អំណោយ ១០យ៉ាងដែលអ្នកមិនត្រូវជូនជាកាដូក្នុងថ្ងៃចូលឆ្នាំចិន

2018-02-05 09:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ជនជាតិចិនមានតំណមជាច្រើនចំពោះថ្ងៃចូលឆ្នាំចិន ព្រោះសម្រាប់ជនជាតិចិន ថ្ងៃចូលឆ្នាំចិនជាថ្ងៃពិសេសជាងគេក្នុងមួយឆ្នាំ ការជូនអំណោយក្នុងថ្ងៃចូលឆ្នាំចិនជាប្រពៃណីដែលជនជាតិចិនមានតាំងពីយូរណាស់មកហើយ ។ ហើយការជូនអំណោយនេះទៀតសោតក៏មានតំណមមួយចំនួនដែលជនជាតិចិនតែងតែប្រកាន់ខ្ជាប់ដែរ។ ខាងក្រោមនេះជាអំណោយ ១០ យ៉ាងដែលអ្នកមិនគួរជូននៅក្នុងអំឡុងពេលចូលឆ្នាំចិន៖ ១.របស់មុត៖ ដូចជាកន្ត្រៃ កាំបិត ជាដើម។ ព្រោះវាជាតំណាងឲ្យការកាត់ផ្ដាច់ចំណង។ ២.លេខបួន៖ ហាមជូនរបស់អ្វីដែលមានទាក់ទងនឹងលេខបួន ព្រោះនៅក្នុងភាសាចិន លេខបួនគឺមានសូរដូចនឹងពាក្យថា ស្លាប់។

៣.ស្បែកជើង៖ ព្រោះវាតំណាងឲ្យគ្រោះកំណាច ហើយស្បែកជើងជាអ្វីដែលយើងពាក់ហើយជាន់ពីលើ ហេតុនេះហើយវាមិនមានន័យល្អនោះទេ។ ៤.កន្សែងដៃ៖ ព្រោះវាជាសញ្ញាថានឹងលាគ្នាជារៀងរហូត ដោយសារតែជាទូទៅគេតែងតែឲ្យកន្សែងដៃនៅចុងបញ្ចប់នៃពិធីបុណ្យសព។

៥.នាឡិកា៖ វាជាប្រផ្នូលនៃសំណាងអាក្រក់និងសេចក្ដីស្លាប់។ ៦.ផ្លែសេរ៊ី៖ ការឲ្យផ្លែឈើគឺជារឿងប្រសើរ ក៏ប៉ុន្តែការឲ្យផ្លែសេរ៊ីគឺជាតំណម ព្រោះសូរសម្លេងនៃផ្លែសេរ៊ីនៅក្នុងភាសាចិន គឺមានសូរដូចនឹងពាក្យថា ឃ្លាត។

៧.ផ្កាកាត់៖ ផ្កាកាត់គឺតំណាងឲ្យបុណ្យសព ហេតុនេះហើយកុំជូនផ្កាក្នុងថ្ងៃបុណ្យចូលឆ្នាំជាពិសេសគឺផ្កាស្បៃរឿង ឬផ្កាពណ៌សរគ្រប់ប្រភេទ។ ៨.ឆត្រ៖ វាតំណាងឲ្យការបែកគ្នា។

៩.របស់ណាដែលមានពណ៌ខ្មៅនិងសរ៖ ព្រោះពណ៌ខ្មៅនិងសរគឺប្រើក្នុងបុណ្យសព។

១០.កញ្ចក់៖ ជនជាតិចិនជឿថាកញ្ចក់គឺទាក់ទាញខ្មោច។

ប្រភព៖ China Highlights អត្ថបទ៖ សោភា