របបអាហារដ៏មានប្រសិទ្ធភាពដែលសម្រក៤គីឡូក្នុង១សប្ដាហ៍

2017-12-04 14:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អនុវត្តការទទួលទានរបបអាហារបែបនេះក្នុងរយៈពេលមួយសប្ដាហ៍អ្នកនឹងអាចស្រកបាន៤គីឡូដោយសុវត្ថិភាព!

១.មុនពេលទទួលទានអាហារពេលព្រឹក

មុននឹងទទួលទានអាហារពេលព្រឹកអ្នកគួរតែញ៉ាំទឹកក្រូចឆ្មាមួយកែវសិន។ ផឹកវាជាមួយពោះទទេដើម្បីជាការលាងសម្អាតជាតិពុលនៅក្នុងខ្លួន។

២.អាហារពេលព្រឹក

បន្ទាប់ពីទទួលទាននូវទឹកក្រូចឆ្មាមួយកែវរួចមកទុកចន្លោះពេលកន្លះម៉ោង, រួចវាជាពេលសម្រាប់អាហារពេលព្រឹក។ អ្វីដែលអ្នកត្រូវការសម្រាប់អាហារពេលព្រឹកគឺផ្លែឈើ។ ជាតិស្ករដែលមាននៅក្នុងផ្លែឈើនឹងធ្វើការជ្រាបចូលទៅខ្លួនបានល្អ។ ឧទាហរណ៍ដូចជាផ្លែប៉ោម, ទំពាំងបាយជូរ, ក្រូច, និងផ្លែឈើស្រដៀងនេះក៏បាន។ បន្ថែមពីលើនេះទៀតអ្នកអាចទទួលទាននូវសណ្ដែកដូចជា Hazelnuts, Almonds, រួមទាំងប្រភេទសណ្ដែកដ៏ទៃទៀតក៏បាន។

៣.អាហារពេលថ្ងៃត្រង់

សម្រាប់អាហារពេលថ្ងៃត្រង់អ្នកអាចទទួលទានសាច់ជាធម្មតាដូចជាសាច់មាន់, សាច់គោ, ត្រីជាដើម។ សំខាន់គឺគួរជៀសវាងនូវការបរិភោគនំប៉័ងសម្រាប់អាហារពេលថ្ងៃ។ តែគួរតែបន្ថែមទឹកដោះគោជូរនិងយ៉ៅអ៊ួរជាបង្អែមចុងក្រោយវិញ។

៤.អាហារសម្រន់

ពីរទៅបីម៉ោងបន្ទាប់មកទៀតអ្នកអាចនឹងមានអារម្មណ៍ឃ្លាន។ ហើយវាក៏ជាពេលសមល្មមនឹងញ៉ាំអាហារសម្រន់ដែរ។ រៀបចំសាឡាត់ញ៉ាំសម្រាប់ជាអាហារសម្រន់ដោយបន្ថែមអំបិលបន្តិចប្រេង Olive បន្តិច។ វាធ្វើឱ្យឆ្អែតតែមិនឡើងគីឡូទេ។

៥.អាហារពេលល្ងាច

នេះជាអាហារចុងក្រោយសម្រាប់របបអាហារក្នុងមួយថ្ងៃរបស់អ្នកហើយ។ ការដែលសំខាន់នោះគឺអ្នកត្រូវទទួលទានអាហារពេលល្ងាចឱ្យបានមុនម៉ោង៦លា្ងចឬម៉ោង៦តែម្ដង។ ហើយម្ហូបដែលល្អនោះគឺសាឡាត់និងស៊ុត។

៦.បន្ទាប់ពីអាហារពេលល្ងាចរួច

រៀបចំនូវតែបៃតងផឹកមុនពេលចូលគេង។ ប្រាកដណាស់អ្នកមិនអាចទទួលទានទឹកតែបៃតងម្ដងមួយលីត្រមុនពេលចូលគេងបានទេ, ដូចនេះញ៉ាំវាលេងៗចន្លោះពីម៉ោង៦ល្ងាចរហូតដល់ពេលចូលគេងចុះ។

ប្រភព៖ pinterest ប្រែសម្រួល៖ Sin Sovannleakhena