។វិធី​ព្យាបាល​សន្លាក់​ឆ្អឹង​ថ្គាម​នឹង​ត្រូវ​ពន្យល់​ជា​សង្ខេប​ដូច​ខាង​ក្រោម​នេះ៖

១. Occlusal Equilibration៖ក្នុង​ការ​ព្យាបាល Occlusal Equilibration ធ្មេញ​នៅ​ផ្នែក​ខាង​លើ​ឬ ផ្ទៃ​ទំពា​នឹង​ត្រូវ​ឆាប​ជា​រូបរាង​ថ្មី។ការ​ធ្វើ​បែប​នេះ​ដើម្បី​ជួយ​សម្រាល​សម្ពាធ​ទៅ​លើ​ធ្មេញ​នីមួយៗ។ដំណើរ​ការ​នៃ​ការ​ឆាប​ធ្មេញ​ត្រូវ​បាន​គេ​រក​ឃើញ​ថា​ជា​វិធី​ដោះ​ស្រាយ​ស្ថានភាព​ដែល​បណ្ដាល​ឲ្យ​ពិបាក​នៅ​នឹង​ក្បាល​ក ​ស្មា និង​ការ​ខូចខាត​រចនា​សម្ព័ន្ធ​របស់​ធ្មេញ។

២. Occlusal Restoration៖Occlusal Restoration ទាក់ទង​ទៅ​នឹង​ការ​ផ្លាស់​ប្ដូរ​ធ្មេញ​ឬ​ការ​ដាំ​ធ្មេញ​ឡើង​វិញ​បន្ថែម​ទៅ​លើ​ដំណើរ​ការ​នៃ​ការ​ឆាប​រូបរាង​របស់​ធ្មេញ​ដែល​កាត់​ផ្នែក​ខាង​លើ​នៃ​ធ្មេញ។ដូចនេះ ធ្វើ​ឲ្យ​សាច់​ដុំ​មុខ​និង​សាច់​ដុំ​ថ្គាម​របស់​អ្នក​បាន​សម្រាក។

៣. Splint/Jaw Repositioner Appliances៖Splint/Jaw Repositioner Appliances មិន​ត្រឹមតែ​ប្រើ​សម្រាប់​ការ​ធ្វើ​រោគ​វិនិច្ឆ័យ​នោះ​ទេ​ប៉ុន្តែ​វា​ក៏​ប្រើ​បំបាត់​ការ​ពិបាក​ទំពា​និង​ការ​ឈឺចាប់។ បន្ទាប់​មក​ការ​ព្យាបាល​ដំណាក់​ការ​ទី២ការ​ព្យាបាល​ធ្មេញ​ដោយ​ការ​ពត់​ធ្មេញ​ការ​ស្រោប​ធ្មេញ​ការ​តម្រឹម​ធ្មេញ​អាច​នឹង​ត្រូវ​បាន​ណែនាំ​ឲ្យ​ធ្វើ​ដើម្បី​ឲ្យ​ការ​ទំពា​បាន​ល្អ​ដែល​ផ្ដល់​សុខភាព​ល្អ​ដល់​អ្នក។

៤.ការ​ភ្ញោច​សាច់​ដុំ៖ការ​ព្យាបាល​ដោយ​ភ្ញោច​សាច់​ដុំ​អាច​សម្រួល​ការ​ឈឺចាប់​មុន​និង​ក្នុង​ពេល​ដំណើរ​ការ​នៃ​ការ​ព្យាបាល។

៥. T-Scanជា​ប្រព័ន្ធ​វិភាគ Digital Occlusal តែ​មួយ​គត់​របស់​ផ្នែក​ទន្ត​សាស្ត្រ M-Scan, Bio-Ten, and JVA ការ​ព្យាបាល​ឲ្យ​បាន​ឆាប់​គឺ​សំខាន់​ណាស់ សារៈសំខាន់​នៃ​ការ​ព្យាបាល​ឲ្យ​បាន​ឆាប់​គឺ​ពិត​ជា​សំខាន់​ណាស់។បញ្ហា​សន្លាក់​ឆ្អឹង​ថ្គាម​អាច​កើត​ឡើង​គ្រប់​ក្នុង​ដំណាក់​កាល​ណា​មួយ​ហើយ​វិវឌ្ឍ​ទៅ​កាន់​តែ​អាក្រក់​ទៅៗ។ដូចនេះ​ហើយ​បញ្ហា​បន្តិចបន្តួច​ក្នុង​ពេល​បច្ចុប្បន្ន​អាច​ក្លាយ​ជា​ប្រភព​នៃ​ការ​ឈឺចាប់​នៅ​ពេល​អនាគត។​ថែម​លើ​នេះ​ទៀត​ឱកាស​ជោគជ័យ​ក្នុង​ការ​ព្យាបាល​កើន​ឡើង​ខ្ពស់​ប្រសិន​បើ​ឆាប់​ធ្វើ​ការ​ព្យាបាល។​