ឈប់បារម្ភថាដៃគ្រើមរឹងមិនស្អាតទៀត
- 2017-04-06 01:40:13
- ចំនួនមតិ 0 | ចំនួនចែករំលែក 0
ឈប់បារម្ភថាដៃគ្រើមរឹងមិនស្អាតទៀត
ចន្លោះមិនឃើញ
ទោះបីជាអ្នកធ្វើកិច្ចការផ្ទះប្រចាំថ្ងៃដូចជាលាងចាន បោកខោអាវ ឬធ្វើការធ្ងន់ក៏ដោយ អ្នកនៅតែអាចមានម្រាមដៃស្អាតស្រឡូន ហើយមានសំណើមដូចធម្មតាអ៊ីចឹង។ ខាងក្រោមនេះជាវិធីក្នុងការថែរក្សាប្រអប់ដៃនិងម្រាមដៃឲ្យទន់រលោងក៏ដូចជាកែខៃប្រអប់ដៃដែលគ្រើមរបកស្បែក មិនស្អាតឲ្យល្អប្រសើរឡើងវិញ។
១ កុំប្រើសាប៊ូលាងដៃ៖
គួរប្រើទឹកលាងដៃដែលផ្តល់សំណើមដល់ដៃជំនួសសាប៊ូធម្មតា ព្រោះនៅក្នុងសប៊ូទាំងនោះមានផ្ទុកនូវសារជាតិក្លិន និងសារជាតិជាច្រើនទៀតដែលមិនត្រឹមតែលាងជម្រះមេរោគទេ ថែមទាំងធ្វើឲ្យស្បែកដៃស្ងួតលើសពីការស្មានទៅទៀត។
២ គួរមានផលិតផលប្រេងដូងធម្មជាតិសម្រាប់ថែរក្សាស្បែក៖
មិនថាទៅទីណា ឬ លាងចាន បោកខោអាវនោះទេ ពេលដែលបញ្ចប់កិច្ចការត្រូវតែឆាប់ប្រញាប់លាបប្រេងដូងនោះដើម្បីរក្សាសំណើមដល់ដៃជានិច្ច។
៣ គួរកុំប្រើម៉ាស៊ីនសម្ងួតដៃ៖
គួរតែប្រើក្រដាសអនាម័យពេលចេញពីបន្ទប់ទឹក ឬ ទុកឲ្យដៃស្ងួតដោយខ្លួនឯងហើយលាបឡេផ្តល់សំណើមដល់ស្បែកដៃភ្លាម។
៤ ប្រើស្រូវសាឡី៖
អាចប្រើស្រូវសាឡីលាយជាមួយប្រេងអូលីវក្តៅៗនៅក្នុងចានដែកដាក់ទឹកក្តៅឧណ្ហៗ រូចត្រាំដៃរយៈពេល ១៥ទៅ២០នាទី។
៥ គួរប្រើស្រោមដៃពេលគេង៖
អាចលាបឡេដែលផ្តល់សំណើមខ្ពស់សម្រាប់ស្បែកដៃ ឬ ប្រេងដូងធម្មជាតិរួចពាក់ស្រោមដៃគេងតែម្តង។
អត្ថបទ៖ និតា
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
