តើមូលហេតុអ្វីដែលបណ្ដាលឱ្យស្បែកស្ងួត?តើមានវិធីព្យាបាលទេ?

2017-10-25 04:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្បែកស្ងួតជាបញ្ហាដ៏ធ្ងន់ធ្ងរដែលកំពុងកើតមានចំពោះមនុស្សភាគច្រើនពិសេសសុភាព នារី។ ស្បែកមានតួនាទីសំខាន់សម្រាប់ការពាររាងកាយទាំងមូលដូចនេះវាងាយនឹងទទួលរងការខូចខាតពីមជ្ឈដ្ឋានខាងក្រៅ។ខាងក្រោមនេះ គឺជាមូលហេតុធ្វើឱ្យស្បែកស្ងួត ដែលយើងគួរតែយល់ដឹង និងការព្យាបាល ទប់ស្កាត់កុំឲ្យមានបញ្ហាដល់សុខភាពស្បែករបស់យើង...

វ័យ

ពេលមនុស្សមានវ័យកាន់តែចាស់ការផ្ទុកជាតិទឹកក៏មានការចុះថយធ្វើឱ្យស្បែកកាន់តែងាយខូចខាតនិងស្ងួត ហើយការបណ្ដុះកោសិកាថ្មីក៏មិនបានល្អដូចវ័យក្មេងដែរ។ ដូចនេះដំណោះស្រាយដ៏ងាយស្រួលក្នុងការដោះស្រាយបញ្ហានេះគឺការបង្កើននូវទម្លាប់ផឹកទឹកឱ្យបានញឹកញាប់។ កុំត្រាំទឹកក្ដៅឬមុជទឹកក្ដៅយូរពេកព្រោះវាធ្វើឱ្យរបកនូវស្រទាប់កោសិកាខ្លាញ់ពិសេសរបស់ស្បែក។ ការប្រើប្រេងដូងមកលាបលើស្បែកអាចជួយឱ្យស្បែកមានជាតិសំណើម និងភ្លឺ។

ការញ៉ាំអាហារ និង lifestyle

Lifestyle និងរបបអាហារក៏អាចជាបញ្ហាដែលបណ្ដាលឱ្យស្បែកបាត់បង់ជាតិទឹកដែរ។ ការបរិភោគអាហារដែលគ្មានជាតិខ្លាញ់អាចធ្វើឱ្យស្បែកបាត់បង់ Essential Fatty Acids (omega3 និង omega6 )ដែលមានសារសំខាន់ជួយផលិតជាតិប្រេងនិងរក្សាសំណើមដល់ស្បែក។ ដូច្នេះហើយការបរិភោគអាហារដែលមានជាតិomega3 គឺមានសារសំខាន់។ បើអ្នកមិនបានទទួលទានអាហារដែលមានomega3ក្នុងមួយថ្ងៃ អ្នកក៏អាចញ៉ាំfish oil ដែលជាប្រភេទថ្នាំគ្រាប់មានផ្ទុកនូវomega 3 fatty acidsក៏បាន។

កត្តាអាកាសធាតុ

នេះជាបញ្ហាទូទៅដែលមនុស្សភាគច្រើនជួបប្រទះ។ អាកាសធាតុត្រជាក់ធ្វើឱ្យស្បែកស្ងួតខ្វះជាតិសំណើមថែមទាំងអាចធ្វើឱ្យមានការកន្ទួលរមាស់ក្រហមលើស្បែក។

ហើយការទទួលរងនូវកម្ដៅថ្ងៃក្ដៅខ្លាំងក៏ជាមូលហេតុបណ្ដាលឱ្យខូចខាតកោសិកានិងទប់ស្កាត់សមត្ថភាពបញ្ចេញសំណើមរបស់ស្បែក។ ដូច្នេះហើយការសិក្សាស្រាវជ្រាវបានបង្ហាញថាអាហារដែលសំបូរទៅដោយជាតិវីតាមីនមានដូចជាផ្លែក្រូច, ប្រភេទសណ្ដែក, ស្ពៃពណ៌បៃតង, broccoli, និងស៊ុតអាចជួយផ្ដល់និងរក្សាសំណើមស្បែក។ ក្នុងអាហារទាំងនេះសំបូរទៅដោយវីតាមីនB2, B6, B12, C និងE។