ទឹកឃ្មុំត្រូវបានគេចាត់ទុកថាជាទឹកស្ករធម្មជាតិដែលមានគុណតម្លៃ​ចំពោះ​សុខភាព តែមិនសូវជាមានការចាប់អារម្មណ៍​ប៉ុន្មាន​ទេ​ថា ទឹកឃ្មុំ​អាចធ្វើអ្វីដែលលើសពីល្អចំពោះសុខភាពស្បែក។ រាល់​ដំណើរការនៃការក្រេបលំអងផ្កា និងជ័ររុក្ខជាតិ ដែលសំបូរទៅដោយសារធាតុចិញ្ចឹមមកផលិតជាទឹកឃ្មុំនៅក្នុងសំបុករដ៏អស្ចារ្យដែលអាចជួយផ្តល់សំណើម ការពារភាពចាស់ ប្រឆាំងនឹងបាក់តេរី ប្រឆាំងនឹងអុកស៊ីតកម្មនិងមានមុខងារព្យាបាលទៀតផង។ ហើយយើងអាចទាញយកគុណប្រយោជន៍ទាំងនេះតាមបែបធម្មជាតិបានយ៉ាងងាយ។​

១ សម្អាត​រន្ធ​ញើស អង់ស៊ីមនៅក្នុងទឹកឃ្មុំអាចសម្អាត​ស្បែកនិងរន្ធញើសបានល្អបំផុត។ ជាពិសេសគឺវាមានសមត្ថភាពប្រឆាំងជាមួយបាក់តេរីបានយ៉ាងល្អ បើលាយវាជាមួយប្រេងដូងវានឹងមានប្រសិទ្ធភាពកាន់តែខ្ពស់ដើម្បីការពារកុំឲ្យមានការកើនឡើងនៃពពួកបាក់តេរីនៅលើមុខដែលជាពពួកធ្វើឲ្យស្បែកមានការខូចខាត។

វិធីធ្វើ៖ លាយទឹកឃ្មុំមួយស្លាបព្រាកាហ្វេជាមួយនឹងប្រេងដូងឲ្យសព្វ ហើយយកមកលាបលើមុខ និងម៉ាស្សាថ្នមៗ​តាមចលនាជារង្វង់ ជៀសវាងកុំឲ្យចូលភ្នែកបន្ទាប់មកលាងទឹកចេញជាមួយទឹកក្តៅឧណ្ណៗ។

២ ប្រឆាំងនឹងអុកស៊ីតកម្ម

ទឹកឃ្មុំសំបូរទៅដោយអង់ស៊ីមដែលប្រឆាំងនឹងអុកស៊ីតកម្ម សារធាតុចិញ្ចឹមផ្សេងៗទៀតដែលអាចការពារភាពចាស់ ដោយជំរុះចោលនូវ​កោសិកា​ងាប់​ចាស់ៗ​ ហើយ​ពន្លឿន​ការបង្កើតកោសិកាថ្មីដែលធ្វើឲ្យស្បែកស្រស់ថ្លា។

**វីធីធ្វើ៖**ទឹកឃ្មុំមួយស្លាបព្រាកាហ្វេលាយជាមួយ​ម្សៅសូដាមួយស្លាបព្រាកាហ្វេ​ឲ្យ​ទៅ​ជា​ភក់​ៗ ហើយយកវាទៅលាបលើមុខសើមៗ ហើយម៉ាស្សាតាមចលនាជារង្វង់ បន្ទាប់មកលាងសម្អាត​ផ្ទៃមុខ។

៣ បំបាត់ស្នាម

ក្រៅពីធ្វើឲ្យស្បែកស ហើយទឹកឃ្មុំក៏ប្រឆាំងជាមួយការរលាកពីបាក់តេរី(ឡើងក្រហមនិងក្តៅមុខ) បានយ៉ាងល្អ ពោលគឺវាមានតួនាទីព្យាបាល លើសពីនេះការចូលរួមពន្លឿនការបង្កើតកោសិកាថ្មីនេះហើយដែលទឹកឃ្មុំអាចព្យាបាល​មុខស្នាមបាន។ ដើម្បីបង្កើតប្រសិទ្ធភាពការលាយទឹកឃ្មុំ នឹងប្រេងដូង ឬ​ប្រេងអូលីវស្បែកត្រលប់មកមានសុខភាពល្អយ៉ាងប្រសើរបំផុត។​

វិធីធ្វើ៖ លាយទឹកឃ្មុំមួយស្លាបព្រាកាហ្វេជាមួយនឹងប្រេងដូងឬប្រេងអូលីវមួយស្លាបព្រាកាហ្វេ ហើយយកល្បាយទៅលាបលើស្នាមសន្លាក រួចម៉ាស្សាវាតាមចលនារង្វង់នឹងចុងម្រាមដៃប្រហែល២នាទី  ហើយយកក្រណាត់ស្អាតជ្រលក់ទឹកក្តៅមកបិតពីលើរហូតដល់ក្រណាត់ ត្រជាក់។ ព្យាយាមធ្វើរាល់ថ្ងៃនឹងឃើញលទ្ធផល។​

៤ ព្យាបាលមុន

មុខអារប្រឆាំងបាក់តេរី ផ្សិត​ ការរលាកនេះហើយ ដែលជួយព្យាបាលមុន ការឡើងក្រហម​និងការរំខានផ្សេងៗលើមុខនោះ។

វិធីធ្វើ៖ បន្តក់ទឹកឃ្មុំសុទ្ធនៅលើមុន ទុកចោល១៥នាទីហើយលាងមុខនឹងទឹកក្តៅឧណ្ណៗ។

៥ ព្យាបាលការរលាកដោយកំដៅថ្ងៃ

ទឹកឃ្មុំអាចទាញទឹកពីបរិយាកាសខាងក្រៅ និងរក្សាទឹកក្នុងស្រទាប់ស្បែកបានយូរដែលធ្វើឲ្យស្បែកមានសំណើមហើយ​ធន់នឹងកំដៅថ្ងៃ។ ប្រទាលកន្ទុយក្រពើនិង ទឹកឃ្មុំធ្វើការជាមួយគ្នាយ៉ាងល្អផ្តល់សំណើមនិងភាពត្រជាក់ ប្រឆាំងនិងការរលាកដោយកម្តៅថ្ងៃ។

វិធីធ្វើ​៖ លាយទឹកឃ្មុំមួយភាគជាមួយសាច់ប្រទាលកន្ទុយក្រពើពីរភាគ​ ហើយលាបលើ​កន្លែង​ដែល​រលាក​ដោយ​កំដៅ​ថ្ងៃ។