វិធី កាត់បន្ថយក្លិនមាត់នៅពេលព្រឹកបន្ទាប់ភ្ញាក់ពីដំណេក

2017-11-25 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្នាក់ៗតែងតែជាប់នៅបញ្ហាក្លិនមាត់នៅពេលព្រឹកបន្ទាប់ភ្ញាក់ពីដំណេកដោយជៀសមិនផុតតែម្ដង ជាពិសេសពិបាកបំផុតនៅពេលដែលអ្នកមានមិត្តភ័ក្ដិ Sleep over ជាមួយ ឬ ក៏ពេលមានគូស្រករ។

ដូច្នេះហើយវិធីខាងក្រោមនេះនឹងជួយបំបាត់ ឬក៏អាចកាត់បន្ថយនូវក្លិនមិនល្អនៅក្នុងមាត់នៅពេលព្រឹកព្រលឹម។

១. កុំបរិភោគខ្ទឹម

ការជៀសខ្ទឹមពីម្ហូបអាហារដែលយើងបរិភោគរាល់ថ្ងៃអាចនឹងពិបាកបន្តិច តែប្រសិនបើអ្នកពិតជាចង់កម្ចាត់ក្លិនមាត់មែននោះ អ្នកគួរតែជៀសវាឲ្យបាន។

២ ហាមភ្លេចដុសធ្មេញមុនពេលចូលគេង

ប្រសិនបើអ្នកមិនបានដុសធ្មេញសំអាតជាតិកខ្វក់ដែលអ្នកបានបរិភោគពេញមួយថ្ងៃមុនពេលចូលគេងនោះទេ វានឹងបង្កឲ្យមានបាក់តេរីដែលធ្វើឲ្យមានក្លិនមិនល្អនៅពេលព្រឹកព្រលឹម។

៣.គួរកុំផឹកកាហ្វេ និងស្រា

បម្រាមមួយនេះរៀងពិបាកបន្តិចហើយ តែដោយសារតែកាហ្វេ និងស្រាធ្វើឲ្យមាត់របស់អ្នកស្ងួតខ្លាំង ហើយកាត់បន្ថយលទ្ធភាពនៃការផលិតទឹកមាត់ និងធ្វើឲ្យបាក់តេរីបង្កកំណើននៅក្នុងមាត់ ដូច្នេះបើអាច អ្នកគួរតែប្រុងប្រយ័ត្នជាមួយវា។

៤ កុំដេកចំហមាត់

បម្រាមមួយនេះកាន់តែពិបាកនឹងទប់ស្កាត់ដោយសារតែនៅពេលដែលដេកលក់ អ្នកមិនមានសតិទៅគ្រប់គ្រង់បញ្ហានេះបានទេ តែនៅពេលដែលអ្នកទម្លាប់ដេកដកដង្ហើមតាមមាត់ នោះនឹងធ្វើឲ្យមាត់មានភាពស្ងួត និងបាក់តេរីចូល។