ចំណាយចាប់់ពី ៨ដុល្លារ មានឱកាសឈ្នះរង្វាន់សន្ធឹកសន្ធាប់ពី Domino's Pizza សាខាថ្មីទី ៧

2017-11-08 04:30:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ហាងដូមីណូភីហ្សា សាខាទី ៧ ចាប់បើកថ្មីនៅទីតាំងទួលគោក ទល់មុខ TK Avenue ជាមួយនឹងកម្មវិធីសម្ពោធបើកលក់ជាផ្លូវការនាថ្ងៃទី ០៧ ខែវិច្ឆិកា ឆ្នាំ ២០១៧ ក្រោមវត្តមានភ្ញៀវកិត្តិយស អ្នកសារព័ត៌មាន និងអតិថិជនយ៉ាងច្រើនកុះករ។

ដើម្បីអបអរឱកាសដ៏ពិសេសនេះ ហាងដូមីណូភីហ្សា ក៏បានរៀបចំកម្មវិធីចាប់ឆ្នោតផ្សងសំណាងជូនដល់អតិថិជនជាមួយនឹងរង្វាន់យ៉ាងច្រើនសន្ធឹកសន្ធាប់ រួមមានទូទឹកកកចំនួន ២ គ្រឿង ទូរទស្សន៍ ៣២ អ៊ីញ ចំនួន ២ គ្រឿង ម៉ាស៊ីនត្រជាក់ចំនួន ២ គ្រឿងម៉ាស៊ីនម៉ៃក្រូវ៉េវ ចំនួន ១ គ្រឿង កង្ហារចំហាយទឹកចំនួន ១ គ្រឿង និងកង្ហារបញ្ឈរចំនួន ២ គ្រឿង ដោយអតិថិជនគ្រាន់តែចំណាយចាប់ពី ៨ ឡើងទៅនៅដូមីណូភីហ្សា សាខាទួលគោក។

លោក ជី សិលា នាយកគ្រប់គ្រងរបស់ក្រុមហ៊ុនយីនកុកហ្វូដខប ដែលជាជាសម្ព័ន្ធក្រុមហ៊ុនទិញសិទ្ធិដូមីណូភីហ្សា មកបើកដំណើរការនៅប្រទេសកម្ពុជា បានថ្លែងឲ្យដឹងថា៖ "ក្នុងរយៈពេល ២ ឆ្នាំកន្លងមកនេះ យើងទទួលបានជោគជ័យយ៉ាងខ្លាំងចំពោះការបើកដំណើរការ ហាងដូមីណូភីហ្សាទាំង ៦ សាខានៅរាជធានីភ្នំពេញ ដោយទទួលបានការគាំទ្រយ៉ាងច្រើន ពីសំណាក់អតិថិជនទូទៅ ដែលចូលចិត្តទទួលទានភីហ្សារសជាតិដើមមកពីសហរដ្ឋអាមេរិក។

លោក ជី សិលា នាយកគ្រប់គ្រងរបស់ក្រុមហ៊ុនយីនកុកហ្វូដខប

នាយកគ្រប់គ្រងរបស់ក្រុមហ៊ុនយីនកុកហ្វូដខបខាងលើបន្ថែម៖ "ពួកយើងមានមោទនភាពក្នុងការបម្រើជូននូវភីហ្សារសជាតិឈ្ងុយឆ្ងាញ់ តម្លៃសមរម្យ គុណភាពខ្ពស់ អមដោយសេវាកម្មលំដាប់ផ្កាយ ៥។ ខ្ញុំជឿជាក់ថា ហាងដូមីណូភីហ្សា ជាពិសេសសាខាថ្មីនៅ TK Avenueនេះ នឹងបន្តទទូលបានការគាំទ្រពីសំណាក់អតិថិជនទាំងអស់ ព្រោះនេះជាទីតាំងមួយដែលពោរពេញដោយសក្តានុពលខ្ពស់ ប្រមូលផ្តុំដោយអាហារម៉ាកល្បីៗ និងស្ថិតនៅកណ្តាលក្រុង។ ទន្ទឹមនឹងនេះ ពួកយើងកំពុងតែបោះជំហានទៅរកការពង្រីកខ្លួនកាន់តែច្រើនឡើង ជាមួយនឹងគម្រោងបើកដំណើរការហាងសរុបចំនួន ២០ សាខាក្នុងឆ្នាំ ២០២០៕"