ឈានដល់ពាក់កណ្តាលឆ្នាំ ២០១៦ហើយ បើអ្នកត្រៀមគម្រោងនិងចង់ចេញប្រលូកបើកអាជីវកម្មខ្លួនឯងនោះ អ្នកទាំងអស់គ្នាគួរតែចំណាយពេលខ្លះ ដើម្បីអានសៀវភៅល្បីៗក្នុងពិភពលោកដែលអ្នកជំនួញជោគជ័យជាច្រើនបានរៀនតាម។  Sabayដើរ បានដកស្រង់សៀវភៅទាំង 4 ក្បាលខាងក្រោមណែនាំឲអ្នកទាំងអស់គ្នាអានសម្រាប់ទុកធ្វើជាដើមទុន។

How to Win Friends and Influence People:

និពន្ធដោយលោក Dale Carnegie និងបោះពុម្ពក្នុងឆ្នាំ 1936 លក់ចេញបានរាប់លានក្បាលលើពិភពលោក។ អ្នកជំនួញរាប់មិនអស់បានប្រើប្រាស់សៀវភៅនេះជាជំនួយក្នុងការនាំពួកគេទៅកាន់ភាពជោគជ័យ។ មានមនុស្សជាច្រើនណាស់បានអានវាជាច្រើនលើកច្រើនសារដើម្បីចងចាំនូវសំខាន់ក្នុងសៀវភៅ។ ការណែនាំរបស់អ្នកនិពន្ធ គឺមានភាពជាក់ស្តែង និងឧទាហរណ៍ល្អៗ ដែលអាចយកមកប្រើប្រាស់ក្នុងជីវិតបាន។ អ្នកប្រាកដជាមិនដែលឃើញអ្នកជំនួញណាមួយទទួលបានជោគជ័យដោយមិនបានអានសៀវភៅនេះឡើយ។

The Seven Habits of Highly Effective People:

និពន្ធដោយលោក Stephen R.Coveyផ្តោតទៅលើភាពជាអ្នកដឹកនាំដែលបានផ្លាស់ប្តូរជីវិតមនុស្សរាប់លាននាក់។ចំនុចសំខាន់ៗនិងល្អៗដែលអ្នកជំនួញបានរៀនពីសៀវភៅនេះគឺអំណាចនៃការយកចិត្តទុកដាក់លើអ្វីមួយ និងសម្ថតភាពក្នុងការធ្វើអ្វីមួយដោយឯករាជ។អ្នកនិពន្ធបានបញ្ជក់ថាបើគ្មានអំណាចទាំងពីរនេះទេ ទោះអ្នកមានចំណេះដឹងច្រើនប៉ុណ្ណាក៏ដោយ ក៏អ្នកមិនអាចអភិវឌ្ឍខ្លួនអ្នកឲខ្លាំងបានដែរ។ នេះមិនមែនជាសៀវភៅដែលប្រាប់ផ្លូវកាត់ឬក៏ល្បិចដើម្បីទៅរកភាពជោគជ័យនោះទេ ប៉ុន្តែក្នុងជំពូកនីមួយៗពោរពេញទៅដោយគំនិតដែលអ្នកគួរតែកត់ត្រាទុកនិងអានម្តងហើយម្តងទៀតដើម្បីកសាងផ្លូវសម្រាប់ដើរទៅរកភាពជោគជ័យក្នុងជីវិត។បើគ្មានការយកចិត្តទុកដាក់ទៅលើអ្វីមួយមួយនោះទេ មុខជំនួយរបស់អ្នកគឺមិនអាចទទួលបានជោគជ័យនោះទេ ដូច្នេះហើញបានជាអ្នកគួរតែធ្វើជាម្ចាស់សៀវភៅនេះ។

Steve Jobs:

