ជឿអត់ថាគ្រឿងស្រវឹង ធ្វើឱ្យមនុស្សញៀន?

2017-03-28 10:00:37
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រឿងស្រវឹងគ្មានសារធាតុញៀនទេ ប៉ុន្តែវាចេះវង្វក់ចិត្តមនុស្សឱ្យចង់ផឹករាល់ថ្ងៃ ។ មនុស្សមួយចំនួន ចូលចិត្តប្រើប្រាស់គ្រឿងស្រវឹង ព្រោះវាអាចធ្វើឲ្យពួកគេ មានអារម្មណ៍សប្បាយ បានរសាយពីភាពមួរហ្មង ឬទុក្ខកង្វល់ ភ្លេចអស់នូវទុក្ខព្រួយ និងបញ្ហាស្មុគស្មាញនានា។ យ៉ាងណាមិញ ការទទួលទានភេសជ្ជៈស្រវឹងទាំងនោះរាល់ថ្ងៃ អាចបង្កឲ្យពួកគេប្រឈមនឹងគ្រោះថ្នាក់ជាច្រើន ដូចជា ៖

មិនអាចគិតគូរ ធ្វើកិច្ចការងារបានល្អប្រសើរ
បាត់បង់ការចងចាំ (ខូចខួរក្បាល)
ខាតបង់លុយ ពេលវេលា
អាចឈានដល់ការបង្កហិង្សាក្នុងគ្រួសារ នាំឲ្យបាត់បង់កិត្តិយស
ងាយមានទំនាស់ជាមួយមិត្តភក្តិ ឬអ្នកជិតខាង
អាចមានគ្រោះថ្នាក់ក្នុងពេលធ្វើការងារ ឬមានគ្រោះថ្នាក់ចរាចរ
បង្កឲ្យមានជំងឺក្រពះ ឈឺថ្លើម ក្រិនថ្លើម មហារីកថ្លើមជាដើម ក្អួតឈាមជាដើម ។ល។
មានអារម្មណ៍ធ្លាក់ទឹកចិត្ត គិតចង់សម្លាប់ខ្លួន ឬសម្លាប់ខ្លួនក្នុងករណីខ្លះ...។

ដើម្បីជាគន្លឹះក្នុងការ បញ្ឈប់ទម្លាប់សេពគ្រឿងស្រវឹងដោយខ្លួនឯង គ្លីនិក នៃអង្គការចិត្តសង្គម អន្តរវប្បធម៌ នៃកម្មវិធីសុខភាពផ្លូវចិត្តបានណែនាំពីវិធីមួយចំនួនដូចខាងក្រោម៖

រំលឹក និងដឹងខ្លួនឯងថា ការញៀនគ្រឿងស្រវឹង នឹងនាំឲ្យមានបញ្ហាធំ ប៉ះពាល់ដល់ខ្លួនឯង និងគ្រួសារ។

កាត់បន្ថយបរិមាណ នៃការប្រើប្រាស់គ្រឿងស្រវឹង បន្តិចម្តងៗជាលំដាប់ដោយការតាំងចិត្ត។

ព្យាយាមផ្លាស់ប្តូរទម្លាប់ប្រើប្រាស់គ្រឿងស្រវឹង ដោយព្យាយាមធ្វើកិច្ចការការងារប្រយោជន៍ ដូចជាធ្វើកិច្ចការផ្ទះ លាងចាន បោកខោអាវ ជួយដាំស្លជាដើម ឬទៅលេងកីឡា ដើម្បីទ្រទ្រង់សុខភាពឲ្យបានល្អជាដើម។

រកជំនួយពីគ្រូពេទ្យ ឬអ្នកឯកទេសផ្តល់ប្រឹក្សាដើម្បីពិគ្រោះ យោបល់ប្រសិនបើ មានការលំបាក ឬកើតមានរោគសញ្ញា នៅពេលផ្តាច់គ្រឿងស្រវឹង៕

អត្ថបទ៖ មាន រតនា

ពាក្យទាក់ទង

Tips

ភ្ជាប់ទំនាក់ទំនងជាមួយ Sabay Der

អត្ថបទថ្មី

តោះ! មកដឹងពីប្រវត្តិ និងរឿងរ៉ាវខ្លះៗអំពីនំបញ្ចុកខ្មែរ

ទៅដើរលេងជាមួយ Best friend កុំរំលងស្ទីលស្លៀកពាក់អស់ទាំងនេះណា៎

គ្រឿងអលង្ការស្អាតដូចដួងខែ លើកសម្រស់ឥតខ្ចោះ

ម៉ូតសក់សម្រាប់មិត្តនារីសក់ខ្លីពេលចូលរួមកម្មវិធី

ប្លែកតែសប្បាយ! ហាត់រ៉កនឹកឃើញនាំភ្ញៀវស្លៀកឈុតដេកយប់ជប់លៀង អបអរខួប ២ឆ្នាំនៅភ្នំពេញ

ខោខូវប៊យជាមួយអាវរលុងធំៗដឹងតែស័ក្ដិសមត្រូវម៉ាច់សម្រាប់ខែរងារ