មិនថាអ្នកស្ថិតនៅក្នុងវ័យណានោះទេ ឲ្យតែដល់ថ្ងៃខួបកំណើត យ៉ាងហោចណាស់ក៏អ្នកមានអារម្មណ៍រៀងពិសេសបន្តិចដែរ។ មួយវិញទៀត ក្នុងថ្ងៃខួបកំណើត មនុស្សភាគច្រើនមិនសូវមានគម្រោងសម្រាប់ខ្លួនឯងនោះទេ ព្រោះរំពឹងថានឹងមានគេចាំ​ពង្ញាក់ និងរៀបគម្រោងពិសេសៗឱ្យ​។ ចំនុចខាងក្រោមនេះអាចនឹងផ្លាស់ប្ដូរការគិតរបស់អ្នកថានឹងគួរធ្វើអ្វីខ្លះនៅថ្ងៃខួបកំណើត។

  ១ ចាប់ផ្តើមថ្ងៃពិសេសដោយការស្រលាញ់ខ្លួនឯង

នៅពេលភ្ញាក់ពីគេងនៅពេល​ព្រឹក​​ព្រលឹម កុំទាន់បើក​ទូរស័ព្ទ កុំព្យូទ័រ ឬ​ប្រព័ន្ធ​ទាក់ទងណាទំាងអស់ តែអ្នកគួរស្ដាប់ពីសូរសំលេងនៃការដកដង្ហើមរបស់អ្នក រដោះនូវភាពអវិជ្ជមាន និងស្រូបយកនូវភាពវិជ្ជមាន និងក្ដីស្រលាញ់សម្រាប់ខ្លួនឯង។

២ ធ្វើអំពើ​សប្បុរស

អំពើសប្បុរសនោះរួមមានការ​បរិច្ចាគ​ឈាម ឬផ្តល់ជា​សម្ភារៈ​ប្រើប្រាស់ទៅជនចាស់ជរា​ ក្មេងកំព្រា និងជនក្រីក្រ។

៣ នឹកដល់ម៉ាក់

អ្នកខ្លះនៅពេលដែលដល់ថ្ងៃខួបកំណើត គិតតែការសប្បាយផ្ទាល់ខ្លួន មិនបាននឹករលឹកដល់អ្នកមានគុណ ជាពិសេសអ្នកម៉ាក់ដែលបានឆ្លងទន្លេយ៉ាងលំបាកដើម្បីបង្កើតយើងចេញមក។

៤ ទិញកាដូឱ្យ​ខ្លួនឯង

អាច​ឆ្លៀត​ឱកាស​ពិសេសនេះដើម្បីទិញកាដូសម្រាប់ខ្លួនឯង ដែលអ្នកបានប៉ងទុកជាយូរណាស់មកហើយ។

៥ ញុំានំខេកជាអាហារពេលព្រឹក

មិនងាយទេដែលសុខៗមានឱកាសទៅ​កុម្ម៉ង់​នំខេកជាអាហារពេលព្រឹក។ តែកុំ​ច្រលំ​ថាជានំខេកធំៗណា អាចជានំខេក១ចំនិតតូចដែលមានលក់នៅគ្រប់ហាងកាហ្វេយើងនេះឯង។

ទៅធ្វើអីដដែលៗក្នុងថ្ងៃខួបកំណើតធ្វើអី មកសាកអី្វដែលប្លែកម្ដងមើល៍ថាល្អប៉ុណ្ណា!