និយាយអំពីសហគ្រិនម្នាក់ដែលព្យាយាមផ្លាស់ប្តូរពិភពលោកដោយខ្លួនគាត់ផ្ទាល់។ អ្នកនិពន្ធ Wallet Issacsonបានដកស្រង់ការសម្ភាសចំនួនជាង 40 ជាមួយលោក Steve Jobs និងការសម្ភាសជាងរាប់រយរវាងគ្រួសារ មិត្តភក្តិ និងអ្នករួមការងារ ដើម្បីបង្កើតបានជាសៀវភៅមួយក្បាលនេះ។ បើសិនជាអ្នកមានគម្រោងចាប់ផ្តើមមុខជំនួញផ្ទាល់ខ្លួននោះ សៀវភៅនេះនិងក្លាយជាកាតាលីករជំរុញឲអ្នកសម្រេចអ្វីមួយលើសពីការគិតរបស់អ្នក។ Issacsonសរសេអំពីគ្រប់ចំនុចនៃជីវិតផ្ទាល់ខ្លួនរបស់Jobsតាំងពីអត្តចរិតនិងការជឿជាក់របស់គាត់។លើសពីនេះទៅទៀត អ្នកនិពន្ធបានបន្ថែមអំពីជីវិតរស់នៅដ៏សាមញ្ញរបស់សេដ្ឌីពាន់លានម្នាក់នេះ ជាមួយនិងភាពជាអ្នកដឹកនាំ ដ៏មានឥទ្ធិពលក្នុងពិភព Computer ជាមួយនិង Coding។ បន្ថែមជាមួយនឹងភាពវ័យឆ្លាតក្នុងការលក់និងវិស័យទីផ្សាររបស់គាត់។ Steve Jobs បានរស់នៅក្នុងជីវិតដ៏មិនគួរឲជឿមួយដែលអ្នកមិនដែលបានជួបពីមុន រឿងរបស់គាត់នឹងជះឥទ្ធិពលដល់ចិត្តអ្នកអំពីភាពជាអ្នកដឹកនាំ និងគំនិតក្នុងការធ្វើជំនួញដែលរុញច្រានអ្នកក្នុងការសម្រេចសមិទ្ធផលអ្វីមួយសម្រាប់ពិភពលោក។

RICH DAD POOR DAD

សៀវ​ភៅ​នេះ​និយាយ​អំពី​មនុស្ស​ម្នាក់​ដែល​មាន​ឪពុក​ពីរ ឪពុក​បង្កើត​ជា​អ្នក​ក្រ​និង​ឪពុក​របស់​មិត្ត​ភក្តិ​ជិត​សទ្ធិ​ឈ្មោះ​ថា Mike ជា​អ្នក​មាន​។​ឪពុក​ទាំង​ពីរ​ដែល​ម្នាក់​ជា​គ្រូ​បង្រៀន​និង​ឪពុក​ម្នាក់​ទៀត​ជា​អ្នក​ជំនួញ​បាន​ផ្តល់​មេរៀន​ឲ្យ​កូនៗ​អំពី​របៀប​ដើម្បី​ក្លាយ​ជា​មនុស្ស​ជោគជ័យ​ទៅ​ថ្ងៃ​អនាគត​តាម​ផ្លូវ​ពីរ​ផ្សេង​គ្នា​។​ ក្នុង​សៀវភៅ​នេះ​អ្នក​និពន្ធ​បាន​ធ្វើ​ការដក​ស្រង់​និង​ប្រៀប​ធៀប​មេរៀន​របស់​ឪពុក​ទាំង​ពីរ​ជា​ប្រាំ​មួយ​ជំពូក​ដូច​ខាង​ក្រោម​

អ្នក​មាន​មិន​ធ្វើ​ការ​ដើម្បី​លុយ​។

សារះ​សំខាន់​នៃ​ចំណេះ​ដឹង​ខាង​ផ្នែក​ហិរញ្ញវត្តុ​។

ប្រកាន់​ខ្ជាប់​ការងារ​របស់​ខ្លួន​ឯង។

ពន្ធអាករ​និង​ការ​សហការ។

អ្នក​មាន​អាច​ផលិត​លុយ​បាន។

ធ្វើការ​ដើម្បី​រៀន​ មិន​មែន​ធ្វើ​ការ​ដើម្បី​លុយ​តែ​មួយ​មុខ​ទេ​។

កែសម្រួល៖ ដាណែត​