«អន្លង់ផ្សោតកាំពី» រមណីយដ្ឋានដែលអាចទស្សនាសត្វផ្សោតដ៏កម្របាន !!!

2017-12-06 06:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អន្លង់ផ្សោតកាំពី ត្រូវបានបង្កើតឡើងក្នុងឆ្នាំ១៩៩៩ ដើម្បីស្វាគមន៍ភ្ញៀវទេសចរជាតិ និងអន្តរជាតិ។ អន្លង់ផ្សោតកាំពីនេះ ជាអន្លង់ដែលមានផ្សោតរស់នៅច្រើនជាងគេបំផុតក្នុងទន្លេមេគង្គ ដែលមានផ្សោតប្រហែល២០ក្បាល។សម្រាប់អ្នកស្រាវជ្រាវវិទ្យាសាស្ត្រសិក្សាអំពីផ្សោតទន្លេមេគង្គ បានបញ្ជាក់ថាផ្សោត ជាថនិកសត្វទឹកសាបកម្របំផុតនៅក្នុងពិភពលោក។

ដើម្បីចូលទៅឲ្យកៀក និងឃើញសត្វផ្សោតឲ្យកាន់តែច្បាស់ ភ្ញៀវទេសចរត្រូវធ្វើដំណើរតាមទូកដែលមានម៉ាស៊ីន ។ ពេលវេលាល្អបំផុតដើម្បីទស្សនាសត្វផ្សោត គឺក្នុងរដូវប្រាំង នាពេលព្រឹកព្រលឹម និងពេលល្ងាច។ទោះបីជាផ្សោតផ្លាស់ប្ដូរជម្រកពីកន្លែងមួយទៅកន្លែងមួយទៀតតាមរដូវក៏ដោយ ប៉ុន្តែ អ្នកបើកទូកម៉ាស៊ីនដឹងយ៉ាងច្បាស់ថាពួកវាប្ដូរទៅរស់នៅទីណា។