ជ្រមុជទឹកមើលបាតសមុទ្រនៅកម្ពុជា

2017-03-19 10:06:36
ចំនួនមតិ 0 | ចំនួនចែករំលែក 0

ចន្លោះមិនឃើញ

បទពិសោធន៍ថ្មីមួយនេះ ត្រូវបាននាំមកជូនដោយ Scuba Nation ដែលផ្ដល់សិទ្ធិដល់PADY 5 Stars Dive Center ប្រចាំកម្ពុជាទទួលសិទ្ធិរៀបចំដំណើរកំសាន្ដផ្ដល់បទ ពិសោធន៍មុជទៅបាតសមុទ្រមុនគេបង្អស់នៅកម្ពុជាតាំងពី ២០០២ មកម្លេះ។

អ្នកមិនដែលធ្លាប់សាកល្បងកុំភ័យ ព្រោះក្រុមការងារមានអ្នកចាំបង្រៀន ចំណែកឯតម្លៃគឺ ៤៥ ដុល្លារ ហាត់រៀនក្នុងអាងហែលទឹក បើចំណាយ ៩០ ដុល្លារ អនុវត្តផ្ទាល់ក្នុងសមុទ្រ។

រាល់ការជ្រើសរើសយកកញ្ចប់ដំណើរកម្សាន្ដជ្រមុជ ទឹកណាមួយ ភ្ញៀវទាំងអស់ត្រូវឆ្លងកាត់ការពិនិត្យនិង ពិគ្រោះយោបល់ពីបញ្ហាសុខភាព។ ធ្វើបែបនេះគឺដើម្បី ផ្ដល់ទំនុកចិត្តដល់ភ្ញៀវទាំងអស់កុំឱ្យមានការព្រួយបារម្ភពី រឿងគ្រោះថ្នាក់ផ្សេងៗ។

ករណីអ្នកចេះស្រាប់ សម្រាប់ដំណើរកម្សាន្តមួយថ្ងៃ ក្រុមហ៊ុនគិតតម្លៃ ៩៥ ដុល្លារចាប់ពីព្រឹកដល់ល្ងាច រួម ទាំងបម្រើអាហារ២ ពេលនិងឧបករណ៍ជ្រមុជទឹក ដោយមិនគិតថ្លៃ។ តែបើទៅកំសាន្ដមួយថ្ងៃមួយយប់ គឺ តម្លៃ២២០ ដុល្លារគិតទាំងថ្លៃអាហារ ការស្នាក់នៅលើ ទូក និងថ្លៃឧបករណ៍ ក្នុងនោះក៏មាន Instructor នៅចាំជួយ និងប្រចាំការក្បែរអ្នកជានិច្ចផងដែរ។

តំបន់ដែលអ្នកត្រូវទៅកម្សាន្ដដើម្បីមើលធនធាន ធម្មជាតិក្នុងសមុទ្រមានដូចជា កោះរ៉ុង កោះរ៉ុងសន្លឹម កោះតាំង និងកោះព្រីន។ ពេលវេលាដែលអាចមើល ធម្មជាតិបាតសមុទ្រល្អបំផុតគឺចាប់ពីខែ វិច្ឆិកា រហូត ដល់ខែមេសា។ ចន្លោះពេលនេះ អាកាសធាតុមាត់ សមុទ្រមានពន្លឺព្រះអាទិត្យជះពន្លឺខ្លាំង ដែលអាចធ្វើ ឱ្យអ្នកមុជទឹកមើលឃើញធនធានបាតសមុទ្រយ៉ាង ហោចណាស់ ១០ ម៉ែត្រពីលើផ្ទៃទឹក។