ខ្សែរ៉តប៊ូស្រា វែងជាងគេបំផុតនៅកម្ពុជា ធ្វើឲ្យអ្នកជិះរន្ធត់ រំភើបរីករាយខ្លាំង

2017-03-02 05:30:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែរ៉តនៅរមណីយដ្ឋានប៊ូស្រា ជាខ្សែរ៉តដែលវែងជាងគេបំផុតនៅប្រទេសកម្ពុជា និងជាខ្សែរ៉តខ្ពស់ជាងគេបំផុតមួយនៅអាស៊ី ដែលធ្វើឲ្យអ្នកជិះកម្សាន្ត ទទួលបានអារម្មណ៍ភ័យរន្ធត់ លាយឡំនឹងអារម្មណ៍រំភើបសប្បាយរីករាយយ៉ាងខ្លាំង។

ខ្សែរ៉តនេះ តផ្ជាប់ដើមឈើ៩ដើម មានខ្សែ៦ ស្ពានយោលលើអាកាសកម្ពស់ជាង៣០ម៉ែត្រ១ និងមានខ្សែភ្លោះ (Honey Moon Zipline) ផងដែរ។ ជាធម្មតា ភ្ញៀវអាចជិះគ្នាច្រើនបំផុតម្តងបាន ៩នាក់ លេងរយៈពេលប្រហែល២ម៉ោង ប៉ុន្តែបើគ្នាតិចជាងនេះ និងត្រូវប្រើពេលតិចជាងទៅតាមហ្នឹងដែរ។ ខ្សែរ៉តប៊ូស្រា សាងសង់ឡើងដោយវិស្វករបរទេស ខណៈដែលក្រុមហ៊ុនមានបទពិសោធន៍ជាង២៥ឆ្នាំ ហើយភ្ញៀវដែលមកលេងកម្សាន្តគឺ ធានាសុវត្ថិភាព១០០%។

ខ្សែរ៉ត Mayura Zipline នៅទឹកជ្រោះប៊ូស្រា ស្ថិតនៅស្រុកពេជ្រាដា មានចម្ងាយ៣៨គីឡូម៉ែត្រ ពីទីក្រុងសែនមនោរម្យ ខេត្តមណ្ឌលគិរី ខណៈដែលបច្ចុប្បន្នផ្លូវធ្វើដំណើរទៅទីនោះគឺល្អស្អាត ដោយក្រាលកៅស៊ូសុទ្ធតែម្តង បើជិះរថយន្តចំណាយពេលមិនដល់១ម៉ោងនោះទេ៕