ដឹងតម្លៃសំបុត្រចូលទស្សនា រោងកុន IMAX ដំបូងបំផុតនៅ កម្ពុជា ហើយ!

2018-06-01 00:24:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តប្រាកដជាកំពុងនឹងចង់ដឹងយ៉ាងខ្លាំងពីរោងភាពយន្ត IMAX ដែលជាបច្ចេកវិទ្យាទំនើប ដែលមានទំហំអេក្រង់ធំជាងអេក្រង់ធម្មតាដល់ទៅ៦ដង ចំណែកឯតម្លៃសំបុត្រចូលទស្សនាវិញគឺបានបែងចែកទៅតាមប្រភេទកៅអី។

រោងភាពយន្តនេះ ផ្ដល់នូវរូបភាពនឹងសំឡេងល្អឥតខ្ចោះ ដែលអាចធ្វើឱ្យអ្នកទស្សនាមានអារម្មណ៍ថាកំពុងស្ថិតនៅក្នុងភាពយន្តពិតៗអ៊ីចឹង។ រោងកុន IMAX សម្រាប់អ្នកទស្សនាអាចសម្លឹងមើលពីគ្រប់ទីកន្លែងអង្គុយ ដោយសាររូបភាពនៅលើកញ្ចក់រោងកុន គឺត្រូវគេពង្រីកយ៉ាងធំ ជាមួយនឹងអេក្រង់កោង ហើយនឹងមានប្រើ *Projector ដល់ទៅ២ នៅពេលបញ្ចាំងរឿង។

សម្រាប់រោងកុន IMAX បែងចែកជា ៣ប្រភេទកៅអីអង្គុយ និងមានតម្លៃខុសៗគ្នា ៖

១/ ប្រភេទកៅអី ULTIMATE IMA ដែលជាប្រភេទកៅអីសាឡុងស្ថិតនៅខាងលើនៃរោងកុង ហើយមានតម្លៃ ២៥$

២/ ប្រភេទកៅអីPRIILEGE IMAX ដែលស្ថិតនៅផ្នែកកណ្ដាលនៃរោងកុង ហើយមានតម្លៃ១០$

៣/ ប្រភេទកៅអីPREMIUM IMAX ដែលស្ថិតនៅផ្នែកខាងក្រោម ហើយមានតម្លៃ ៩$ ។

រោងភាពយន្ត IMAX នេះមានតែមួយប៉ុណ្ណោះនៅក្នុងទីក្រុងភ្នំពេញ និងមានតែមួយនៅរោងភាពយន្ត Major Cineplex by Smart Aeon Mall 2 ខណ្ឌ សែនសុខ។

អត្ថបទ៖ chanvutha yin