កុំបារម្ភថាពេលមករដូវ ចង់ហែលទឹកមិនបាននោះ !! មានរបស់នេះអាចឲ្យអ្នកស្រួលចិត្តជាមិនខាន

2018-02-26 12:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឧបសគ្គកើតមានចំពោះមនុស្សស្រីពេញវ័យគ្រប់រូបជារៀងរាល់ខែជាអ្វីដែលគួរឱ្យធុញទ្រាន់គឺការមករដូវរបស់ស្ត្រី។ មិនត្រឹមតែរំខានដល់ផ្លូវអារម្មណ៍និងផ្លូវកាយទេ, ចង់ហែលទឹកក៏មិនបាន, ដើរហើរក៏មិនស្រួលចិត្តក្លាយប្រឡាក់នេះប្រឡាក់នោះខ្មាសគេ។ និយាយរួមត្រូវប្រយ័ត្នគ្រប់ជំហាន។ គិតទៅកើតមកជាមនុស្សស្រីមិនស្រួលទេ។

តែដឹងម៉េចអត់? សម័យនេះហើយកុំព្រួយពីរឿងទាំងនោះទៀតអី! ដឹងថាគេមានលក់អ្វីខ្លះសម្រាប់មនុស្សស្រីពេលមានរដូវអត់?

Menstrual Cup

Menstrual Cup គឺជាកូនពែងស៊ីលីកូន (Silicone Cup) ដែលត្រូវបានគេផលិតសម្រាប់មនុស្សស្រីពេលមានរដូវ។ វាមានលក្ខណៈងាយស្រួលមានអនាម័យជាងការប្រើសំឡីធម្មតាបើយោងទៅតាមការចែករំលែកបទពិសោធន៍របស់អ្នកដែលធ្លាប់ប្រើ Menstrual Cup នេះ។ ស្ត្រីពេញវ័យ៩១%នៃប្រទេសកាណាដាមានការពេញនិយមប្រើប្រភេទ Menstrual Cup នេះហើយក៏បាននែនាំស្ត្រីជាបន្តបន្ទាប់ទៀតឱ្យប្រើដូចគ្នា។

អត្ថប្រយោជន៍

អត្ថប្រយោជន៍ដែលអ្នកនឹងទទួលបានពីការប្រើប្រាស់ Menstrual Cup នេះគឺថាវាមិនប៉ះពាល់ដល់សុខភាព, មានអនាម័យ, មិនបង្កក្លិនអាក្រក់។ ហើយការស្រង់មតិពីការប្រើប្រាស់ Menstrual Cup នេះដែលធ្វើឡើងនៅតំបន់ជនបទ western Kenya បានឱ្យដឹងថាបាក់តេរីមួយចំនួនធំត្រូវបានកាត់បន្ថយធ្វើឱ្យអត្រាការកើតជំងឺកាមរោគផ្សេងៗត្រូវបានកាត់បន្ថយដែរដោយធៀបទៅនិងអ្នកប្រើប្រភេទសំឡីអនាម័យបន្ទះ។ អ្វីដែលជាហេតុផលល្អមួយទៀតនោះគឺអ្នកអាចធ្វើសកម្មភាពដែលអ្នកចូលចិត្តបានដោយសេរីនិងមានអារម្មណ៍មានផាសុកភាពដូចជាការលេងកីឡា, ហាត់ប្រាណ, ហែលទឹក, និយាយរួមគឺគ្រប់ចលនា។