មើលទៅស្គមជាងមុនដោយគ្រាន់តែការស្លៀកពាក់

2017-11-26 02:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នាសម័យទំនើបបច្ចុប្បន្ននេះអ្នកមិនចាំបាច់ភ័យព្រួយរឿងរាងធាត់ពេកពាក់អីមិនស្អាតទេ។ បើទោះជាអ្នកមានរាងធាត់បន្តិចក៏ដោយក៏មិនអីដែរ។ បើអ្នកដឹងពីទិកនិកក្នុងការស្លៀកពាក់នោះអ្វីៗនឹងប្រសើរសម្រាប់អ្នក។

១.ការស្លៀកខោខៅបយពណ៌ខ្មៅ: វាជាវិធីដ៏ល្អមួយក្នុងការជៀសវាងការចាប់អារម្មណ៍។ ព្រោះបើអ្នកស្លៀកខោដែលមានរូបផ្សេងៗឬក៏មានពណ៌ស្រស់នោះវានឹងទាក់ទាញការចាប់អារម្មណ៍។

២.រ៉ូបរឹបរាង: ជាប្រភេទរ៉ូបដែលមានការពេញនិយមចំពោះរូបរាងទូទៅផងដែរ។ តែវាមានលក្ខណៈពិសេសជួយរំលេចចេញនូវរាងចង្កេះនិងផ្នែកកណ្ដាលនៃដងខ្លួន។

៣.សំលៀកបំពាក់ដែលមានឆ្នូតខ្មៅនៅចំហៀង: ការជ្រើសរើសសំលៀកបំពាក់ឆ្នូតខ្មៅនៅចំហៀងគឺជាវិធីដ៏មានប្រសិទ្ធភាពបំផុត។

៤.ស្លៀកពណ៌ខ្មៅទាំងអស់ពីក្បាលដល់ចុងជើង: ការស្លៀកពាក់ពណ៌ខ្មៅទាំងអស់បែបនេះគឺធ្វើឱ្យអ្វីៗមើលទៅឃើញវែងជាងមុនខ្លះ។ តែបើអ្នកសម្រេចចិត្តចង់បន្ថែមពណ៌ថែមទៀតនោះគួរតែប្រាកដថាកន្លែងដែលអ្នកចង់បិតបាំងគឺត្រូវបានបិតបាំងដោយពណ៌ខ្មៅ។

៥.ការស្លៀកខោដែលមានក្រឡាឆ្នូតៗពីលើចុះក្រោម: ការជ្រើសរើសវិធីនេះគឺពិតជាជួយឱ្យមើលឃើញជើងស្រឡូននិងជាហេតុធ្វើឱ្យមើលទៅស្គមជាងមុនផងដែរ។

៦.សំពត់រឹបវែងត្រឹមជង្គង់: សូមកុំគិតថាភាពធាត់ធ្វើឱ្យអ្នកមិនអាចស្លៀកសំពត់បាននោះ ប៉ុន្តែអ្នកគួរដឹងថាសំពត់ប្រភេទណាសាកសមនឹងអ្នក។ អ្នកគួរជ្រើសរើសយកសំពត់ដែលមានប្រវែងត្រឹមជង្គង់ព្រោះបើអ្នកជ្រើសរើសយកសំពត់ខ្លីប៉ោងវានឹងធ្វើឱ្យរាងរបស់អ្នកកាន់តែធំ។ ហើយបន្ថែមនូវស្បែកជើងកែងមានមុខស្រួចទៀតគឺកាន់តែប្រសើរ។