ភាសាអ្វីអាចជំនួសភាសាអង់គ្លេសនាពេលអនាគត?
- 2016-10-10 09:21:09
- ចំនួនមតិ 0 | ចំនួនចែករំលែក 0
ភាសាអ្វីអាចជំនួសភាសាអង់គ្លេសនាពេលអនាគត?
ចន្លោះមិនឃើញ
កាលពីមុនខ្មែរយើងយកភាសាបារាំងជាភាសាបរទេសគោល តែបន្ទាប់ពីដើមទសវត្សទី ៩០ មកយើងបានចាប់យកភាសាអង់គ្លេសធ្វើជាភាសាចម្បងវិញម្តងដោយសារតែការផ្លាស់ប្តូរនៃឥទ្ធិពលអន្តរជាតិមកលើសង្គមកម្ពុជា។ បច្ចុប្បន្ននេះភាសាអង់គ្លេសនៅតែជាភាសាឈានមុខដដែល ដូច្នេះសួរថាតើភាសាណាដែលអាចជំនួសភាសាអង់គ្លេសបានក្នុងពេលអនាគត?
ភាសាណាក៏មានប្រយោជន៍ដែរដោយសារតែវាផ្តល់នូវលទ្ធភាពឲ្យអ្នកងាយស្រួលក្នុងការស្វែងរកការងារដោយប្រើភាសានោះ។ ក្នុងអត្ថបទនេះយើងសូមលើកយកភាសាបរទេសដែលមានសារៈប្រយោជន៍ខ្លាំងនៅក្នុងសង្គមកម្ពុជាបច្ចុប្បន្នបន្ទាប់ពីភាសាអង់គ្លេស។ ផ្អែកតាមរបាយការណ៍ដែលចេញផ្សាយដោយធនាគារជាតិបានឲ្យដឹងថាប្រទេសចិនគឺជាប្រទេសដែលធ្វើការវិនិយោគធំបំផុតនៅកម្ពុជាក្នុងរយៈពេលពីរទស្សវត្សមកនេះ ដែលសរុបជាទឹកប្រាក់ ១៩,២ ពាន់លានដុល្លារ។ ដូច្នេះបច្ចុប្បន្ននេះមានក្រុមហ៊ុនចិនជាច្រើនដែលត្រូវការបុគ្គលកម្ពុជាដែលចេះភាសាចិន។ហើយចិនក៏កំពុងតែពង្រីកឥទ្ធិពលរបស់ខ្លួនដើម្បីក្លាយជាមហាអំណាចសេដ្ឋកិច្ចពិភពលោកលំដាប់ទីមួយ។
ក្រៅពីនេះប្រសិនបើអ្នកចេះភាសាចិនកុកងឺ វាក៏ជួយឲ្យអ្នកងាយស្រួលទទួលបានអាហារូបករណ៍ដើម្បីទៅសិក្សានៅប្រទេសចិនផងដែរ។ មួយវិញទៀតអ្នកក៏អាចធ្វើការស្រាវជ្រាវផ្សេងដោយប្រើភាសាចិនដើម្បីស្វែងយល់ពីអ្វីដែលថ្មីនៅក្នុងពិភពប្រើភាសាចិនដើម្បីអភិវឌ្ឍខ្លួន។ ហើយវាក៏ជួយសម្រួលដល់ការទំនាក់ទំនងរបស់អ្នកនៅពេលដែលអ្នកធ្វើដំណើរទៅប្រទេសចិន កោះតៃវ៉ាន់ សិង្ហបុរី ហុងកុង និងតំបន់ផ្សេងៗនៅអាស៊ីអាគ្នេយ៍ដែលប្រើភាសាចិនផងដែរ។
សរុបមកការសិក្សាភាសាចិនកុកងឺអាចផ្តល់ឱកាសការងារ ការស្រាវជ្រាវ អាហារូបករណ៍ និងឱកាសផ្សេងទៀតជាច្រើននាពេលបច្ចុប្បន្ន។ ហើយវានឹងកាន់តែមានប្រយោជន៍បន្ថែមទៀតក្នុងពេលអនាគត។ ជាក់ស្តែងលោកប្រធានាធិបតីចិននឹងធ្វើដំណើរទស្សនកិច្ចផ្លូវការជាលើកដំបូងមកកាន់ប្រទេសកម្ពុជានៅសប្តាហ៍នេះ វាបង្ហាញថាចំណងមិត្តភាពរវាងប្រទេសចិន និងកម្ពុជាកាន់តែរឹងមាំខ្លាំងឡើងៗ ដែលវានឹងជម្រុញដល់អ្នកវិនិយោគ និងភ្ញៀវទេសចរចិនឲ្យចូលមកកម្ពុជាកាន់តែច្រើន ដូច្នេះវានឹងផ្តល់ឱកាសកាន់តែច្រើនដល់អ្នកដែលចេះភាសាចិនកុកងឺ។
អត្ថបទ៖ Sam
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
