ហាងកាហ្វេថ្មីមួយទៀត លេងដេគ័រសុទ្ធតែដើមឈើ បើកលក់ផ្លូវការ ថ្ងៃអាទិត្យនេះ

2017-06-09 10:38:55
ចំនួនមតិ 0 | ចំនួនចែករំលែក 0

ចន្លោះមិនឃើញ

The Jungle Café Cambodia ហាងកាហ្វេថ្មីមួយទៀតដែលលេងដេគ័របែបធម្មជាតិហ៊ុមព័ទ្ធជុំវិញហាងដោយដើមឈើបៃតង នឹងចាប់ផ្ដើមបើកសម្ពោធលក់ជាផ្លូវការនៅថ្ងៃអាទិត្យ ទី១១ មិថុនា នេះហើយ។

លក្ខណៈពិសេសនៃហាងថ្មីមួយនេះ គឺបៃតង ហើយបរិយាកាសស្ងប់ស្ងាត់ល្អត្រូវប៉ាន់សម្រាប់សិស្ស និស្សិត និងអ្នកធ្វើការ។

អ្នកស្រី រ៉េត ណាវី ស្ថាបនិក The Jungle Café Cambodia និយាយថា៖ "ទីផ្សារកម្ពុជានៅតែមានចន្លោះ និងឱកាសច្រើនសម្រាប់បង្កើតអាជីវកម្មហាងកាហ្វេ ទើបបងចង់បើកហាងដែលធ្វើឲ្យភ្ញៀវមានអារម្មណ៍ធូរស្បើយ នៅពេលសម្រាកពីការងារ។ បងចូលចិត្តធម្មជាតិ វាតែងធ្វើឲ្យបងមានអារម្មណ៍ល្អ អ៊ីចឹងបានជាបងតុបតែងហាងនៅក្នុងបរិយាកាសមួយបែបធម្មជាតិពិតៗ"។

ហាងកាហ្វេដែលជាការសហការរួមរវាងក្រុមហ៊ុនកាហ្វេល្បីឈ្មោះនៅថៃ និងសិង្ហបុរីមួយនេះ ទើបដំណើរការកាលពីចុងខែឧសភា នឹងផ្ដល់ជូនកាហេ្វឥតគិតថ្លៃសម្រាប់អតិថិជន ៥០ នាក់ដំបូង ចាប់ពីម៉ោង ៩ ព្រឹកតទៅ។ អតិថិជនបន្ទាប់ នឹងទទួលបានការផ្ដល់ជូនពិសេស ទិញ១ថែម១ ពេញមួយថ្ងៃ។

The Jungle Café Cambodia មានទីតាំងនៅផ្ទះលេខ ១៤ ផ្លូវ ១០១១ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ សម្រាប់ព័ត៌មានបន្ថែម សូមចូលផេកហ្វេសប៊ុក Jungle Cafe Cambodia ៕