ធ្លាប់តែលឺគេនិយាយថា គេងអាក្រាតត្រជាក់ស្រួល។ មើលទៅដូចជាត្រឹមត្រូវដែរ ប៉ុន្តែការគេងដោយមិនមានសម្លៀកបំពាក់ អាចមានអត្ថប្រយោជន៍ជាងហ្នឹងមើលទៅ។ ដូចនេះថ្ងៃនេះ សប្បាយដើរ សូមរៀបរាប់ពីហេតុផលទាំង៩ ដែលអ្នកគួរតែគេងដោយមិនមានសម្លៀកបំពាក់!

១. គេងលក់ស្កប់ស្កល់

ការដេកស្រាតអាចធ្វើឲ្យស្បែករបស់អ្នកត្រជាក់ និងការពារអ្នកពីការឡើងកំដៅខ្លាំង។ ដូច្នេះការគេងរបស់អ្នកកាន់តែស្កប់ស្កល់ជាងមុន។

២. មានអារម្មណ៍សប្បាយរីករាយ

វាធ្វើឲ្យអ្នកមានអារម្មណ៍ល្អនៅពេលដែលគ្មានអ្វីរារាំងកាយវិការរបស់អ្នក មិនដូចនៅពេលដែលមានខោអាវ ដែលដូចជាក្រណាត់រុំខ្លូនរបស់អ្នកជាប់នោះទេ។

៣. ធ្វើឲ្យស្បែក និងសក់កាន់តែស្រស់ស្អាត

ការគេងលក់ស្កប់ស្កល់អាចជួយឲ្យរាងកាយរបស់អ្នកផលិតអរម៉ូនលូតលាស់បានយ៉ាងសកម្ម។ ការដេកអាក្រាតកាយក៏មានអត្ថប្រយោជន៍ដល់ក្រពេញ Sebaceous របស់អ្នកដែរ ព្រោះស្បែកអាចដកដង្ហើម ហើយមិនឡើងកំដៅ។

៤. បញ្ឈប់ការឡើងទម្ងន់ និងធ្វើឲ្យលូតលាស់សាច់ដុំ

ធ្វើឲ្យអរម៉ូនលូតលាស់របស់មនុស្ស (HGH) កើនឡើង ដូចជាសាច់ដុំ និងអាចចូលរួមនៅក្នុងដំណើរការដុតខ្លាញ់ជាដើម។

៥. បន្ថយភាពតានតឹង

ការដេកអាក្រាតនៅសីតុណ្ហភាពមិនក្ដៅ ហើយក៏មិនត្រជាក់អាចជួយឲ្យរាងកាយរបស់អ្នកបន្ថយកម្រិត Cortisol ដែលជាអរម៉ូនស្ត្រេស។

៦. ទំនាក់ទំនងល្អជាមួយដៃគូកាន់តែល្អ

ការប៉ះស្បែកទៅនឹងស្បែកបង្កើនការបញ្ចេញអុកស៊ីតូស៊ីន និងមានអត្ថប្រយោជន៍ដល់គូស្វាមីភរិយាដែលធ្វើឲ្យពួកគេ ពោពេញដោយក្ដីស្រឡាញ់។ ប្រសិនបើអ្នកគេងទាំងអាក្រាតកាយ អ្នកអាចបង្កើតទំនាក់ទំនងមនោសញ្ចេតនា និងទំនុកចិត្តជាងមុន។

៧.បង្កើនទំនុកចិត្ត

ប្រសិនបើអ្នកមានទំនុកចិត្តលើខ្លួនឯងនៅពេលអាក្រាត អ្នកនឹងមានទំនុកចិត្តលើសម្លៀកបំពាក់ដែលអ្នកពាក់ដូចគ្នាដែរ។

៨. ធ្វើឲ្យចរាចរឈាមដើរល្អប្រសើរជាងមុន

ខោអាវខ្លះរបស់អ្នកអាចធ្វើឲ្យរាំងស្ទះផ្នែកខ្លះនៃប្រព័ន្ធសរសៃឈាម។ ដូចនេះ ដេកអាក្រាតល្អបំផុតសម្រាប់ប្រព័ន្ធសរសៃឈាម។

៩. គ្មានពាក្យថា គេងមិនលក់ទេ

សម្បីតែវេជ្ជបណ្ឌិតក៏ំណែនាំថា ការគេងដោយគ្មានខោអាវអាចធ្វើឲ្យជៀសផុតពីការគេងមិនលក់។