ការ​ជ្រើសរើសថ្នាំដុសធ្មេញគឺ​សំខាន់ណាស់សម្រាប់សុខភាពប្រចាំថ្ងៃថ្វីត្បិតយើងគិតថាវាជារឿងតូចតាច ប៉ុន្តែ​អ្នកនឹកស្មានមិនដល់ទេ​ថា​សារជាតិគីមីដែល​មាននៅក្នុង​ថ្នាំដុសធ្មេញនោះអាចផ្តលើផល់ប៉ះពាល់ដល់សុខភាពអ្នកដោយ​មិនដឹងខ្លួន។ ហើយតើ​ព័ត៌មាន​ខាងក្រោមនេះ​ពិត​ និង​ត្រឹម​ត្រូវ​មែន​អត់​?

ពណ៌​បៃតង ៖ ធម្មជាតិ

ពណ៌​ក្រហម​ ៖ ធម្មជាតិ​លាយ​គីមី

ពណ៌​ខ្មៅ ៖ គីមី​សុទ្ធ

ពណ៌​ខៀវ ៖​ ធម្មជាតិ​លាយ​ថ្នាំ

តើ​ព័ត៌មាន​នេះ​ពិត​ និង​ត្រឹម​ត្រូវ​មែន​អត់​? ការ​ពិត​ទៅ​វា​មិន​មែន​ជា​ការ​ពិត​នោះ​ទេ​ ប្រអប់​ការ៉េ​ពណ៌​ដែល​មាន​ជាប់​នៅ​ចុង​នៃ​បំពង​នោះ​គឺ​គ្រាន់​តែ​ជា​ការ​សម្គាល់​អំពី​ដំណើរ​ការ​នៃ​ការ​ផលិត​របស់​ថ្នាំ​ដុស​ធ្មេញ​តែ​ប៉ុណ្ណោះ។ ការ​បោះពុម្ព​នៃ​ពណ៌​ដែល​គេ​ហៅ​ថា​​ « Eyemarks ឬ Color marks » ដែល​​អាច​ឲ្យ​ឧបករណ៍​ចាប់​សញ្ញា​ពន្លឺ (​ light beam sensors ) ដឹង​ថា​គួរ​កាត់ ឬ បត់ ខណៈ​ពេល​វេច​ខ្ចប់។ ចង់ដឹង​ពី​គ្រឿង​ផ្សំ​របស់​ថ្នាំ​ដុស​ធ្មេញ​ច្បាស់​ថា​ធម្មជាតិ ឬ​គីមី គួរ​តែពិនិត្យ​​នៅ​ខាង​ក្រោយ​បំពង់​ថ្នាំ​ដុសធ្មេញ​នោះ​ទើប​ដឹង​ច្បាស់​។

ប្រភព​ ៖  http://www.snopes.com

អត្ថបទ ៖ ដាលីន​