ម្ហូបបម្រុងងាយៗធ្វើសម្រាប់អ្នកដាច់យ៉ៃ
- 2017-10-14 00:10:00
- ចំនួនមតិ 0 | ចំនួនចែករំលែក 0
ម្ហូបបម្រុងងាយៗធ្វើសម្រាប់អ្នកដាច់យ៉ៃ
ចន្លោះមិនឃើញ
ពេលខ្លះសម្រាប់អ្នកដែរនៅផ្ទះម្នាក់ឯង ប្រាកដជាមានអារម្មណ៍ថាធុញថប់ មិនចង់ទៅណា ជាពិសេសនៅពេលឈឺ ឬក៏ដាច់ពេលលុយ។ តើយើងគួរធ្វើយ៉ាងដូចម្ដេច អាចមានអាហារញ៉ាំប្រសិនបើយើងនៅក្នុងកាលៈទេសៈបែបនេះ? ថ្ងៃនេះ សប្បាយដើរ សូមណែនាំអាហារបម្រុងស្រួលៗ ចំណាយពេលតិច ថវិកាតិច ហើយអាចញ៉ាំបានយូរ ។ នោះគឺជាពងទារប្រៃ ។
វត្ថុធាតុដើម មានដូចជា ៖
-ពងទាធម្មតា ៣០គ្រាប់(អាចដាក់តាមតម្រូវការ)
-អំបិលគ្រួស ( កុំប្រើអំបិលម៉ត់) ១ចានចង្កឹះ
-ក្រឡជ័រសម្រាប់ត្រាំ (ល្មមអាចដាក់ពងទាបាន៣០គ្រាប់)
វិធីធ្វើ៖
ដំបូងលាងពងទាឲ្យបានស្អាត ដាក់ឲ្យស្រស់ទឹក ទុកមួយឡែក ។ បន្ទាប់មកដាក់ឆ្នាំងដាំទឹក (ប្រហែល ៤លីត្រ) ឲ្យពុះ រួចដាក់អំបិលគ្រួសចូល កូរឲ្យរលាយអស់ រួចបិទភ្លើងទុកឲ្យត្រជាក់។
ចាប់ផ្ដើមរៀបពងទាដាក់ចូលក្នុងក្រឡជ័រឲ្យបានល្អ ហើយយកទឹកអំបិលដែលទុកឲ្យត្រជាក់នោះមកចាក់ចូលក្នុងក្រឡពងទា ហើយរកកូនចានមួយមកសង្កត់ពងទានោះឲ្យលិចក្នុងទឹកអំបិល រួចគ្របគម្រប់ក្រឡជាការស្រេច។ ពងទាប្រៃដែលឆ្ងាញ់ល្មម គឺក្រោយពេលត្រាំ បានរយៈពេល ២០ថ្ងៃ( គិតចាប់ពីថ្ងៃដាក់ត្រាំ)។ ជាពិសេសពងទាប្រៃញ៉ាំឆ្ងាញ់ជាមួយនឹងបបរស។
កំណត់ចំណាំ ៖ ក្រោយត្រាំបានរយៈពេល២០ថ្ងៃហើយ ស្រង់ពងទានោះចេញពីទឹកអំបិល ហើយលាងទឹកធម្មតា បន្ទាប់មកអាចរៀបដាក់ទុកក្នុងប្រអប់យកដាក់ក្នុងទូរទឹកកកបាន( អាចទុកបានរាប់ខែ)។
អត្ថបទ៖ chanvutha yin
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
