អ្នក​ប្រាកដ​ជា​ធ្លាប់​បាន​លឺ​ពី​តែ​បៃតង​ម៉ាឆា​​ (Matcha Green Tea) ហើយ​។ តែ​ប្រហែល​ជា​អ្នក​មិន​ទាន់​ដឹង​ពី​អត្ថប្រយោជន៍​របស់​តែ​បៃតង​ប្រភេទ​នេះ​ច្បាស់​នៅឡើយ​ទេ។

តែ​បៃតង​ម៉ាឆា​ (Matcha Green Tea) ​នេះ​ហើយ​ដែល​ជា​អាថ៌កំបាំង​នៃ​ភាព​សរ​ម៉ដ្ឋ​រលោង​របស់​ស្បែក​ជនជាតិ​ជប៉ុន។​ ដែល​សំខាន់​នោះ​គឺ​វា​មាន​ប្រយោជន៍​ជួយ​រាង​កាយ​មនុស្ស​យើង​ទាំង​មូល​ពី​ខាង​ក្នុង​តែម្ដង​​មិន​មែន​ដូច​ជា​ការ​ប្រើ​ផលិតផល​​លាប​ស្បែក​ឱ្យ​សរ​ដែល​ជួយ​បាន​មួយ​រយៈ​ពេល​ខ្លី​ប៉ុណ្ណោះ​ទេ។​

តែ​បៃតង​នេះ​​មាន​ការ​ពេញ​និយម​​យ៉ាង​ខ្លាំង​នៅ​​លើ​ទី​ផ្សា​ប្រទេស​ជប៉ុន​ដោយ​សារ​តែ​គេ​មាន​ទម្លាប់​ញ៉ាំ​វា​ហើយ​ក៏​បាន​ពិសោធន៍​ឃើញ​ពី​​អត្ថប្រយោជន៍​របស់​​ Matcha Green Tea នេះ​ដោយ​ខ្លួន​ឯង​។

១.ជំនួយ​ស្បែក​​​ និង​ពន្យារ​ភាព​ចាស់​ជ្រាវ​ជ្រួញ: វា​ពិត​ជា​ពិបាក​រក​ផលិតផល​ធម្មជាតិ​ណា​ដែល​មាន​សមត្ថភាព​ពន្យារ​ភាព​ចាស់​ជ្រាវ​ជ្រួញ​នៃ​ស្បែក​និង​មាន​ប្រយោជន៍​ដល់​សុខភាព​ក្នុង​ពេល​តែ​មួយ​ណាស់​។​ Matcha ជួយ​ការពារ​ស្បែក​ពី​ជំងឺ​ផ្សេង​ៗដែល​អាច​កើត​មាន​នៅ​លើ​ស្បែក​និង​ផល​អវិជ្ជមាន​នៃ​កម្ដៅ​ថ្ងៃ​ផង​ដែរ​។

២.សម្រួល​ដល់​ការ​បន្ទោបង់​:​ នៅ​ក្នុង​តែ​បៃតង​ម៉ាឆា​ (Matcha Green Tea) សំបូរ​ទៅ​ដោយ​ជាតិ​ហ្វាយប័រ​ (Fiber)​ ដែល​មាន​មុខ​ងារ​សំខាន់​ចំបង​សម្រួល​ដល់​ការ​បន្ទោបង់​។​

៣.កម្ចាត់​ជាតិ​ពុល​ក្នុង​ខ្លួន​: តែ​បៃតង​ Matcha សំបូរ​ទៅ​ដោយ​ជាតិ​ក្លរ៉ូហ្វីល​​ (​Chlorophyll) ដែល​ជា​ជាតិ​ពណ៌​បៃតង​របស់​រុក្ខជាតិ​​ហើយ​វា​មាន​មុខងារ​ជួយ​លាង​សម្អាត​ជាតិ​ពុល​នៅ​​ក្នុង​ឈាម​។​ ការពារ​ការ​ប្រឈម​នឹង​ជំងឺ​កក​ស្ទះ​សរសៃ​ឈាម​ផង​ដែរ។​

៤.សម្រួល​អារម្មណ៍: ការ​ទទួល​ទាន​តែ​បៃតង​ Matcha នឹង​ធ្វើ​ឱ្យ​មាន​អារម្មណ៍​​ល្អ​ជួយ​កាត់​បន្ថយ​ភាព​តាន​តឹង​ (Stress)។

៥.ក្បាល​ពោះ​រាប​ស្មើ​: Matcha Green Tea ជួយ​កាត់​បន្ថយ​ជាតិ​កូលេសស្តេរ៉ល​ (Colesterol)​ និង​​ធ្វើ​ឱ្យ​ក្បាល​ពោះ​រាប​ស្មើ។ មិន​តែប៉ុណ្ណោះ​វា​ក៏​ជួយ​កាត់​បន្ថយ​ការ​ប្រឈម​នឹង​ជំងឺ​លើស​ឈាម​។ ៦.​បង្កើន​ថាមពល​: Matcha Green Tea មាន​ផ្ទុក​វីតាមីន​​និង​រ៉ែ​ដែល​​អាច​ផ្ដល់​ថាមពល​ដល់​រាងកាយ​បាន​៦​ម៉ោង។​​​​​

​​​​