សម្រាប់​អ្នក​ដែល​ចូល​ចិត្ត​ទៅ​លេង​កន្លែង​កម្សាន្ត​បែប​រ៉ូមែនទិច ស្ងប់ស្ងាត់ និង​ស្រូប​យក​ខ្យល់​បរិយាកាស​បែប​ធម្មជាតិៗ ហើយ​ស្រស់​ស្រាយ និង​សម្រាប់​គូ​ស្នេហ៍​ដែល​ទើប​តែ​រៀប​អាពាហ៍ពិពាហ៍​ហើយ​ថ្មី​ៗ​ ប្រាកដជាចង់នៅរមីយដ្ឋាននេះជាមិនខាន គឺ Veranda Natural Resort ដែលស្ថិតនៅក្នុងខេត្តកែប។ វាពោរពេញទៅដោយធម្មជាតិ និងមានកូនផ្ទះតូចៗ សាងសង់ឡើងដោយឫស្សី និងថ្មយ៉ាងស្រស់ស្អាត ដែលធ្វើឲ្យកន្លែងនេះក្លាយទៅជាកន្លែងដែលមិនអាចបំភ្លេចបានសម្រាប់ការសម្រាកពីការងារ។

Veranda Natural Resort មានចម្ងាយ១,៥គីឡូម៉ែត្រពីឆ្នេរសមុទ្រ ហើយមានចម្ងាយ១២គីឡូម៉ែត្រពីស្ថានីយ៍រថភ្លើងសាធារណៈរបស់ខេត្តកំពត។ ​​​ នៅទីនោះ មានផ្តល់ជូនលោកអ្នកនូវទេសភាពសមុទ្រយ៉ាងស្រស់ស្អាត ជាមួយនឹងភោជនីយដ្ឋានដែលបើកបម្រើអាហារបែបលោកខាងលិច និងអាស៊ី។ វាក៏មានលក្ខណៈពិសេសត្រង់អាហារសមុទ្រស្រស់ផងដែរ។ តម្លៃបន្ទប់ក្នុងមួយយប់ ចាប់ពី៨២,៥ដុល្លារឡើងទៅ។ តោះ ចាំអង្កាល់ទៀត?

អាសយដ្ឋាន៖ ផ្លូវកែប ហ៊ីលលីងថល ខេត្តកែប

លេខទំនាក់ទំនង៖ ០១២ ៨៨៨ ៦១៩