តិចនិចសម្រាប់អ្នកដែលមានកម្ពស់មិនសូវបាន លែងបារម្ភថាថតរូបឃើញទាបហើយ

2017-05-08 02:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់អ្នកកើតមកមានកម្ពស់មិនសូវបាន ពេលថតរូបម្ដងៗរៀងពិបាក ព្រោះបើកាច់ស្ទាយ៍ ឬកាន់ Camera អត់ត្រូវ នោះនឹងឃើញកាន់តែទាបមួយកម្រិតទៀត។ វិធីខាងក្រោមនេះនឹងជួយមិត្តៗយុវវ័យឲ្យថតទៅឃើញខ្ពស់ស្អាតដូចតារាម៉ូដែលតែម្ដង។

ការដាក់កាម៉ារ៉ាឲ្យទាបជាងខ្លួន

វិធីមួយនេះមានប្រសិទ្ធភាពពិតមែន ដោយគ្រាន់តែឲ្យអ្នកកាន់កាម៉ារ៉ាកាន់ឲ្យទាបជាងខ្លួនអ្នកបន្តិច នោះនឹងជួយធ្វើឲ្យដងខ្លួន និងជើងរបស់អ្នកវែងជាងធម្មតា។

របៀបឈរពាត់ជើង

បើអ្នកឈរថតដាក់ជើងត្រង់ភ្លឹង នោះនឹងធ្វើឲ្យអ្នកមើលទៅទាប មិនស្រលូន តែបើកាច់ស្ទាយ៍ឈរពាត់ជើង ឬបោះជើងមួយមកមុខតែបន្តិច ដឹងតែអស់ទាស់តែម្ដង។

តិចនិចឈរចង្អើតជើង

នេះសម្រាប់ពេលដែលអ្នកត្រូវថតជាក្រុមជាមួយអ្នកដែលមានកម្ពស់ខ្ពស់ជាងអ្នក គួរតែមានទិចនិចបន្តិចឈរយ៉ាងណានៅពេលដែរថតរូបទៅកុំឱ្យមើលទៅខ្លួនអ្នកទាបជាងគេ ដូច្នេះអ្នកអាចចង្អើតជើងបន្តិច ហើយបើអាចសុំអោយគេថតត្រឹមមួយកំណាត់ខ្លួនក៏កាន់តែប្រសើរ ដើម្បីកុំឲ្យគេចាប់បានថាយើងខ្ពស់ដោយសារចង្អើត។

ការថតតែមួយតួខ្លួន

នៅពេលដែលអ្នកថតតែមួយតួខ្លួន នោះនឹងអាចថ្ពឹនភ្នែកអ្នកមើលរូបថតថាអ្នកមានកម្ពស់ខ្ពស់ពីធម្មជាតិ។

ឈរឱ្យត្រង់ខ្លួន

ឈរថតរូបពេលខ្លះអាចភ្លេចខ្លួន ក៏ឈររៀងកោង មិនបើកស្មាឱ្យអស់ នេះហើយគឺជាចំណុចមួយទៀតដែលធ្វើឱ្យរូបរាងក្នុងរូបថតរបស់អ្នកមើលទៅតូចទាប មិនខ្ពស់ស្រលះដូចគេ។ ដូច្នេះលើកក្រោយពេលថតរូប កុំភ្លេចរៀបឫកឈរឱ្យត្រង់ខ្លួនផងណា!